انا منفصله عن زوجي كان بينا سحر تفريق وما قعدت عنده الا اقل من شهر وتطلقنا وهو يحبني حييييييييل وانا تعبت من السحر ولي شفته المهم بعد طلاقي شكثر تقدمولي بس انا صار عندي خوف من الزواج احس نفسه فيني وحرمني من الزواج :emoticon_U: المهم في شخص يبي يتقدملي اصغر مني 4 سنوات هو الوحيد الي ارتحت له حييييييييل من الله وهو ولد ما تزوج انا عقدتي اني للحين بنت والناس تحسب ان زوجي دخل علي ما يتقدمولي غير المتزوجين والمطلقين ابي حل تكفون اوافق علي الشخص الي اصغر مني وله راح يسبب لي العمر مشاكل افيدووووووووني
السلام عليكم ورحمة الله وبركـآته .. هلا والله ومرحبـآ اختي عتيبيه .. سلامتج ماتشوفين شــر انشالله .. الله يكفييينا ويكفيكم ويكفي امة محمد من السحــر .. الحيـآه بعدها ماتووقفت .. استخيري ربج وشوفي نفسج .. وشوفي رأي والدينج واهلج واحبابج واللي يتمنوون لج الخيـر .. واذا فيه راحه تري العمــر مايفرق .. >> المهم يكوون امبينكم الاحترام والتقدير والتفاهم واللي كاتبه ربي ف كتـآبه وسنته .. تري عادي ي الغاليه ماهوو علشان انج للحين بنت .. فيه بنات صغار ومب متزوجات عمارهم ع 18 و19 و20 .. يخطبونهن مطلقين ومتزوجين وشباب .. تحيـآتي حبيبة قلبي .. انشالله اني افتدتج بـ شي .. ^^
هلا أختي فارق العمر مو كبير يعني لاتتخوفين من هالشي بنات اعرفهم وشخصيا تزوجوا وفرق العمر بينا وبني زوجها 5و6و7 سنوات ومتوفقين في حياتهم استخيري ربج في هالشاااب وان شاء الله ربي بيقدم لج اللي فيه الخير
يااقلبي انتي ... الزوااااااااااج نصيب من الله استخيري واذا ربي كاتب لج صيب معاه بتاخذيينه واذا على العمر .. ترى ماكو فرق داام اهوا اختااارج برضااه فهذاا معناته ان رياال عااقل وفااهم وربي يوفقكم ان شاء الله ويجعلج بكل خطوة تخطيها اجر وثوااب ونور لج طريجج يالغالية
حبيبتي اهم شي صلي صلاة استخاره وشوفي نفسج ولا تردينه علشان عمره تراا عادي مو عيب والله يوفقج حبيبتي ,,,,
الله يوفقج اول شي 2شي انا اقول تسبحي بسدره 7 مرات كل يوم يعني اسبوع متتالي وبعدين في ايات لفك السحر تقرئينها على الماي اللي منقعه فيه السدره نفس ادرامات الكبيره يكون نظيف مو نجس وتنفثين فيه هذي الايات طبعا مو بالحمام عزج الله بالمطبخ حطيلج كرسي وصبي على راسج 7 مرات السدره وقرااة اللي فيه وراها صلي ركعتين شكر لله مع الدعا ء اللي تبينه ومنه انج اذا تزوجتي ما تطلقين من اثر السحر اللي سولج الياااااااااه وبعدين صلي استخاره ونامي وربي يتولااااااااااااااج برحمته الواسعه ورح تعرفين اذا ينفعج واللاااااا لاءءءء والله يوفق الحميع وادعولي بالصحه والعافيه :sad_smile:
