توني مكتشفته دشو بسرعه

:

مرحبا اشلونكم؟
اليوم واحنا راجعين من اسوق اختي قالت خنمر مكتبة السنافر تبي شغل لدوامها انا قعدت انطر بالسياره ويوم شفتها طولت قلت خل انزل للحواج اللي بجمب المكتبه اتطمش اول ما دشيت المحل ولا اسمع بنت تسأل عن زيت للشعر استخدمته اهي وامها من شهر وجاب نتيجه قويه معاها فالبدايه ما ركزت على اسم الزيت بعدين قطيت اذني:emoticon_U: واسمعه يقولها هذا حتي لما تقطعينه ما يطيح الشعر والبنت اتقوله انا استخدمته بنفس الطريقه اللي وصفتها لي وشعري تغير عليه حيل وابي اشتري مره ثانيه منه
بعدين انا سويت نفسي اسال على فالي يعني ما سمعت شيقلت له ابي زيت ينبت الشعر ويوقف التساقط قالي هذا الزيت اللي ينفعج بعدين قلت له اكيد مضمون؟ احد مجربه(بصوت عالي يعني تكلمي يابنت ) بعدها على طول لفت علي وقامت تمدح فيه وتقول حتى اسالي امي وامها تضحك وتهز راسها متحمسه:teeth_smile:ولا راحو البنت وامها في حال سبيلهم الله يجزاهم خير وانا شريت بطلين وقالي طريقة الاستعمال وهي كالآتي اول اسبوع تحطينه ساعتين كل يوم وترك وبعدها يومين بالاسبوع تحطينه لمدة ساعتين
ونسيت اقول لكم الزيت لونه اصفر وفيه اعشاب اتشوفونها تطفح داخله وعليه لزقه بيضا مكتوب عليها بالاحمر خلطة مراحب بحبوب الخروع وانا الحين حاطته بشعري سعر البطل 5دنانير
وهذي سالفتي اتمني اني افيدكم
واللي اتدش وما تدعيلي بالوظيفه السنعه وان الله يصلح زوجي وذريتي ياويلها مني:48_48::tongue_smile: ​

الله يوفقج ويصلح لج زوجج
بس مكتبة السنافر اللي بالجهرا؟

يلا الله يوفقج يارب !

وعاد قوليلنا النتيجه بعد شهر !!

برد على موضووعج وبجووف عشاان الحق هع

حدي احب هالسوالف .. بس ماادري ليش بالحواي مااحب اشتري

احس خرابيط !!

انتي شنو نوع شعرج ؟ ​

مشكورة حبيبتي
الله يوفقج

بالتوفيق انتي وعايلتج وتمنى تكون النتيجه مرضيه

ان شاء الله اييب نتيجه حبيبتي

نواره الكويت الله يجزاج خير
السنافر مو بالجهرا بالأندلس

انونا حياج الله بالموضوع
انا نوعية شعري كان كثيف حيل و نااااااعم وطوييييييل فوق الركبه بشوي ولما قمت اصبغه واقصه تغير صار ناشف ومتقصف وما يطول ابسرعه نص ظهري والحين صارلي سنه ونص ما اصبغه ولا اقصه بس الأطراف كل فتره اقصها ابيه يتحسن الحمدلله الحين كثافته زينه بس مو نفس اول انشالله يجيب نتيجه هالزيت انا متفائله فيه ومتحمسة له

بنات الله يجزاكم خير عالدعوه الطيبه

اختي انا بعد كنت اخذ من الحواج خلطه ومجربتها انا وخواتي مثل الي فيها نمش ببشرتهااا عنده خلطه اسمها المره فضيييييييعه وتفتح البشررررره وطبيعيه ميه بالميه بس اول شي تشوفين بشرتج تصير شوي صفرا شوي وبعدين تفتح وتصير مثل الليت واستخدمي معاها كريم الليل روووووعه وبنااات ابي دعواااتكم ان الله يسهل على الولاده

الله يسهل ولادتج ويقومج بالسلامه ويرزقج بالذريه الصالحه
الخلطه عند العطار اللي رحت له بالاندلس او واحد ثاني؟واسمها المره؟وشنو كريم الليل؟شسمه؟

السلام عليكم
يعطيج العافيه وأنا حبيت أدش علشان أدعيلج بالوظيفه السنعه ولا تنسين ادشين الموضوع بعد فتره تقوليلنا شنو صار معاج

انا ملاحظه التساقط قل حييييل وشعري زاد طوله مع اني توني قاصته من فتره وانا استخدم شامبو ميتال بعد روعه

مشكورة وبانتظار النتيجة بعد تجربتج للزيت علشان تشجعينا

هم انا بعد جربت العطار اللى بالاندلس اسمه الصبوحه واخذت منه كريمات وسنفره للجسم والصراحه شوى عليه روعه واذا على الدعوه الله يرزقج بالوضيفه ويسخر لج زوجج ويخليلج عيالج

والله هالحواي كل يوم له كلمه مرة هالزيت ومره زيت ام الثوم بالنهايه انت وشعرج على ما ينفعه ..
فيه بنات يستخدمون زيت املا وياب معاهم نتيجه انا طيح شعري ...
الف شكر واتمنى الفايده للجميع

مرحبا ممكن صور الزيت وين مكانه العطار وشنو اسمه

الله يوفقج و يرزقج و تسلمييين على هالافاده لان انا شعري حييل تقصف من كثر الاستشوااار

واتمنى يرد مثل قبل و ان شاء الله بسال عن هالخلطه و اجربهاا

مشكوووررة حيااتوو

حياكم الله بنات وانا ملاحظه النعومه رجعت لشعري خاصه عقب ما تركت السشوار وقمت اهتم فيه بستمر على الدهن الى قبل العيد واشوف شيصير معاي واقول لكم اول باول والصور جهازي ما فيه بلوتوث بحاول من جهاز ثاني

مكتبة السنافر معروفه بالاندلس العطار لازق فيها مباشره