تكفون حبايبي ابيكم تساعدوني؟؟؟

مــــــــــــــــــــــرحــــــــــــــــــبا...

شــلونكـــــم ؟؟

تكفون ساعدوني فيني اثار لحب الشباب وحفر في وجهي وقالولي افضل شي جهاز اسمه((الفراكسل)) موجود عند (د.عادل قطينه...وعند اوباجي) شرايكم وين اروح تكفون انصحوني والا مجربه تقولي وين سوتها....

تـــــــكفون ناطـــــرتكم...:sad_smile::sad_smile::sad_smile:

هالموضوع حق اللي يعانون من آثار حب الشباب والكلف والتجاعيد البسيطة

آنا كنت اعاني من حب الشباب من كان عمري 13 سنة وتم معاي حب الشباب اكثر من عشر سنين لما عالجت بحبوب روأكوتين وراحت الحبوب وتركت آثارها على بشرتي ونفسيتي

وما خليت طبيب من قنال و احمد رشيد ماكو فايدة

تقشير كيميائي ومو كيميائي هم ماكو فايدة يتحسن الملمس بس الحفر ما تتغير واكثر مكان بالخد قريب عالأذن

وفي مرة كنت رايحة لدكتور محمد عبدالله اللي بعيادة اوباجي بالشعب وكنت رايحة اطق بوتكس للخط اللي بين حواجبي لأني دايما مكشرة

المهم لما شافني قاللي آنا عبالي انتي يايه عشان آثار حب الشباب وقلتله آنا يأست من هالمشكلة واستسلمت ان ماكو حل لها

وهني قاللي عن اختراع عجيب اسمه فراكسل واهو عبارة عن اشعة ليزر تحل مشكلة الآثار والكلف والتجاعيد وقاللي لا تستعيلين فكري وسألي وبحثي بالأنترنت عن هالموضوع

وبعد البحث توكلت على الله وخذيت موعد ولازم تروحين قبل الموعد بساعة ونص عشان التخدير الموضعي وابر التخدير في الأماكن اللي فيها الآثار عميييقة

وكانت الجلسة عبارة عن عذاااااب والجهاز مؤلم تحسين كأنه يغرس ابرة حاااااارة بويهج وطول الجلسة ودموعي تصب ومنهارة لأني ما تخيلت الألم جذي

وشفت ويهي بعد الجلسة واخترعت لأنه كان وااااارم واحمر كأني مسوية عملية مو جلسة ليزر

وطلعت ابجي واقول بعد مستحييييل اعيدها لأنه اهو قال احتاج اربع جلسات بس والله طالعة ودموعي على خدي حتى الدكتور وصلني لباب سيارتي من كثر ما كنت منهاااااارة

وطبعا طول الطريج حاطه الثلج على ويهي وحراااارة رهيبة لمدة 3ساعات وبعدين خفت الحرارة بس تم ويهي وااااارم لمدة 4 أيام منخشة بالبيت وبعدها كان ويهي جاف وفيه قشور خفيفة وعلى طول حاطة حماية حتى وآنا بالبيت

ادري للحين ماكو شي يشجع بس بعد اسبوعين تقريبا ولا ويهي مو ويهي والحفر خفت بنسبة 60% تقريبا مو نفس ما قاللي 20% بكل جلسة وسكت ونطرت الناس يقولون لي ولا فعلا اولهم ريلي مو مصدق بشرتي صارت جذي

خواتي امي اهلي كلهم مستغربين من النتيجة

لدرجة ريلي يقول آنا لازم اروح حق الدكتور واشكره (وقبل يقوللي ماتحتاجين العيار)

وسويت الجلسة الثانية وناطرة الجلسة الثالثة بعد اسبوعين مع ان الكل يقول ما احتاج بس بتأكد ادري صرت طماعة

طبعا المره الثانية كان الأنهيار اخف لأني عارفه شبيصير وهذي صورة حاله يقول الدكتور قريبة لحالتي بس بصراحة آنا نتيجتي احسن

وهذا الموقع مال الشركة بس الأفضل تسوين بحث غير موقع الشركة عشان تشوفين آراء الناس بعيد عن الدعاية
اضغطي على الرابط وان شاء الله يفيدج
Fraxel®

وسعر الجلسة ب 200 بس في عرض لآخر الشهر ب160
طبعا غالي بس يسوى

قلبي لقيت هذا الرد من خلال بحثي في قوقل واتمنى يفيدج :smile:​

​

موفقه حبيبتي وبشوره ما قصرت........

مشكــــــــــــوره يابعد قلبي والله انج انقذتيني الله يفرجلك وين مارحتي لاني فعلا كنت محتاره وانا بروح له واتوكل على الله ..:rose::rose::rose:
وشكرا لكل اللي مروا على موضعوعي

ماقصرتي يابشوره

العفو حبيبة قلبي :smile: