احس بالوحده والفراغ انا الحمدلله اصلي فروضي بوقتها واقوم الليل واقرا القران بس احس بالوحده عندي مشاكل مع زوجي وهو الحين عازل نفسه عني ماعندنا اعيال ورافض نروح نحلل او نكشف ومافي اى توافق بينا باى شي يهدد بالزواج الثاني اهو من النوع البخيل حدددددددددددده مايعطيني مصروف وماخذ مني بطاقتي ويصرف على من معاشي لا بالقطاره كل شي اطلبه ليش وشحقه علاقتي مه اهلي شبه مقطوعه انا يتيمه وريل امي من زمان ما يرضي ازورها واخواني متفرقين غير مشاكل الدوام على المناصب وزلق الوايرات بالدوام مدري وين اروح بالدوام مو مرتاحه حاولت انقل ما قدرت وبالبيت ريلي الله يهداه معيشني جحيم احس حياتي صارت حيات سندريلا كرف وتعب وزف بس وين الجنية تساعدني نسيت اقولكم اني كنت بموت من اسبوع بسبب سوء التغذيه اغمي على بالدوام واتصلوا على الاسعاف قال الدكتور سوء تغذيه والله افطر على الماي وتمر بس جني مو عايشه بالكويت الثلاجه فاضيه والله العظيم ما اقدر اكل الا بالزوارة اذا كان ريل امي مو بالبيت وما اقدر اخذ اكل من بيتامي ريلي يفتشني بالروحه وبالدخله للبيت لا تقولون تطلقي وين اروح ماقدر اعيش بروحي الناس تاكلني بالكلام واخوان حريمهم ماراح يرضون حتي لو اطلب منهم يحاجونه كل كلمتهم وحده مشغولين فكرت ارفع قضيه عليه ابي مصرف او يعطيني كرت البنك مالي بس خفت من حجي الناس دلوني شسوي طبعا انا ماعندي صديقه ومن جم يوم تعرفت على وحده بمندي رديت على مشاركتها وصار بينا رسايل خاصه واطلبت انا نتحجي بالايميل عطيتها ايميلي اكتشفت انها صبي مو بنت مشترك عل اساس انه بنت ويتصيد البنات صراحه خفت منه وكنسلت اشتراكي وغير ت ايميلي ما ابي مشاكل بس صراحه انا حفظت رسايله على جهازي واقراهم رسايله تحسسني اني انثي وفي احد حاس فيني انا عمرى ما حبيت حبيت زوجي وتعلقت فيه وصار كل حياتي بس كشف لي وجهه الثاني للاسف بعد ما عطيته كل شي وكل ثقتي ساعدوني شنو اسوي ادري انه اختبار من الله ويختبر عبده اخاف انحرف انا حاولت ما افتح جهاز فتره علشان ما اضعف بس الشيطان شاطر اخاف يقدر على واضيع بهالطريج
والله يا اختي انتي الي تقولي عليها مو عيشه بخيل ونفسه شينه وعازل نفسه وحارمك من اهلك وش بقى ................ !!!!!!!!!!!! وانتي وش مصبرك مثل ماربي نزل شي اسمه زواج بعد فيه شي اسمه طلاق وكلن يرتاح اما اجلس اقابل هم طول الوقت لا والله ,,, الله ورسوله ماقالها يكفي لارحتي المحكمه وقلتي لافلوس ولاعيال قالوا من حقك تتطلقين والله لو هي اختي عندها نفس مشكلتك انا ماراح اقولها غير الكلام الي قلته لك
الله يعوضك باللي احسن منه ياااااااااااااااااااااااااااااااااااااااااااااااااااااااااااااااااااااااارب ماراح انساكي من دعائي وانا رائي من رائي بنت نجد !!!
انا اقولج وهذي احسن نصيحه نارك ولا جنة هلي==== صبري على زوجج وربي يعطيج على قد صبرج=== لا تفكرين بطلاق ابدا ==
انا ما انصحك بطلاق حاولي فيه دخلي اخوانك خليهم يحولون معه لا تفكرين بطلاق الا اخررر الحلول خليهم ياخذو صرافتك منه لو بلقوه
مشكورات حبيباتي على ردودكم بصبر والصبر مررررررررررر الناس معيدين فرحانين وانا عالم بحالي بجي ودموع العيد انقلب عزا على قولتكم فوق شين فعايله وطبايعه لسان بذئ مايحترم احد لسانه متبرئ منه عجزت مادري شسوي معاه لا طيب ولا صراخ الله كريم
حبيبتي كيكه زعلانه ... اقبليني اخت لك في الله ، واستخيري قبل كل شيء قبل أخذ قرارك قرار الطلاق البخل صفة سيئة جداً وفرصتك في الطلاق الآن بداية الزواج ولكن أنصحك بالدعاء لــــــه الله يهديه واصدقي بالدعاء إلى الله وربي ماراح يضيع عباده ، ادعي له بالهداية واصبري على زوجك ... اسألك يا رب السماوات والأرض يا قادر على كل شيء أن توفقها لما هو خير لها في الدنيا والآخره ...
الله يصبرج على مابلاج اختي كيكه الي الله يبلاه يعني يحبه اصبري على همج وادعي ربج انه يفرج كربتج وتنشال كل همومج وعسى ربي يرزقج بالذريه الصالحه وان شالله يرجعلج زووجج والله يهديه ان شالله ولا تفكرين بالطلاق ابداا
هلا أختي كيكة عليج بالدعاااء أختي إن ربي يسخره لج واستخيري رب العالمين بمشكلتج . . . وادعي وانتي موقنة ومؤمنة إن لا منجي ولا معين إلا رب العالمين واذكر من زمان في رقم مجاني بالكويت للاستشارات الأسرية والمشاكل الزوجي اشتري أى جريدة حكومية ودوري رقمهم . . . أما بالنسبة لوسوسة الشيطان بالعودة إلى الشاب المنتحل صفة الفتاة لا تمشين ورى وسوسة الشيطان بدخلين نفسج في متاهات الحرام وانتي بأمس الحاجة لعون رب العالمين فلا تغضبي الرحمن -جلا وعلا - وصدقيني اختي الرجل مثل الطفل وكل رجل له مدخل اكتشفي شخصية زوجج اللي يحبه وإللي يكرهه . . . دائما يقولون المرأة قوية بضعفها . . .شغلي مخج وتعرفي على مداخل لقلب زوجج ومن ضمنها امه بريها واصليها وبشرينا عنج
اختي الحبيبه انتي عندج مشكله اساسيه ان ريلج يدري ان ما لج ظهر علشلن جذي لازم تسوين التالي اولا توقفين البجي على زوحج وشبابج وفلوسج ووووووووووووووو كل هذي الاشياء لان الحين وقت العمل ثانيا واجهيه وبشكل صريح ان انتي مليتي من هالعيشه اللي بلا عيال وذكريه بهالسالفه على طول ثالثا بلاش منها سالفه انا مسكينه وفقيره وما اقدر اسوي شيء لانج تقدرين اتسوين وايد ليش لانها حياتج وعمرج اللي بيضيع رابعا وهذا الاهم يعني شنو ابي احب يا اختي كلش كلش حبي روحج وفكري في نفسج الخوف من الله وشغلات النت ما تنفع خامسا اتمنى من كل قلبي انج تتوفقين لانج فعلا قويه من الداخل وما تحتاجبن احد يتوسط لج اخيرا اذا ما نفع كل هذا فانا موجوده واعتبريني امج والسلام
الله يعينج اختي بس مالج الا الدعااء في اخر الليل وصدقيني ان الله اذا احب العبد ابتلااه وكثري استغفار ودعاء وشيلي فكرة الطلاق وكل اللي عليج سويه ( من ناحية الواجبات الزوجيه والشرعيه ) والباقي على ربج ولا تفقدين الامل لانه ربج ماينسى عباده وصدقيني اذا هو ظالمج بتشوفين حوبتج بيوم من الايام وهو بيحس فيهاا بس ادعي له بالهدااايه عاجلاا غير اجل
لج الله اختي ..... بس انا اقول استشيري محامي احسن اهو يفيدج , انا بعد عندي مشكلة وقالولي نفس الكلام الي قللتلج ورحت حق محامي الدمخي مادري في احد يعرفه , زين موزين فيدوني ؟ واذا تعرفون واحد ثاني قولولي
انا مثل البنات طبعا ما انصحج بالطلاق خاصة مع ظروفج الاسريه بس لا تنسين الدعاء لانه مفرج كل ضيق واخذي بطاقتج البنك منه قولي انا اصرف على نفسي من بطاقتي واذا انت احتجت شي انا ما راح اقصر لانك مهما كان زوجي وما اراح اخليك اذا احتجتني بس اهم شي اخذي بطاقتج منه والله يكتب لج الخيره انشا الله
الله يكون في عونج اختي بس أهم شي لاتطلبين الطلاق والحمدلله انج عارفه ان الله إذا احب عبدا ابتلاه وهذي محنه وان شاء الله تزول مهم انك تعرفين مداخل زوجج
اكثرى الأستغفار ....أنه مفتاح للرزق وأطلبى الطلاق ....تكرفين ويأخذ معاشج ومالج شغل من كلام الناس ممكن تأجرين يم امج او ناس تعرفينهم ولا المذله والله يرزقج بالرجل الصالح الى يقدر قيمتج ....وابتعدى عن هذا الذيب الى راح يخرب حياتج
ما انصحج بالطلاق دام هذي ضروفج حبيبتي غيري معاملتج مع ريلج الريال بالكلمه الحلوه تلينين قلبه عليج وينفر منج اكيد اذا اهنتيه وتصغرين بعينه اذا استهزئتي فيه وما يعتبرج ابد يعني الكلام ابلااااااااش جربي وبتملكين قلب ريلج واذا ملكتي قلبه .. كل شي لج مستجااااااااب .وكل طلباتج أوامر والله يوفقج بحياتج ويرزقج ويسخر ريلج لج وقولي لنا اشصار معاج حبوبة
الله يصبرج ويرفع عنج حبيبتي دخلي خوانج او احد كبير من العايلة وحاولي تتقربين منه حتى لو انج مو بالعتة جود الله يرزقج بالولد او البنت اللي تعوضج عن اللي انتي فيه
