اولا السلام عليكم ورحمة الله ثانيا بنات تكفون علموني شلون اتعامل مع الانسانه هذي مرت حماي انسانه غريبه كنت ساكنه جمبها بشقه وساعات تطرش بناتها يلعبون مع عيالي ويقعدون ساعات ولا تناديهم وكل شي ينقصها وربي اعطيها واذا اتصلت علي ارد واطيب خاطرها بس اذا بقيتها ولا احتجت شي ماترد علي واذا شافتني نظراتها مو طبيعيه تحسين بقلبها شي اعوذو بالله 000لا وفوق هذا انا الحمد لله طلعة بيت لحالي حتى ماباركتلي ولا شي 0000والادهى والامر الحين سمعت انها بتسكن فوقي علموني شلون اتعامل معاها لانها رافعه ضغطي ولا اعرف اتصرف وناويه اغير معاملتي بس شلون شتنصحوني في بليز بنات انتظر ردودكم 0000
يمكن تغار منج أو انها مريضه أو خبله بس خليج أحسن منها لو علشان حماج اذا هو زين معاكم والله يعينج عليها.
حبيبتي الطيب مايثمر دام المرا تقط عيالها معناتها تشتري راحتها على حسابج مافيها شي اذا جوج قوليلها بنوم عيالي ولا عيالج مايقعدون ولاقفلي الباب ولاتفتحين لهم نصيحة انتي الي بتتعبين وتزهقين عيالج ودي عيالج لها ولله لتطردهم من الباب واذا متغيرة النفسية ماتشوف شر كيفها غيري نفسيتج والي ماباركت لبيتج اعرفي انها ماتستحي ولا هميتيها بالمرة كما تدين تدان العين بالعين والسن بالسن مثل ماتعاملج عاممممممممممممممممممممممممممممليها بس لاتبينين انج تقلدينها جيبيها بطرق ثانية وسوي نفسج عادي اذا قاعدة سولفي وياهلا ومرحبا واذا مو موجودة ماتشوف شر عزيزة وغالية بس حطي حد لها انا صراحة ماتحمل هالاشكال الله يعينج
الله يعينك لكن هذي نصيحه علها تنفع ...... كان النبي عليه الصلاة والسلام يعطي مثل هؤلاء الناس ويحاول أن يبالغ في إكرامهم لعله أن يطفئ نار الغضب والكراهية في قلوبهم، ولعله بذلك أن يؤلف قلوبهم على الحق، فأنت تستطيعين أن تؤلفي قلبها حتى تعلم أنك أحسن منها وبحسن العشرة والمعاملة والدعوة والدعاء سوف يكفيك الله تبارك وتعالى شرها، وأرجو أن لا تشغلي بالك بها أبدا واحسني معاملتها وسترين النتائج قريبًا، باذن الله
عاملي حماتك كما تحب والدتك ان تعامل ،، هي بمقام والدتك وهي والدة زوجك واحترامها واجب ،، حاولي التقرب منها ومعاملتها بالحسنى ومع الوقت تأكدي انها ستبادلكِ نفس المعاملة بالتوفيق اختي
مشكورين وماقصرتو على الردود 0000000واختي ياارا الي اتكلم عنها هي زوجت حماي مو ام زوجي ومشكوره على التصيحه
حبوبة نصيحة عاملي الناس بأصلج و مالج شغل بطريقتهم معاج .. ياما بتشوفين أشكال و ألوان و اللي يأذونج لا يصير بينج و بينهم أي احتكاك سواء اهي و لا غيرها .. سلام و عليكم السلام و انتهى الموضوع لا تعورين قلبج و لا شي .. ما باركت لج بالبيت؟؟ شنو يعني؟؟ بينهدم البيت الله لا يقوله اذا ما سمعتي منها كلمة؟؟ لا تعطين أي اعتبار للناس بحياتج .. و مو كلمة منها بتغير مجرى حياتي.. منو أهي عاد؟؟ أقصاها مرت حماج .. يا خال أبوي حك ظهري .. لو خالتج ام زوجج ممكن .. لكن انسانه غريبة عنج و بعيده .. ليش تعورين قلبج عليها؟؟
نفس ما قالولج البنات ولا تصيرين حساسه يعني انتي قاعده تعطين من قلبج وعلبالج بتردلج اياها؟ لا تبينيين لها العداوه بس اشتري راحتج مثل ما اهيه شاريه راحتها0
السلام عليكم اختي هذي مرت حماج فيها نوع من الحقد لأن متوفرلج كل شي وأكيد تحس بالنقص ، و من طريقة كلامج انج طيبة و على نياتج ، بس لازم الانسان يفرض شخصيته و احترامه،كل شي يكون بحدود عشان ما تتمادى عليج و انتي ياعمري ساكته و فارضة نفسها عليج ،انا مااشيشج بس حلاته الانسان يكون له احترامه و انشاالله تكونين فاهمه قصدي
