:sad_smile:تكفون يابنات الفزعة اعز صديقاتي تمر بمشكله وهي انها حامل في الشهر الثاني وترضع بنتها من صدرها وحريم كبار في السن قالوا لها وقفي لاترضعين بنتك وبنتها مره ترضع صناعي ومره تبكي ماتبغاها وهي مي عارفه ايش تسوي هل هو الحليب اللي في صدرها مضر ولا عادي ترضع اللي عندها خبره ياليت ترد وياليت تسالون امهاتكم والله يوفقها دنيا واخره اللي ترد علي
هي سالت دكتورتين وحده قالت عادي ووحده قالت لا وهي محتاره مررره ياليت تسالين والله يجزاك الخير وياريت البنات كمان يفيدوني للاهميه وووووينكم يابنات منتدى سيدات الكويت ارجو الرد
اهو عادي مايضر الجنين ولابنوتتها ... بس الضرر على الام ... لان راح ينقص عندها الاكالسيوم والحديد والمعادن والفيتامينات ....:frown: فعشان جذي لازم تاخذ مكملات غذائيه صناعيه وطبيعيه وتكثر من الالياف وتاخذ فوليك اسد وتحاول تقلل من مرات الرضاعه بس ماتحرمها حرام :sad_smile: وحاولي تفطمينها عن صدرج بالتدريج عشان نفسيتها ... والله يهون عليها وعلى جميع المسلمات .... وان شاء الله اكون افدتج ....:teeth_smile:
اي يسمونه حليب المهن ويضر لان امي كانت ترضع وماتدري انها حامل واخوي تقول تعب وصار مريض عشان جذي موزين ترضعها وترى الحريم الكبار والله يفهمون اكثر من دكاترة هالوقت يعني اكيد مجربين ويقولج اسأل مجرب ولا تسال طبيب
شكرا لكم على المرور الرائع بس اذا وقفت الرضاعه الطبيعيه يجلس الحليب بصدرها ويعورها يسير زي الحجر ايش تسوي وبنتها صغيره اوقات ماتبغى الرضاعه الصناعيه
الحليب موزين لبنتها يسبب لها امراض لازم توقف الرضاعه وصدرها يعورها 3 أيام تقريبا وبعدين خلاص ينشف بس اهم شي لاتعصره ولا ترضع بنتها وهو يجف بروحه واذا عورها لازم تحط كمادات. وتاخذ مسكن بنادول بس علشان الالم...
هلا أختي الله يثبت حمل رفيجتج ويرزقها بالذرية الصالحة خليها تفطم بنتها عن حليبها ومرة على مرة بتعود بنتها على الحليب الاصطناعي وبالنسبة لبقاء حليبها بصدرها خليها تشفط الحليب ومع الشفط وتكراره يوميا بقل الحليب وبيوقف
[size="7"]انا قريت بكتاب ينصح بالرضاعة االطبيعية انة عادي الام ترضع وهي حامل حتى لو تولد الاثنين يرضعون ولا يضرها وانا سالة دكتورة الجنين يجية رزقة والي يرضع يجة رزقة والله اعلم[/size]
