بناات الله يوفقكم مالي يعد ربي غيركم الاسبوع الجاي بسوي عيد ميلاد لعيالي التوام سمالله عليهم بنت وولد يكملون السنه انشالله منو عندها افكاار حلوه ورخيصه ماتكلف الاني موموظفه كله على ظهر زوجي ابي شغلاااات خفيفه بس من بااب التغير وكسر الروتين وبعزم حمواااتي ويمكن اهلي وشنو البسهم وبالظبط جم سعر الكيكه ومن وين ابي كل شي عندكم قووووله الله يوفقكم ويسعدكم ردووا وعوني افكاااركم بس ابي كل شي بسيط مابي شغلالاات اوووفر
سوي كيكه على صورهم عند سابليه تبدي اسعارهم من 12 دينار وحلو حجمها ترى والخرابيط اخذيها من بو ميه كل شي عندهم الكبابيس والقلاصات والبالونات والزينه والصحون والاقنعه والشموع واخذ من لاتات كبب وفطاير شحلاته يحطهم لج في بايركسات لونهم ابيض راقي شكلهم وانشالله تحتفلين بعرسهم يارب واذا تبين بو ميه حلو روحي سيتي ستار شحلاته
الله يخليلهم لج طلبي كيكة من سابلية ووزعي عصاير بكواب طيور الجنةعلى شخصيات وصحون عندهم كل شي ب100 كبابيس اخذي على عددهم الجهال والصفارة يطلع منها زري زيني الغرفة وبالونات وزينة علقي على الطوفة وحطيلهم مسجل اغناني اعياد ميلاد وحطي سفرة طويلة ووزعي العصاير وبالاكواب والكيكة بالنص كم واحد تقريبا اذا واجد لاتسوينها تكلف تطونين مزهبة وجبات اطفال ماكدونالد للجهال وكل علبة يم قلاص العصير لاتاخذين البيبسي بس صمونة وشبس وبيبيسي العائلة يصبون هذا راي بس للجهال كيكة ووجبات لاتكلفين وشمعة على اعمارهم اسم الله عليهم وحمواتج طلبي حلو وفطاير سابلية حلوة وكيك قصيلهم قطع حلو اخذي بي كيك حلو عجيب والشاي وقهوة طلبي دونات ولاتحطين حب بيحوس الدنيا كافي وسويلهم عشا مكبوس دجاج وسلطة وجريش عند جمعية الاندلس ورا مال جريش تحلفين مال مرا عجيييب بس صبارة حطي فوقها ولبن وفلفل انواع والخضرا وبيبسي صغار احسن شي والحهال ماياذونكم لانهم اكلو وجبات وشغليلهم المسجل بيلهون عنكم ولبسي عيالج عند زارا تي شيرت سادة انا اخذت بنفسجي وقميص مبكر بيج وبنفسجي فاااتج وبنطلون بيج وطايحين بالسكارف اخذت مخطط بيج وبنفسجي كان رااااقي والسكارفات عندهم عجيبة وصوريهم فيديو ترى احلى ذكرة وصور لاتنسين وصي خدامتج تصورهم وانتي كشخي بعد سويلهم صمدي مايبيلة شي فواكة مقطعة وعصير مانجا وفوقها برد كور والبخور بدل الصمدي قهوة تركية وزعي على العيال برد قلاص كاكاو وحليب يستانسون شوفي تكلفتها من كل الحفلة من الى من غير لبس العيال 50 اتوقع بس لازم شي حلو عقبال الجامعة انشالله
هلا حياتي الله يخليهم لج يارب انا سويت كيكه لعيد ميلاد ولدي من ليالي الشرق على 10دنانير وحطيت صورته اول ما انولد ويوم كان 5شهور ويوم كمل سنه ورحت طيور الجنه اشتريت باللونات وكاسات وصحون وقفاش وفي لون ازرق وووردي والزينات والمدافع الزري تجنن اشياء حلوه عندهم000 وهذي كيكته000 لا وهم مزينينها بسبايدر مان يعني اذا بنت ولد يحطون اشكال اكثر 000 الله يحفظهم لج يارب ويخليهم000
ماقصرو البنات بالتجهيزات ولاتنسين تسوين مسابقات للفرفشة والوناسة مثل لعبة الطلبات والتفافيخ واسرع اجابة ,,,,,,,,,,,,, ولو تبين نصيحتي لاتسوينها بنفس يوم ميلادهم يعني قبله بيوم او بعده لان مثل ماتعرفين الاحتفال باعياد الميلاد حرام وبنفس اليوم ادفعي صدقة تدفع عنهم البلا تقبلي مروري اختج توووووووووووووووولي
والله جنج حاسه تولي انا بسوي عيد ميلادهم بعدها بجم يووم بس من باااب التغير وكسر الروتين الممل واشكرج ام نوافي كيكة ولدج تهبل ورخيصه بعد انا اببي جذي الله يوفقكم ياخواتي
ربي يحفظهم من كل شر ان شالله وعقبال 100سنه خواتي كفواووفوا والله من طيور الجنه كل شي كبابيس صحون قلاصالت زينه والكيكه في ب10دنانير وتهبل والله وموشرط عشا اذا ماتقدرين بس ورق عنب فطاير بانواعها توزعينها بصحون كب كيك كنافه وحلو عصاير بيبسي وهالسوالف وبس ترى موشرط عشا والله عقبال مانداوم انا وياج خخخخخخخ
