جاني يصيح يقول يايمه اذبحوها..

:frown:{.. جاني يصيح يقول يايمه اذبحوها..
حبيبتي راحت يايمه من ايدي..
والله أدرى انهم اغصبوها..
عليّه والدمعات تذرف خفيّه..
يايمه راحت اللي له حيروها..
راحت حبيبة قلبي يمه الوفيّه..
يايمه ثوب العرس له لبسوها..
يايمه هذا خاتمها ببكي عليّه..
يايمه شوفي وش قساوة أبوها..
يدفنها بيده وهي بعدها حيّه..
يايمه من شوفها لي احرموها..
عيو تودعني ليه البنيه..
يارب يبليهم مثل مابلوها..
ويارب تسعد هالادميّه..}



ردت الأم للولد المحروم :



{..ياوليدي لاتشكي وتلعن أبوها..
هاذي ترى العادات وهي ابدويه..
ياوليدي من شانك عيوني بكوها..
مدري شسوي شلي طالع بديّه..
ياوليدي لغيرك تدري عطوها..
انسى خلاص الدنيا ماهي خليه..
ياوليدي خلق الله مايعذروها..
راحت وصارت للعوايد ضحيه..
ياوليدي لاتصرخ خلاص اذبحوها..
خلاص راحت منك هالأدميّه..}

منقـــــــــولـ

رااائعة رد بين العااشق وأمه

تسلم الايااادي

يايمه ثوب العرس له لبسوها..
يايمه هذا خاتمها ببكي عليّه..
امارتيه الله اكثر من رائعه يسلمو على النقل وشيسون هذي عادات القبايل البنت لولد عمها
ننتضر جديدك يالغلاااا​

تسلمين اختي على الشعر

ماشالله وايد حلو

يعطيج العافية

و بالتوفيق انشالله

واي من جد قصه محزنه وتتكرر دائم بحكم العادات والتقاليد ...الله يكون في عونه

رووووووعهـ ,,,
سلمت يمناج عالنقل ولاهنتي ,,,

صح لسانج ولا هنتي
رووووووووووعه القصيده بين الام والولد
والله تخيلت الولد يكلم امه وشلووون الام ترد عليه
اكثر من رووعه ​

راحت وصارت للعوايد ضحيه..


الى متى والله ظلم


الف شكر اماراتيه

روووعه تسلم ايدج ..
تقبلي مروري ..

يايمه راحت اللي له حيروها..
راحت حبيبة قلبي يمه الوفيّه..
يايمه ثوب العرس له لبسوها..
يايمه هذا خاتمها ببكي عليّه..
يايمه شوفي وش قساوة أبوها..
يدفنها بيده وهي بعدها حيّه
وااااااااااااو حدها حلوه
شكرا