مرحبا بنات اشلونكم بقولكم قصتي يمكن تاخذون برايي أنا قبل مدة كتبت مشكلتي اني ماخليت شي ماسويته سويت تحاليل شاملة عن الهرمون عند الدكتور المختص بالهرمونات والغدد الدكتور عبد الناصر وقالي مافيج اذا انا فيني شي انتي فيج هذا رده بالحرف الواحد وسويت الاشعة الزيتية للأنابيب هم قال مافيج شي واسوي كل شهر في رابع عشر من الدورة عن المبايض هم مافيني شي وانا عندي بنت وحده انهبلت وتدهورت نفسيتي ابجي بالثواني ولو احد من الحريم اللي عندنا في البيت يقولون انها حامل اصعد شقتي وابجي لان على طول يجيبون طاري الحمل جدامي واكمتها بصدري المهم زوجي لاحظت عليه انه ساكت وقلتله رووح سو تحاليل يمكن منك وراح وجاني وقال مافيني شي المهم رحت عند نص دكاترة الكويت ماخليت احد ماطقيت بااابه طبعا ونفسيتي منها وبالنازل ورحت أخيرا عند الدكتورة ماجده اليتامي سبحان الله يابنات رحت وقلت بشووف وهذي والله والله آخر دكتورة اروحلها تعبت من الاحباط ورحت لها وشافت تحاليل زوجي قالت منو قال ان زوجج مافيه شي يبا زوجج فيه التصاقات وحركة الحيوانات المنوية ضعيفه وقلت زين شسوي قالت احسن شي تسوين تلقيح صناعي وانصدمت ورحت لزوجي وقلته قال خلها تولي ماعندها سالفة انا مافيني شي وقعدت ابجي قلت ادخل معاي ودخل معاي بعدها بمراجعه وقالت لي اخذي ابر منشطة وخذيت تقريبا 14 ابرة كل يوم اخذ ابرتين واخر الايام قمت اخذ ثلاثة طبعا لاتشوفوني ايديني وافخذوي رااحو فيها بس ماعليه ان الله مع الصابرين وصبرت والابرة 15 ابرة التفقيس 13 من الدورة وبعدها سوتلي التلقيح الصناعي 14 من الدورة وهم 15 من الدوره هم سوتلي وصبرت وطبعا نفسيا الله لايوريكم تعبت من الابر والدواء ومن السونارات الداخلية وزوجي هم اتعبت نفسيته والحين النتيجة ياليل شطووولك ورحت وسويت تحليل دم الا حامل حامل انهبلت قعدت ابجي وشكرت ربي والحين سويت سونار انا حامل بتوأم الحمدالله صبرت ونلت والله يعلم ان نفسيتي اتعبت ومن غير اهل زوجي يشوفوني كل عصر ارووح عشان اخذ الابر مع زوجي يقولون ايه اشعليها لاعيال ولا حمال وطاير فيها مايدروون اني ارووح كل عصر عند الطبيب بس المهم النتيجة الحمدلله والله يابنات من بعد الله ثم هالدكتورة صج دكتورة واتعرف شغلها والحريم شكثرهم عندها وكل ماأسأل وحده تمدحها واتقولي انا تلقيح صناعي الحمدلله يااارب تعبي ماراح هدر عاد انا انصحكم فيها ولاتنسون الدعاء والتهجد والله لايخيب كل عينن ترجي طفل يااارب لاني صج حسيت بالمعاناة
حبيبتي والله . . . ربي يثبت حملج ويرزقج بالذرية الصالحة . . . كنت اقرأ كلامج وضاق خلقي . . . لكن لما وصلت للنهاية استانست لج . . . ربي يثبت حملج ويرزقج بالذرية الصالحة اللي تبر فيج يارب . . . واهتمي بنفسج ولاتجهدين نفسج وخففي الجمااااع . . .
الله يهنيج ويثبت حملج ويكمل فرحج فيه ويهوون عليج يا قلبي فعلا صح كلامج هالدكتووره يمدحوونها واايد والحمدلله بعد صبرج الله عووضج والله يررزق كل محروووومهـ بالذريه الصالحهـ اللهم امين يارب .......
الحمد لله وحدة لاشريك له الله يعوضك بعيالك خير ويتمم عليج وتشوفينه بعينج حبيبتي والله حاسة فيج الناس ماترحم تجرح حيييييل الله يتتم عليج مــــــــــــــــــــــــبروك والله فرحت لج
الف الف مبروك حبيبتى الله يتمام عليج ان شاء الله بصحة وعافيةويبعد عيون الناس عينج قولى امين يارب العالمين اول الكلامج يضيق الخلق وبعدين يفرح يا قلبيى
