تغليف هدية جدا جدا جدا مميزة..هدية القنفة

السلام عليكم خواتي ..

بعرض لكم طريقة تغليف هدية ..
دام ان اليهال الحين خلصوا امتحانات الله يحفظهم
والاهل يعطون عيالهم هدايا ..
وحفلات النجاح والتفوق كاثرة والحمدلله ..

طريقة بسيطة لكن جدا مميزة .. واهم شي تدخل السرور على نفس اللي تقدمينها له .


الحمدلله والفضل لله اني سويتها حق ولدي يوم تخرجه..وااااايد وااااااااايد استانس ...ومو بس اهو حتى انا وابوه استانسنا واهو يشقق القراطيس ويطلع الهدايا ..
وسويتها حق عيال اختي في حفلة نجاحهم ..صار جو بالحفلة << اليهال خلوا الحفلة وتيمعوا عالهدية لوول
وسويتها حق وحدة من رفيجاتي ( شخص كبير ) وهم كانت مميزة ..


:teeth_smile: :74_74: :teeth_smile: هدية على شكل قنفة .. ومعاها طاولة أو تلفزيون بلازما :teeth_smile: :74_74: :teeth_smile:


مابي اشوقكم اكثر .. أترككم مع الصور ...




وهذا ولدي شايل هدية عيال خالته .. بس ماقدر يشيل تلفزيون البلازما ..
لاحظوا التلفزيون يعرض صورة ولدي مع عيال خالته طبعتها بالطابعه ..
وهم الكرت المعلق بالقنفة .. من داخل كاتبة كلمة مبروك كبيرة .. ومن برة الكرت نفس الصورة اللي على التلفزيون.

لايطوفكم الريموت عجيب << ترا ثلاثي الابعاد لوول



وهذي هدية رفيجتي .. عبارة عن جوتي(القاعدة) ..ومعاه كتاب (السنادة)




واخيرا هدية ولدي .. قاعد عليها .. قنفتين ومعاهم طاولة ..
والصورتين الاخيرتين فيهم تفاصيل الهدايا والتغليف ..






أتمنى الفكرة تعجبكم ..
وياريت اللي تسويها تصورها وتعرضها لنا ..
يالله بنات خنشجع بعضنا ..
وهالله هالله بالردود الايجابية ..
وحياكم الله ..
​

موفـتقــه يــارب

مشكورة حبيبتي عالمشاركة ..
وجزاج الله خير عالدعوة الحلوة ..

الله فكرة حلوة

يعطيك العافية

فكرررررررررة حلوة و غريبه ..

يعطيج الف عااافيه...

موفقه اختي وشغلج روووووووووووووعه وخاصه تغليف الهدايا

مشكورة وماااقصرتي

ررررررررررررررروعه هذا الشغل ولا بلاااااااااش ماشالله عليج

اي فكرة روعة يعطيك الف عافية

تغليف حلووووو وغريب
يسلمووووو

اختي موضوعج وايد حلو ليش ما تدخلين معارض لووووووووووووول waaaaaaaaaaaaaawوااااااااايد حلو

ثااااااااااااااانكس

ماشاء الله وايد حلوين يعطيج العافيه

تشووووووق الفكره حدهاا حللوووه
تسلمييين حبيبتي

ما شاء الله
رووووعة وايد حلو

فكرتج واااايد روعه
يعطيج العافيه

ابدااااااااااااااااااااااااااااااااااااااع ماشاءالله عليج........

لو سمحتي ماتطلع معاي لصور شوقتوني اشوفها ممكن؟:75_75:

افكار حلوه عليه بالف عافيه .....

رررررررررررروعه يعطيج الف عافيه بس ياليت تحطين طريقه العمل بالصور عشان التطبيق يكون اسهل

يعني شلون ثبتيهم ببعض عدل وجذي

ومشكوره وماقصرتي على هالافاده الحلوه...