السلام عليكم حبيباتي عفية يابنات طالبتكم بفكرة حلوة اتا ابي اتزوج انشالله بشومهر 11اابي اقول حق رفيجاتي ولا ابيهم يحضرون العرس مو عن حسد لأ بس ان رفيجاتي يتكلمون بالعااالي ومايعجبهم شي وتعليقات وتمسخر على اي شي وانااهل زوجي ناس طيبيين حيل وعلى قد حالهم واحس اذا احضرو العرس بيتموصخرون عالأخر بنات عفية لاتقولون ماعليج منهم كيفهم بس انا ابي افاجئهم بعرسي واتزوج واستر حالي بس ماابيهم يحضرون شلون يعني اداوم وانا متزوجة تكفى طاااااااااااااالبتكم بخطة حلوة وتصدق :mskket:
الله يوفقج يارب بس قوليلهم ان اهل زوجج بسوون عرس بس انتي والمعرس ماراح تدخلون وراح تكون بين اهلهم محفوفه يعني وبس ماعندج هالحل ولاتعطينهم التاريخ الصح وبعدين عزميهم عند اهلج وبس اذا حابه والله يتمم عليج يارب
قوووليلهم ما سويت عرس و امه سوت حفله محفووفة عائليه بسسس مو لازم ايووون و دام هذي سوالفهم خيولون لا تقربين منهم وااايد عشان لا يخربون بيتج .. ولا يتدخلون بينكم .. وموفقه يااارب و ربي يرزقج بالذرية الصالحه يارب و يستر عليييج ..
لموووو البنااات ما قصرووا كلامهم صحيح لا تقربين منهم حييل وقوولي لهم انا ما راح انزف من الصالون لشقتي او للفندق واذا حاابين يشووفوونك وانتي ما عندك ماانع خليهم يجوونك بالصاالوون واذا ماا تبغيهم يشووفوونك وذي ترا حريه شخصيه ادري موو قصدك حسد في نااس كييذا تحب الخصووصيه وماا فيهاا شي قوولي لهم انا حااجزة وحدة تجيني للفندق تزيني ورااح اجلس لحد ما يجي المعرس علشاان يكوون هدووء وما في ازعااج كيييييذا رااح يسكتووو
حبيبتي مثل ماقالوا لك البنات قولي مسوين عرس بينا مختصر وماراح يجون الله يووفقك ويه*** ويتمم عليك يارب ويرزقك الذريه الصالحه
فديتج لميا عادي انا نفسج وانا تخيلي حظي اداوم معاهم عشرين يوم وبعدها عرسي يعني وجهي بوجهم بس ما ابي اعزم احد مو عشان قصور فني ولا في اهله بس ماني داشه الصاله وغير جذي اشتبين بالقيل والقال انتي اهم شي تقونين راضيه عن شكلج ومضبطه نفسج وتدرين لو عزمتي هالنوعيه من البنات بيكسحون فيج حتى لو كنتي قمر لان هم غيرانين وفيهم نقص والله افتكي وانا اختج من هالناس وتسلمين قوليلهم ما عزمت حد ولحفله في البيت وهم لو مسويين نفسهم كلاس ماراح يحضرون حفله في البيت وريحي راحج اهم شي انج تدعين الله يوفقج ونصيحه حاولي تبعدين عن الصديقات اللي مو مثل شخصيتج لانج بتتعبين معاهم دوري ناس حبوبين وطيبين ويستاهلون رفتج ويحبونج لشخصج مو لمستواج
ماقصروا خواتى وانا ايدهم وإذا تبين تفتكين عزميهم بيتكم قبل عرسج بأسبوع وقولي ماسوينا عرس بس حفلة عائلية،،،وعسى ربي يوفقج ويتمم عليج
الله يوفقج ويهنيييج يااارب البنااات ماقصروووااا واشتري راحتج وانا اختج وماعليج من احد وهذيل مهم رفايج اللي ينظرون للمستويات والفوارق كلنا سواسيه واكيد اهل رجلج ماعليهم قصور
السلام عليكم,,خواتي ماقصرو,,بس حياتي نصيحه لوجه الله اللي مايحبج على طبيعتج بلاها هالرفجه!! سوي لهم ديلييييت من حياااتج بالتّوفيـــــــــق يااارب..
الله يوفقج حبيبتي نصيحه لوجه الله ابتعدي عن هالبنات اذا سلمتي منهم بالعرس ماراح تسلمين منهم بعد العرس وقولي ان اهل زوجج مايبون عرس وحفله كبيره وانج ماراح تحظرين الصاله كلش عشان اهل المعرس مايبون واذا بخاطرج تدخلين الصاله ادخلي وقولي لهم اهل المعرس فاجئوج وانتي بتروحين لشقه قالوا لا تعالي لصاله احنى حاجزين كوشه وانتي ماتدرين اهلج عبالهم الكوشه بس حاطينها عرض ماعلموج انهم يبونج تدخلين وبجذي مامداج تعلمينهم والغلط ماراح يكون فيج وشوي شوي اقطعي فيهم وتعرفي على ناس سنعه وموفقه يالغلا
