السلام عليكم ورحمة الله وبركاته خواتي المتزوجات واللي نفسي مخطوبات اتمنى منكم المساعده امنتكم اي وحده تقرا الموضوع لاتطلع منه الا وهي كاتبه لي حل بسيط انا متزوجه من شهر 2 وعرسي السنة الجاية وعمري 19 وزوجي 29 وبصراااحه هو انساااان متفهم حيييل حيييل معاي وصابر على دلعي وغلطاتي معاه انا احبه واموووت فيه لدرجة الجنون وهو بعد نفسي وتعرفون فترة الخطوبه نطلع مع بعض ونتصارح مع بعض وانا دايما اسئله شنو اللي مايحبه عشان ابعد عنه ويكون رده مع الأيام او من طريقه كلامي افهمي شنو اللي احبه وعرفت انه مايحب ألبس عباية ظيجه أول الأمر قلت لا ماراح اخليه يتحكم فيني بلبس على كيفي وهو طيب ماراح يقول شي بس بعدين وتحديدا الأسبوع اللي طاف قررت آخذ كل عباياتي الخياط واوسعهم عشان افرحه اذا شافني فيهم واليوم مر وخذاني من دوامي ومافيها دقايق الا وهو معصب علي ليش صدرج طالع وانا مومنتبهة له ولما شفته والله ماكان طالع بس يقول انا قاعد اشوفه مني وحاولت افهمه اني مو منتبهه له لكن ظل معصب وطول الطريق ساكت وقلت اطرشله مسج وانا معاه بالسياره طرشتله مسج قلت فيه انا اسفه ورد علي ليش تسوين جذي وقتله اني موقاصده واني وسعت كل عباياتي عشانه وطنشني مارد وحاولت ألطف الجو شوي كنت بمسك ايده ومارضى الا سحبتها غصب ولما مسكته كان بقمة البرود مو حبيبي اللي كل مازعل راضيته ومسكت ايده احس بحنانه وبصراحه قعدت ابجي وانا مريضه اليوم لين وصلت البيت وماحس فيني وبعد ماراح بيته طرشلي مسج قال اني احب اعانده وهذي مو اول مرة يجيب لي موضوع العناد وانا والله ماعاندته ولاقصدت اعانده وللحين اطرشله مسجات ومارد علي وطرشتله مسج قتله اوعدك ماراح اسمعك صوتي او اشوفك وجهي لني صايره اغثك وانا مدري وهم مارد علي قولولي شسوي والله صاكه فيني الدنيا وماني عارفه شلون ارضيه اعترف اني غلطانه بس شلون برضيه والله موقادره انام للحين بروحي مريضه وهو كملها علي ويدري اني مريضه ماكلف نفسه وقال أأجل النقاش هذا بعدين آسفه اذا طولت عليكم بس والله مالي غيركم من بعد ربي ماحب اشكي لأهلي وخواتي عن زوجي لني ماحب احد ياخذ عنه فكره موزينه او يقول ساره وزوجها تزاعلو احب الموضوع هذا مايطلع بيني وبينه ولكن ابي حل وضاقت فيني الوسيعه مالقيت الا انتو اشكيلكم واكيد بلقى حل عندكم
هلا ساره والله مادري شنو اقولج بس اذا تبين الصراحه انتي الغلطانه وفي فرق بينكم بالعمر يعني لازم تحملين جديته شويه فترة الخطوبه الرجال يحب يبين شخصيته ويوضح لج طريقة تفكيره وبعدين اهو بالحركه الي سواها قاصدها يمكن يبي تسمعين كلامه اكثر وبعدين نصيحه مني لاتحرقين قلبج على رجال حتى لو تحبينه ليش تعبين نفسج الحين اهو نايم ولا يدري عن هوا دارج حتى لو يحبج صدقيني اذا تبين تبقين جذيه حتى بعد زواجكم راح تتعبين اهو بس يشوف نفسه هدى راح يكلمج يعني لاتضايقين نفسج وامريني
ادري اني غلطانه واعترف بغلطتي بس بعرف ألحين شلوون أرضيه هو مو من النوع اللي يرضى بروحه واذا زعل يكرهج بنفسج والله ماني عارفه شسوي ودي ادق بس انا وعدته ماراح ادق مابي اخلف بوعدي بس بعرف شلون ارضيه والله تعبت والله حاولت اطنش وانام بس ماقدرت وراسي ذبحني من كثر البجي
حبيبتي انا اقولج طنشي,,,,,,,, وبعدين ماله داااعي تسوين بروحج جذي حيااااتي اذا كل مره بيصير بينكم جذي راااح تتعبين وحياااتج تصير جحيم,,,,, خل عندج برود شوي واذا كلمج او انتقدج ردي عليه خير انشالله وضيعي السالفه وحاولي تتناقضون باشياااء ثااانيه ولازم يكون عندج حسن تصرف باي موقف’’’’’’’’’’’’ حبيبتي خلج قويه وصدقيني اذا استسلمتي للبجي والحزن مراااح يحققلج شي تيك كير قلبي والله يهنييييج,,,,,,,,,,
الله يهديكم لبعض ويرزقكم ،، بس ما عليه اهو يغار عليج وبالعكس المفروض تستانسين هذا دليل انه يحبج وعلى سالفه الوعد صبري شوي لا ادقين
حبيبتي كثرت المكالمات والطلعات والروحات ويا بعض بتسبب بمشاكل وازمات مالها داعي يعني العباية ضيجة من صوب الصدر كنتي قلتي له ما لاحظت واشوه انك نبهتني لهاشي . . . لا تحملين نفسج فوق طاقتها . . .وهدي الامور وروقي وخففي كثر ما تقدرين من المكالمات والطلعات وياه لان كثرتها بتسبب مشاكل ولا سمح الله يمكن تعجل بالانفصال وربي يوفقج يارب
[SIZEنصحية صادقه ولوجه الله تعالى انت اول شي هدي اعصابك لانه مافي شى يستاهل انت تعبانة ومقهوره وا عليا:red_smile::cry_smile::cry_smile: واهو عايش حياته وعادي لانه ريال وهذا التصرف يدل انه يبي يظبتش من اولها ويعلمك الادب:47_47::47_47::47_47: وعشان تصرين ع طولخايفه ع زعله واحساسه وتسوين كل شي يرضيه اه من تحكماتهكم لا تقوليله ع طول اك تحبنه عشان لا يتغلى عليتش ومسكي نفسك اكثر من كذ وامانةاوطمنيني عنك وموفقه="7"][/SIZE]:regular_smile::regular_smile::regular_smile::regular_smile:
خليها يهدى يشوي وبعدين تفاهمي معاه لان الحين معصب ومهما كان بيرضى عليك انشاالله والله يوفقكم انشاالله...
سااااااااااااااااااااااااااااااااااااره حبيبتي اخذيها من وحده مجربه لا تعودينه اذا زعل تركضين وراه ترى مهما الرجال حب المره ماراح يحس فيها لان المره كلها مشاعر واحاسيس يعني صيري ريلاكس وابتعدي شوي عنه راح تشوفينه يركض وراج لاوبعد يحاول يتاسف
حبيبتي هذي مو مشكله هذا اسمه دلع يعني اهو يتدلع عليج مثل ما انتي تتدلعين عليه وكل المتزوجات مروا بهذي المرحله وما فيها شي مره انتي تسمعين له ومره اهو واعتقد انه هل مره كان صح وايد واعتقد انه قال لج اكثر من مره انه ما يحب العبي الضيقه الانها تكشف جسمج وانتي مطنشته وعلى بالج انج تقدرين تتخلصين من الموضوع بالدلع لا يا حبيبتي تدرين ليش لانه هل مره طفح ومل ولا تقولين وسعت العبي لاني باسالج شكثر وسعتي فيها ؟ اكيد مو وايد لان صدرج كان بارز ومبين وهذا اللي خلاه يثور عليج ويزعل بهل شكل الحل حبيبتي انج تروحين وتخيطين عبي وسيعه ( ما اقول مبهذله بس ما تكون لازقه وتبين معالم جسمج) وتلبسين وحده وتروحين له وتقولين له جذي زين يالزين والله ما كنت ادري انك تغار علي بهلشكل بس زين اللي دريت علشان اعرف اتدلل عليك وصدقي انه راح ينسى كل اللي طاف وتحياتي
الله يوفقج حبيبتي و الخوات ما قصروا و صح كلامهم يدلع و يمكن مل من كثر ما يقولج و الله يتمم عليج يا رب
حبيبتي هذا من غيرته عليك لو مايغار عليك ماسوى كذا هذا من وجهه نظري واختي تقول اللي اللي هذا اوله ينعاف تاليه
السلام عليكم حبيبتى ضرورى تهدى نفسك شوية وماتاخدى كل شئ على اعصابك بهذا الشكل مثل ما قالوا لك الاخوات اعرفى انه بيحبك بإذن الله وإلا لما يحافظ عليكى قولى له انك تتعلمى مع الوقت مثل ما قالك وانه دوم كان صبور عليكى وعلى غلطاتك مثل ماتقولى وان شاء الله بكرة بتكبرين اكتر وبتصبحى ما شاء الله شاطرة بكل شئ انا مثلا حدثت مواقف كتير بينى وبين زوجى قالى فيها (( الزمن جزء من العلاج )) وفعلا بفضل الله شوية شوية تحسنت وماعدت اقع بنفس المواقف حتى بعد مرور سنوات من الزواج حسيت حالى تغيرت لحالى وصرت أعقل وأكثر تفهم لطبعه ان شاء الله بتفوت على خير واموركم بتتحسن لكن كمان خففى من الطلعات شوية وخليه معك دايما مشغول مثلا اجعليه يحكيلك عن اجمل موقف حدث له واكثر موقف ضحكه مثلا وأكثر مُدرس أحبه بحياته وليه أحبه وماذا تعلم منه يعنى خليه مشغول يتكلم وانتى تعرفى عليه اكثر واكثر ويارب يتم لك زواجك على ألف خير يارب
الله يهدي الجميع صراحه حبيبتي ساره عورتي قلبى عليكى انا رائي ان تجلسي معه وتتفاهمان على كل شىء وتقبلو تحياتي
شوفي حبيبتي ساروووووونه انتي تعرفيني لاني انا منى وصدقيني سرج في بير يعني انا اخت زووووووووووووووووجج بس راح اقولج شي لا اطنشينه لانه راح يطفر الرجال يحب الي اتوددله ويحب الي تعترف انها غلطانه ( بس اول شي هههههههههههه ) وبعدين هدي فترة الملجة فتره صعبة جدا بس صدقيني لا تعطينه وجه زياده بس ترى الدلللللللللللللع في هالمواقف مطلوب وشكرا لحسن استماعكم 88888888
ساروووووووووووووووووووووووووووونه تراه يحبج ويموت فيج ومن غيرته عليج يتصرف بهالطريقه والله يتمم عليكم ويصلحكم لبعض قولي امين ~~~~
عن نفسي صج ما يخليه يتحكم بس اقوله شو ي شوي علي لانه هو اخذني من بيت اهلي وانا على هالحال لا يكبر السالفة وهي الصغيرة والرجال ما ينعطى لهم راس لا يصير لكم هوشه كم يوم الله يعينك اذا اخذتيه في بيتكك الغيرة تدمر بيوت اختي
