بنات انا بدش على طول حياتي ازوجيه صارت ممله ؟؟ يعني مو مثل اول تخيلو يدخل البيت ساكت مايسوووووووووووولف ولاحتى يشتاقلي ولا اهمه زعلت رضيت ويحب يهاااااااااوش كرهني بعيشتي والله تغير عن اول هو ماتغير على طول بس كل مالنا نبعد عن بعض بدون مانحس حتى في النوم انا انام بجهه وهو ينام بالعكس يقول ماحب انا الا بالعس لانه بعيد عن المكيف واذا لبست لبس حلو مايتكلم مايمدح ولا شي حتى في الجماع ماهو مثل اول تغيرنا محنا مثل اول ابد احس حياتنا صارت ممله بنات هل الزواج كذا يعني بعد كم سنه يصير ملل وفتور ؟ ولا بس انا اللي كذا ووش الحل
حبيبتي الحياة مشاركه دايما بين الزوجين ولازم انت كونج مره يكون عندج التنازل أكثر من زوجج ، قعدي معاه وكلميه بكل صراحه عن سبب تغيره وانج مضايقه من التغير المفاجأ، يمكن يكون مضايقه شىء أو في باله شىء حاولي تتقربين منه أكثر وتفهمينه وسايسيه بالكلام وبعد حاولي انج تغيرين الروتين ساعات الروتين يخلي الواحد يحس بالملل. طولي بالج وانشالله ماكو الا كل خير والله يهدي سكم ويسعدكم ويصلح أموركم
هلا حياتي هو بكل حياه زوجيه فيه مشاكل وفيه ملل بس المره الذكيه هي اللي تلطف الجو وهي اللي تسوي اجواء تخلي الرجال يشتاق يرجع بيته يعني اذا هو دخل وساكت روحيه وبينيله اهتمامج فيه اساليه شفيك ساكت شنو تحب تاكل ومن هالسوالف يدخل البيت جهزيله كاس عصير وفواكه او كيكه او اي شي وكشختج خليها دايمااااااااااااا00000 وتنازلي شوي وحاولي تبعدين عن المشاكل ومضايقات الواحده منه مالها الا زوجهاا ياحياتي ودايم رددي هالدعااااء (اللهم سخر من وليته امري واجعلني ملاكا في عينيه) الله يسر امورج يارب000
الحيااه الزوجيه لابد يجيهاا فتره فتوووور يا منج يا منه بس المرأه الذكيه تحااول تغير من ستايلهاا من غرفتهااا ونظاامهاا تكسر الروتين الممل تتشارك ويا زوجهااا تشوف شنو اللي مضااايقه والوحده المفرووض تفهم زوجهااا من غير مايتكلم .. الله يهديه لج ويسخره لج .. بس مايصير تحطين ايدج على خدج وتقولين كل المتزوجين جذي لازم تطورين من نفسج وحياااتج ترى الحيااه الزوجيه مو بس لبس قميص نوووم ترى الزوج مهماا كان يمل يبي اللي تفهمه من كل تحس فيه تكوون الام والصديقه والزوجه والحبيبه .. يعني عوديه تكونين اقرب له من نفسه .. ان شاء الله فهمتيني وربي يسخره لج ويهديكم لبعض ..
ماشاء الله البنات كفو لازم فتوررر لازم الرجال يتضايق مو شرط منج يمكن من احد مضايقة لاتسالين واجد شفيك خلية على راحتة بس لاتقصرين بحقة انا وزوجي مانام الا بالعكس عادي مو شرط يحضنج وا وجة لوجة وماراح يتعدل وضعكم ويستقر بعد سنة من زواج راح تفهمون بعض خلية اكيد شي مضايقة بس حسسية انج محتاجتلة ودزيلة مسج اشتقتلك وينك مطول واذا جا قوليلة من زمان ماقعدت وياك حاسة انك بعيد عني مو عوايدك هالسكوت متعودة عليك تضحك ومستانس عسا مومقصرة بحقك او اكون انا الي مضايقتك قولي مافيها شي يمكن شايف شي وانا مو ملاحظتة علي شوفي ردة فعلة شنو يمكن يبي شي او محتاج شي حاولي تنزلين دمعتين مع كلامج خلي شوي في عتاب قوليلة جان انا مقصرة بشي من حقك تزعل علي بس لاطول زعلك انا مقدر على زعلك يوم حسيت بالامان معاك تحاشاني وتهرب عني تحسسني اني مكسورة ونت سندي ترى حيل تغير طبعك يالغالي منت مثل اول وجانك متضايق من احد الله يفرجها من عندة بس لااشوف الزعل عليك واذا محتاجني بشي ترا عيوني لك من لي عقب الله غيرك ترى المرا تحس برجلها لو مايكلمها تحس في وادري انا في شي مكدرك بس فقدت الضحكة بالبيت صار كانة مهجور من عقب ضحكتك ربي يخليك لي وبوسي راسة وطول وانتي تكلمينة امسكي ايدة بقوة شوي وعينج بعينة لاتنزلينها فهمتي ولاتعطينة فرصة رصي الكلام مرا وحدة وشوفي وقوليلة انا اذا بشكي مالي الا الله ثم انت وانت اذا بتشكي مالك الا الله ثم انا ترى انا سترك وغطاك الله يخلية لج بس عادي يمرون بهالفصلات بس انا اكلمة مااخلية جذي الله يهدي لج يارب
حبيبتي هالفتره الممله لاااااااااااااااااااااااااااااااابد منها وتصير بكل بيت بس ترى بايدج تخلينها تطول وبيدج تخلينها تنتهي وماترد وانتي وشطارتج بس مو اذا اهو ماتكلم انتي بعد ما تتكلمين 0000 فتحي معاه موضوع حلو وتناقشو فيه حجزولكم شاليه والا ليله في فندق الله يوفقكم ويصلح مابينكم ولا يعكر عليكم يارب اهم شي وسعي بالج
جم سنه صارلج متزوجه؟؟ انتي بيدج تقدرين تغيرين كل شي تقعدين معاه يابوفلان شفيك عسى ماشر حالك موعاجبني قعد احتيك في مني قصور لاسمح الله؟؟ مقصره بحقك نورني الله يطمن قلبك البسيله تدلعي غيري بشكلج من ناحية قصة الشعر الصبغه لبسج بالبيت حسسي انج دوم متلهفه عليه وتشتاقيله وانه محد يشغلج عنه مهما كان غيري نظامج بالفراش؟ ودوم شغلي سورة البقره ابيتج يوميا وكثري استغفار وادعي ربج يصلحه ويهديه لج ان شالله
لاتحسبوني مقصره بالعكس قص ولبس وفاهمته اذا متضايق واسئله بالعكس بس هو مايفيد معه يعني صاير مممممممل مرات اذا سئلته يقول انا طفشان ابي اسافر لوحدي
حبيبتي انتي روحي بيت اهلج قعديلج كم يوم لين يهدي ويشتاقلج وتغيرين جو الملل اللي انتي عايشه فيه بدال لا اهو يسافر
روحي بيت أهلج ريحي كم يوم هناك عشان يشتاقلج وغيري بشكلج بشعرج بلبسج وهذي الحياة الزوجيه فتره يصير فيها فتور وفتره تحسين إن زوجج بس يبيج ويشتاقلج والله يهديه ويسخره لج إن شاء الله
