انا متزوجة من ثلاث سنين ونص وزوجي من تزوجته هاجرني ولا يوديني ولايجيبني ومايكلمني كلش صبرت اول سنه بعدين قلت الامه وانصدمت وراحت كلمت ابوه وابوه كلمه وحاول فيه عشان يكلمني ومايقصربحقوقي بعد ضغط من ابوه يكلمني بنفس اليوم ويرجع لحالته ولهجره لي انا شنو ذنبي والله تعبت وش حادني اصبرعليه وانا ماشفت منه يوم حلو انا ما اقول الا حسبي الله ونعم الوكيل فيه انا افكراتطلق راح عمري وانا اصبر واهو مادرى عني انا بغرفه واهو بغرفه والله اني ماقصرت بحقه تكفون الله يوفكم شوورورا علي تعبت شسوووووووووي
والله هذا اصعب شي المشكله المرة ماتبي من الزوج الا الكلمه الحلوه وطيبة الخاطر حبيبتي 3 سنين ونص يهجرج غريبه انتي تعتبرين عرووس بس يقلبي جيكي اخاف في ضعف جنسي لانه مشكبتج قريبه من مشكلة صديقتي وطلع زوجها فيه ضعف جنسي والله يهدي قلوبكم ويجمع شملكم
هلا وغلا اختي .. اذا مايبيج وهذي حالته وياج من ثلاث سنين اتوقع الانفصاال افضل حل لج وله لي متى تصبرين وربي يعوضج باللي احسن منه .. اشوفها غريبه شوي امج خواتج شنو رايهم من الموضوع صدقيني اذا ثلاث سنين ماتغير وهذا هو ماادري ماافضل الانفصال بس بما انه ماعندج منه عيال ولا قايم بحقوقج الزوجيه ولا يهتم فيج شنو اللي جابرج ع العيشه وياه ..
الله يعينج شنو هالحياة الله يكفينا الشر بصراحه انتي من الاساس ليه سكتي كل هالسنين وهو ما يقرب صوبج ؟ غريبه عموما الله يعوضج اما بهدايته او بواحد ثاني
مشكوون حبايبي ع الردوووود انا متاكده انه مافيه ضعف والدليل انه بسافر والمشكله اهو ولد عمي والانفصال راح يسبب مشاااااااكل مع انه احس ماراح ينفع الانفصال واهله رافضين الانفصال رفض تاااام يقولون بنحاول واصبري انا صرت ادعي عليه كل يوم من القهررر الي فيني
اذا ماكو يهال وماكو فيه مشكلة؟؟؟ قعدي مع اهله وفهميهم الي صاير وانج ماتقدرين تتحملين واحد ما يبيج ومخليج جنج بيت وقف وقوليلهم بروح بيت اهلي من غير ما اعلمهم جم يوم واذا لقيتو حل غير الي قلته لكم عطوني خبر وانا عن نفسي ماراح اعلم اهلي واذا اهلج سألوج قوليلهم انج ريلج بيروح الشاليه وقلتي تقعدين عندهم جم يوم الله يهدي النفوس
مشكوووووورين حبايبي ع الردود امي تدري بالموضوع كله واهله يحاولون فيه ويضغطون عليه بس يقولون له خل تحمل منك بس هذي الي قهرني عشان يربطوني باي طريقه
انا ذليت نفسي عشان احاول بس ارضيه تخيلو اعطيه فلوس عشان يسافر برا ويكلمني وبعد مايسافر يكشت فيني ويردلا اعرفه ولايعرفني تكفون ياناس انا مقهوووره فيني قهر عليه ودي اخذ حقي منه حسبي الله عليه انا مالي غير ربي ألجأ له ياارب تاخذ حقي منه وتوريني فيه يوم والله مايستاهل اقعديوم عنده بس صبرت عشان اهله الطيبين تكفوووون ردو علي خففو عني
اعتقد والعلم عند الله انا هذا الريال ما يبيج او اهله غاصبينه على الزواج لان اهل واهيا وحده من الثلاث يا انه فيه ضعف جنسي او مريض نفسي او عنده وحده غيرج وسامحيني صحيح ان ردي قاسي عليج بس هذا الصج والله مايبيج لا تبينه واللي يبيعج بيعيه يالغاليه هذي مسأله حياتية وزواج مو لعب حطي حد حق الموضوع ولا تسكتين على نفسج لان الايام تركض وهذا كله من عمرج حبيبتي والله ييسر امورج
شلونج ياقلبي والله يعينج شوفي حبيبتي البلبله من ناحية انها تغازل واحد لا هذا موحل وبتصير مصيبه وصبرها كله راح بالهوا شوفي ياقلبي زوجج مافيه ضعف جنسي ولا شي لانه يسافر وشنو حقه الرجال يسافر اما لشغل او للبنات اذا بدون اهله مافي حل ثالث انتي كلميه اهو بنفسه وقولي له وحاول تضغطين عليه بالكلام وقولي له صارحني وخلاص ننتهي من هالموال وللا كل هالوقت الي يروح عليج لاحرام عليج نفسج حتى لوزعلوا اهله ولو كان ولد عمج شنو يعني والله ياقلبي هالايام محد يهمه غير نفسه انتي خليج من اهله وكلميه اهو بنفسه وضغطي عليه بالكلام وخليج قويه بكلامج يعني جد مو انج خايفه منه وبس انهي كل هالسالفه وريحي نفسج مايصير جذيه راح عمرج
هلا والله اختي.. الله يعينج على مصيبتج بس اختي معقولة 3 سنين ولاكلمتيه في هالموضوع .. شلون يهجرج وانتي تصبرين عليه انتي لج مكانتج ولج وجودج ومن حقج تثبتين وجودج اهله يزعلون يزعلون بس اهم شي راحتج وراحة قلبج ولاتهتمين سوي اللي تشوفينه صح.. اول شي ابدي بالكلام معاه.. حاولي اكثر من مرة وبعدين الجأي لاهلج امج ابوج اخوانج وخواتج خليهم كلهم يكونون على بينه ولاتسكتين عن حقج وبعدين هدديه بالطلاق شوفي شنو ردة فعله والله يوفقج لكل خير
القرار قرارج حبيبتي وبيدج تحلين هالمشكله .. اخاف انه مسحور بس الله يعينج استخيري حبيبتي واتخذي قرارج يا انج ترضين على هالحال ولا تنفصلين عنه ..
حبيبني لازم تعرفين منه شنو فيه او من اهله لأن صعب الانسان يعيش حياة غريبه وبنفس الوقت مالها اي تفسير ولا فاهم شنو سبب هالتصرفات وبالدات هدي عشرة العمر كله مو عشرة يوم او يومين واعتقد ثلاث سنوات مو شويه وصعب تستمرين جدي والأصعب انج تنحرمين من احساس الأمومه فحلي الموضوع بجديه وبوضوح والله يعوض صبرج خير (وانشالله الله يستخيرلج الخير) طمنيني عليج ان كان مافي ازعاج
حبيبتي لاتضيعين عمرج علشان واحد موسائل عنج همه السفرات فكري بنفسج بحياتج واحسن حل الطلاق ونشالله يعوضج بحسن منة
من صجج 3 سنين ماكو شي؟؟؟ يعني انتي بنت للحين ولا شنوووووو وضعج؟؟؟ تدرين يمكن زوجج مسحوووور والله اعلم لانه مافي رجال يكره مره جذيه او ماتغريه يعني حتى لو وحده جيكره بالليل تصير حلوه بعيون زوجهاااااااااااااااااااا يعني باللبس والمكياج والعطر ما اثر فيه اعوذ بالله 000 شوفي حبيبتي لاتدعين عليه قولي الله يهديه ويسخره واذا ماكو فايده الطلاق الحل والوحيد وشوفي نصيبج مع واحد ثاني شنو المره تبي من الرجال غير الكلمه الحلوه وانه يحسسها بأنوثتها واناا تصير ام وهذا احلى شي بالدنياااااااااااا كلميه وقوليله شنو اللي ناقصني وليش جذيه تعاملني شنوماني طاوله بالبيت انا ولا كرسي وخلج قويه بالكلام والله الهادي يارب طمنيينا عنج حياتي0000
امبيييه من صجج 3 سنييين لا كلام حلو لا حقج الشرعي لا وانتي تصرفين على سفراااته !!!!! لا حبيبتي شاللي حادج على هالعيشه ؟ الاهل بيزعلون كيييفهم الي بيده بالماي مو مثل اللي ايده بالنار وبعدين شالحل ؟ والله عورني قلبي عليج مادري شلون صابره ماشالله لا قوي شخصييتج حبيبتي لاتضيع حياتج وشبابج يروح بدون معنى حرام انفصلي عنه والله يعوضج باللي احسن منه لا ترخصين نفسج اكثر من جذي
يالغالية واااايد عليج تحملتي ثلاث سنين ونص وبعدين دام مافي يهال ودخلتي اهله بالموضوع ماشيء فايدة اختي الغالية الانفصال افضل حل والبيت اللي رباج ليم كبرتي مب عيزان عنج الله يوفقج يارب ويرزقج من حيث لاتحتسبين ...
