اختج مو صغيره يعني قصدي تقدرين تكلمينها عن اللي مضايقها بوقت تكونين معاها بروحج الطفل بعمرها مايعرف يقول عن اللي مضايقه ويشوف انه الصراخ اسهل طريقه للفت الانتباه ماعليه طولوا بالكم عليها وربي يهديها
ياحياتي توها صغيرونه واسهل طريقه تعاملين معها هالعمر يحبون القصص والسوالف انتي قعدي وقولي لها تعالي قعدي يمي ابي اقولج سالفه وقولي لها اي سوالف المهم ترد لها بالفايده فهمتي علي يعني تنصحينها بطريقه عمرها وطولي بالج عليها قد ماتقدرين امدحيهاااا وبتشوفين التغير
هلا اختي . . . 7سنوات مو صغيرة علشان تلجأ للبجي والصياح علشان تسوون اللي تبيه !! الظاهر انتوا اللي عودتوها كل ما صاحت والا بجت عطيتوها اللي نبي وكبرت وهالشي ملازم لها ! اللي عليج مثل ما قالوا خواتي قعدي وياها لما تكون رايقة وقولي لها : ما شاء الله كبرتي فلانة وصرتي بنت حلوة والبنات الحلوووات يقعدون مع اختهم الكبيرة ويسولفون وياها عن اللي يحبونه (عاد انتي تفنني شوفي شلي تحبه واضربيه مثال لها ) وبعدها بعرض السوالف طلعي منظرة وخليها تبتسم وطالع نفسها بالمنظرة وقولي لها شكل الانسان لما يبتسم حلو ،وقولي لها عصبي وطالعي نفسج بالمنظرة شنو شفتي ؟ وعطيها اخر جملة وقولي لها اي شي تبينه تكلمينا عنه علشان نفكر نعطيه لج او لا ولما تصارخين وتعفسين الويه تأكدي بيكون مصيرج غرفتج تقعدين فيها وما تطلعين الا لما تسكتين وكل ما تصارخ او تبجي وتبي شي مضر لها او ما يصير بالحرف الواحد قولوا لها غرفتج ما نبي هالويه المعصب جدامنا وخليها تقعد بغرفتها لغاااية ما طخ وتهدي واهي من نفسها مرة على مرة بتهدأ وتعرف ان طريقتها البايخة ما منها اي فااايدة لكن يبيلها اصرار منكم وحزم
الحل من تجربتي مع عيالي القصة اي انك تقصين عليها قصة وقت النوم اواي وقت تشوفينه مناسب تجبين شخصيه نفسها انها عنيدة وتبكي الخ وتحطين الحل يالتدرج وراح تتعلم البنت طواعة اكثر من الولد يمكن تكون عندها مشكلة ولاتدري كيف تقولكم بالقصة تقدرين تعرفين من تجربتي مع عيالي نفع معهم
