السلام عليكم ورحمة الله وبركاته من خلال تصفحي حبيت انقل لكم مشكلة اخوي اخوي يوم خطبناله كان طاير من الفرحه خاصه يوم شافها ويقول بيض الله وجهكم تزوج من مدة 6شهور وكان اول اسبوع مستانس يضحك ويسولف وحتى اغراضها ينزلها بس بعد اسبوع سافر شهر عسل الى سيرلانكا ومن نزل هناك خلاص جاته صده من مرته مايبي يشوفها ولا كلمته يرد عليها بدون مايطالعها واستمرو على هالحال 5 ايام وقطعوا سفرتهم وارجعوا بعد شهرين علمنا عن سالفته وديناه مطاوعه وقالوا مافيه شي وعطوه محو وزيت واستعملهم وخذينا غسول من الناس ومن الاله اللي تزوج فيها وتسبح فيه يوم مافاد راح حق دكتور نفسي وعطاه كم نوع من الحبوب وبدى يستمر معاه لمدة شهرين الى ان قال الدكتور انت يائس وماعندي علاجك لك تكفون ابيكم تشخصون حالته والله ان مرته عسسسسسسسسل وحسافه عليها تطلق وكل هذا ومرته ماراحت لاهلها قالت انا بقعد معاه لانه هو بفترة علاج
هلا اختي . . . اهو ما فيه الا العااافية لكن من ناحية مرته لا . . . طيب ليش دكتور نفسي وادوية وحبوب ؟!! لا تخلونه يلعب بنفسه مع هالادوية ترى ع المدى البعيد ما تنفعه ومو زينة الا للي فيهم شي خليه يرقي نفسه بنفسه ويقرأ قرآن ويشوف شيخ دين راقي ثقة . . .
مشكوره يأم عبدالله وماقصرتي بس احنا وديناه للشيخ سالم المري بالحفر وتركي بو حبل اللي بالجبيل وشيخ بالملكيه
هلا اختي . . . طيب دام ان الشيوخ 3وقالوا ما فيه شي . . . يمكن في شي وسبب فعلي وواقعي وما يبي مرته . . .
اه ياقلبي كنك تقولي قصه اخوي صارله بضبط نفس الي صار لااخوك اخوي كرهه شقته الي اهي فيها قالوا عين بنت الناس عسل اصبرت عليه سنتين واحنا ماخلينا احد ماودينه له وبالاخر طلق والحين بعد سنه زوجنه والحين الحمدالله ماشي مع زوجته والله يستر عليهم ويحفظ اخوي واخوك من العين يارب شغلوا سوره البقره بشقته طول الوقت
اللهم آآآآآمين تسلمين يالهنوف وماقصرتي بس عندي سؤال زوجته اللي عنده الحين هي الاوليه اللي طلقها ولا خذا غيرها والله سألناه اذا شايف عليها شي ولا قايلتلك شي قال لا بيض الله وجها مو مقصره ان نفسي مو عارف اللي فيني ونحرج من هجر لها ومشكووووره
لا حياتي تزوج وحده ثانيه حرام والله زوجه اخوي الاولى مافيه شي حتى اخوي يقول مادري شنو صار فيني موطايق اشوفه ولا اسمع صوتها مع ان زوجته كانت جميله الحمدالله على كل حال والله يوفقه بزوجته الثانيه
البنات ماقصروا الله يشفيه يارب ويعافيه قطعوا العلاج النفسي لانه بياثر عليه بعدين الحبوب مامنها فايده اذا قال الطبيب مافيك شي خليه يقرى سورة البقره ويرقي نفسه اهو بنفسه ويكثر من الاستغفار الف مره المغرب والفجر وويستغفر بنية الشفاء وربي يوفقه طمنيني شنو يصير عليه
الهنوف مشكووره والله يتمم على اخوج ومرته يااارب العالمين ولا يغير عليهم اصيله ماقصرتي فديتج بس هو الله يهديه مايقرا و بنت الناس ظليمتها شينه والله تقرا وكله سورة البقره شغاله في شقتها حتى لانزلة عندنا يتم تلفزيونها شغال الله كريم تكفون ادعوله معاي الله يلم شمله على مرته اللهم آآآآآآآآآآآآآآآآمين
اللهم آآآآآآآآآمين الله يسمع منج ياختي يا ريان ويجزاج خير يارجوان الشيخ قال يمكن نفس من مرته وتسبحت وخذت غسولها وعطته اياه عشان يتسبح فيه وتسبح فيه ولا فاد
اللهم آآآآآآآآآمين الله يسمع منج ياختي يا ريان ويجزاج خير يارجوان الشيخ قال يمكن نفس من مرته وتسبحت وخذت غسولها وعطته اياه عشان يتسبح فيه وتسبح فيه ولا فاد
الله يشفيه يارب حررررام والله لا تهاونون بالموضوع لأن كل ماطالت المدة صعب الموضوع وحرام تخرب حياته حاولوا مرة واثنين ألف لا تيئسون الله يفرج همه وهمكم آمين يارب العاليمن
ياقلبي كل شي الا دكتور نفسي هالحبوب لها اضرار خليه يداوم على سوره البقره يوميا اهو وزوجته ويقرون بكاس زمزم سوره البقره ويشربون منها ويكثرون من الاستغفار وصلاه الليل الله يجمعهم على خير ويسعدهم يارب دنياء واخره وطمنينا ياقلبي
الله يجزاكم خير ياقلبي وعسى الله يستجيب دعاءكم اللهم آآآآآآآآآآآآآآآآآآمين ان شاء الله الله يبلغني وابشركم بلم شملهم
