تقييم دكاتره التربيه الاساسيه

مرحبا بنات شلونكم
حبيت كل وحده تقول لنا عند منو اخذت مواد ورايها بالدكاتره عشان نستفيد من بعض

انا اخذت عند د/ بدر العازمي تطور فكر تربوي اسلامي وبصراحه هالدكتور واااااايد زين واللي ياخذ عنده يضمن aانا انصح اللي تلقى عنده لا تطوفه
الثقافه الاسلاميه اخذتها عند اسامه عبدالرحيم هم دكتور روعه اخذت عندهa
مناهج بحث عند عبدالرحيم الكندري حيل زين
اصول التربيه عند الدكتوره عروب القطان اهي عسل وشرحها ةتعطيج اسئله الاختبار

انزين بنات بما انكم من التربيه ..


من طالبه من جامعة الكويت (كلية العلوم الاجتماعيه) ..

واللي يعافيكم بغيت اسالكم عن دكتور/ بدر جعفر علي الكندري ..

جاي عندنا انتداب يعطينا علم اجتماع تمنية .. مادري اذا تعرفونه ...؟؟

طريقة امتحاناته شلون ......؟؟

د\محمد صالح يهبل أنسان جداًمتساهل مع الطلبة وإمتحاناته روووووعة .
د\ أسامة عبدالرحيم حلو بعد
د\نورة محارب أمتحاناتها رووووووعة

مرحبااا

انا اخذت مناهج بحث عند محسن الصالحي يهبل
اصول تربية لطيفة الكندري وايد زينه وتضمنين a
مناهج فوزي الدوخي يبيج تفهمين وكل امتحاناته على فهمج انتي ما يقيدج بالكتاب
حضارة راكان المطيري يعيطج حقج ومايطلب شي اهم شي الحضور بس
ثقافة اسلاميه حسن عبدالله حلو امتحاناته سهله
تطور فكر تربوي اسلامي بدر ملك نفس نظام زوجته
طرق تدريس رياضيات دلال العنزي تهببببل
رياضيات ابتدائية1 ثريا عاديه
هندسة تحليله عايشه البديوي حلوه
رياضيات ابتدائية 2 محمود حيدر زيين
حاسبات الجيب عبدالمحسن الخرافي يهبل يعاملج مثل بنته

وبس

الدكتوووره ايمان العنزي رووووعه تعطي رياضبات ابتدائيه1

مشكوووووووووووووووووووووووووووووووووووورة

انا تخصصي رياضيات مساند علوم وبتخرج هالصيفي بإذن الله وبذكر لج الدكاتره اللي درست عندهم وتقييمي لهم

1)دكتور نايف الدوسري اخذت عنده ماده كويت وتنميه -----------انا ما احب احفظ واجد والدكتور طريقته يكتبج بالمحاضره ويبيج ترصين له كلامه حرفيا بالامتحان وامتحانه مقالي 3 اسئله كل سؤال 10 درجات اللي تحب الحفظ تاخذ عنده

2)دكتوره ايمان العنزي درست عندها هندسه تحليليه مستويه---------ما تفهم بس امتحاناتها سهله والماده ما تحتاج دكتور يفهم تبطلين الكتاب تفهمين بس اهي كانت واجد تضيع تحل غلط ونعدل لها مع ان اهي اللي مئلفه الكتاب!وواجد تغيب هذا احسن شي فيها

3)دكتوره عايشه البديوي درست عندها رياضيات ابتدائه1----- دكتوره تهبل شرحها ووايد حلو وحقانيه وتحب الالتزام وما تحب اللي تغيب واجد

4)دكتوره مشاعل العبيد درست عندها مناهج-------- مزااااااااااااجيه واسلوبها لووووووووعه وما تحب احد يناقشها بشي اهي صح والباقي غلط وترى مو هالكلام عشان ما اخذت عندها درجه بالعكس اخذت a بس ما كنت احب محاظرتها لان اسلوبها كلش مو شي مع البنات انا كنت اتجنب اتكلم معاها من اسلوبها

5)دكتور محمود بوليله درست عنده تفاضل وتكامل 1 وهندسه تحويلات و تحليل عددي-----------الدكتور زين ويراعي الطالبات ووايد ويعيد الامتحانات للبنات حتى بدون عذر طبي واللي ما جابوا درجات زينه يعيد لهم الامتحان ويعطينا كل شي بالنوت ما تفتحين الكتاب وامتحانه كوبي نفس اللي بالنوت حتى الارقام ما يغيرها

6)دكتور احمد مرسي درست عنده جيولوجيا عامه-------دكتو زين يفهم وامتحاناته متنوعه مقالي وموضوعي ويعطي ملخص تدرسينه والامتحان ما يطلع منه

7)دكتور محمد بهزاد اخذت عنده علم نبات---------- ووايد زين بس الماده قثيثه

8)دكتوره نبيله الزامل درست عندها كيميا عامه------------ووايد زينه وامتحاناتها سهله

9)دكتوره سعاد الشبو درست عندها تعليم كبار ومحو اميه --------- تههههههههههبل الدكتوره لا تطوفون الماده عندها

10)دكتوره لطيفه الكندري درست عندها تطور فكر اسلامي-----------ووايد زينه وامتحاناتها سهله حيل بس ركزي على اللي تقوله بالمحاضره وكتبيه بالامتحان

11)دكتوره دلال العنزي درست عندها مناهج بحث وطرق تدريس رياضيات ---------باختصار تههههههههبل وانصح الكل ياخذ عندها واهو مغمض الدكتوره اسلوب وشرح وتعامل والله لو اكتب عنها ما تكفيني فيها 10 صفحات ما اقول الا الله يكثر لنا دكاتره من امثالها

12)دكتور ياسر الدالي درست عنده انجليزي 1---------------ووايد زين وامتحاناته سهله

13)دكتور ابراهيم محمود درست عنده جبر خطي ومقدمه في البنى الجبريه------------- الدكتور ووايد يتطنز عالبنات وطول المحاضره قاعد عالكرسي ما يشرح يقعد ويقول المثال بالحجي ويحله بالحجي بدون لا يكتب شي عالللوح بس المادتين حيييييييييييييل سهلين وامتحاناته سهله وتافهه نفس الامثله المحلوله بالكتاب اللي تقدر تدرس بروحها تاخذ عنده بس اللي تبي احد يفهمها ما انصحها فيه

14)الدكتور عبدالله العنجري اخذت عنده سيكولوجيه تعلم--------------طبعا كل الكليه تذم فيه ويقولون امتحاناته صعبه انا توكلت على الله ودرست عنده هالماده لانها ما فتحت لي الا عنده وطلع كلام البنات كله غلط الدكتور معاملته ووايد زينه يحب الالتزام ما يحب التاخير ما يعطي كتاب للماده يقول ركزوا على الشرح وكتبي لج نوت اهو اللي تدرسينه باختصار اللي ما تغيب وتنتبه معاه بالمحاضره تاخذ عنده انا ما كنت اغيب واركز على كل كلمه يقولها بالمحاضره واخذت a- وطريقته امتحان فصلي عليه 50 درجه وامتحان فاينل عليه 50 درجه والامتحانين 25 سؤال كل سؤال عليه درجتين والاسئله كلها اختيار من متعدد

15)دكتور عبدالمحسن الخرافي درست عنده حاسبات الجيب والاحصاء--------------دكتور رائع ويعاملج جنج بنته وامتحاناته سهله

16)دكتور رفعت نسيم درست عنده كيميا فيزيائيه ---------------امتحاناته كلها افكار ومافي كتاب يقول المسئله في عقله ويحلها وانتي ضايعه ما تدرين شالطبخه يقول عاوزين كتاب ليه انا احسن من الكتاب

17)دكتور فؤاد شعبان درست عنده جيولوجيا اقتصاديه-------------ووايد زين وطيب وتصليحه يهبل

18)دكتوره منى السلامين درست عندها علم حيوان--------------زينه وتعطي بونس بس امتحاناتها حيييييييييييييل دقيقه

19)دكتوره ثريا درست عندها فيزيا اساسيه ------------- اذا عندج امتحاناتها اخذي عندها لان تحط اسئله فيها افكار بس اسئلتها نفس كل كورس تغير شي بسيط بس الافكار نفسها وتعطي كوزات بديل عن امتحان للي ما تقدم عدل

20)دكتور يعقوب الشطي درست عنده طرق تدريس علوم -------- انحاشوا عنه

هذول الدكاتره اللي درست عندهم اما باقي المواد فما درستها بالتربيه الاساسيه درستها بالجامعه وعادلوهم لي عشان جذي في مواد ما كتبت عنها شي

يعطيج العافيه ما قصرتي
ثقافه موسيقيه عند دكتور فهد الفرس هالدكتور يجنن ويعطيa
اداره تربويه تعليميه عند دكتوره حنان المزيدي هالدكتوره اتوقعا يديده بس مو شي ما انصح احد ياخذ عندها
ما تشرح كل الشرح على البنات والكتاب كله معاج ولا تحط اسئله ولا شي بس تجي تحضر شرح البنات وبس
وامتحانها كله موضوعي وصعب حيل
بس للامانه اسلوبها زين
تدريبات لغويه عند دكتور حسن هنداوي امتحاناته سهله كله من النوته بس ماارتحت له يحاسب على الحضور واذا دخلتي وراه واخذ الغياب تعتبرين غياب بدون نقاش
وبس معصب
علم الدلاله دكتور فاطمه العازمي تهبل حيل زينه انصح تاخذون عندها
قضايا نحويه دكتور يحيى علم هم هالدكتور زين وامتحاناته من النوت بس شوي فيها صعوبه

مرحباااااااا بنوتات

الله يعطيك العافيه يارب

خلوني افيدكم

دكتور فتحي عبدو بلاغه اممممممم امتحاناته مبااشره نفس النوت بس تصحيحه دقيق حده
مبارك الذروه مناهج اتوقع امممم ممتاز امتحانه سهل ومبااشر

احمد العلي ادب اسلامي شرحه عاادي بس يعطيج اسأله الامتحان وامتحانه مبااشر

يحي حبلوش حديث ممتااااز يعطيج الاسأله وامتحانه مباشر والكميه شويه

رااشد جراري مزااجي بس اسأله الامتحان مبااشره واذا كلمتيه يساعدج اشكثر بنات يكلمونه ويمشيهم

هاذا الي يحضرني الحين
وان شاءلله لي بااك

منو تعرف عن الدكتورفتحي عبده ادب جاهلي ضروري الرد

يعطييييييييييكم العافيه انا مستجده وو بتكنولوجيا وحابه احول لرياضه اطفال
بس انا خذيت جدولي وايد حلو بس عندي
مادتين الاوله المكتبه واستخدماتها للحين مادري منو عندنا
والماده الثانيه سيكولوجيه النمو بعد مادري منووووووووو

يعطييييييييييكم العافيه انا مستجده وو بتكنولوجيا وحابه احول لرياضه اطفال
بس انا خذيت جدولي وايد حلو بس عندي
مادتين الاوله المكتبه واستخدماتها للحين مادري منو عندنا
والماده الثانيه سيكولوجيه النمو بعد مادري منووووووووو

السلام عليكم بخصوص فتحي عبدو
دكتور فتحي انا اخذت عنده بلاغه
شرحه حلو وامتحانه مباشر بس عيبه بالتصحيح
انه دقيق حيل ولو انج ماخذه علامه كامله لابد انه ينزلج كم درجه

الكورس الصيفي اخذت عند احمد الجمل تجويد ممتاز بكل شي
الحضاره نواف الجحمه انحاشو عنه نصيحه
محمد الكندري روعه
جوهره المحيلان العلاقه بين الجنسين تينن ماشاءلله عليها


ولي باك لعيونكم

أستاذ : عمر غيث طرق تدريس عام
شرحه حلو واختباراته زيينه وانسان نظامي ومايظلم يعطي كل وحده حقها والي هي تستاهله ..

عبدالله وتيد : كويت وتنمية دقييق وشديد ع الحظور لو تاخرين دقيقة عن الوقت الي محدده مايستقبلج بس اختباراته حلووه كلها تعديد نقاط

بدر ملك : أصول تربية :عجييب حيل ارتحت معاها يسمع منج ويعذرج ع ظروفج واختباراته نفس الي يقولج اياها بالظبط بس الحضور عنده مهم

سوسن التركيت : مناهج بحث : تمششين معاها خطوة بخطوة لين تخلصلج البحث وحليوه بس ماتحب احد يغغيب تتنرفز منه ع قولتها ههههه

نجي عن تخصصي أنقليزي :-
إيمان العطار : حبوبة وشرحها حلوو بس متطلبة شويه وبعد تشدد ع الحضوور أخذت عندها بس محادثة فكان الامتحان عادي بس كلام اما عن المواد الباجية الي تدرسها مادري ؟!

فاضل :خذيت عنده قراءة : صج بتحقدون علي بس والله يعجبني يعني مايظلمج ولا يفضل احد ع احد الكل عنده نفس الشي بس شديييد حيل يعني انا التزمت معاه والحمد لله يبت a
وامتحانات متوسطة يعني مو وايد سهلة ولا وياد صعبة

دكتورة طيبة : خذيت عنها كتابة وسقت روحي لانها فاشلة بمعنى الكلمة ولافهمنا منها شي وهالكلام كل الي كانو معاي يأكدوونه لآتلتزم بوقت حظورها واذا طلعنا تجي ع اخر ربع ساعة وتحسبنا غياب واختباراتها مادري من وين جايبتهم لانها اساسا مادرستنا شي بس تسولف وكلا تنتقد البنات تخيلو تقول حق المنقبات انتو لا تقعدون جدام تيبوونلي إكتئاب حييل لبسكم اسود <يعني يلبسونلج نقاب ملون مثلن ؟! بس حييل نتفتها استغفر الله

وهالكورس انشالله اقولكم عن دكاترتي بس للأسف خل يفتحون مواد واسجل عقب يصير خير

بنات تكفين شرايكم بمعصومه قاسم مناهج

مادري عنها بس انشالله البنات يفيدووونج

...............................................

السلام عليكم ...
يعطيكم العافيه ...
حبيت اخذ رايكم بالدكاتره اللي مسجله عندهم هالكورس من ناحية التعامل ومستوى الامتحانات وكمية المقرر ...
اتمنى انكم تفيدوني ...
1- د.يحيى مير علم ( نحو وتدريبات لغويه )
2- د.عبيد الشمري ( مناهج )
3- د.عروب القطان ( مناهج بحث )
4- د.الاء النجار (انجليزي 1 )