جدتي جتكم من تركيا .... وسرقت شنطتها

جدتي وصلت

بالرغم من اني زعلان من روحتها هذي
لانها قايلة لي انها بتروح القصيم بتشري كليجا وتمر سكري قلت خلاص اجل روحي لاني خابرها اذا راحت هناك تحب تفلها وتلقى لها عجز تسولف معهن يوم كامل وليت سواليفهم حلوة كلها عن خلطة الحناء الجديدة ووشلوت ترص التمر المكنوز ومن هالسوالف
المهم مادريت البارحة الا يوم دقت علي وقالت الساعة 9ونصف تكون بالمطار تستقبلني قلت تم ياغالية وانقز للمطار قبل بساعة قلت فرصة اروح اشوف العالم بالمطار واشوف وجيههم وهو جايين من السفر
رحت الصالة الداخلية واسال عن طيارة القصيم قالوا لي مافيه رحلة اليوم من القصيم انت يمكن غلطان قلت جدتي بتوصل عليها قالوا يمكن طيارة خاصة قلت لا
المهم قلت انتظر اكيد بتدق علي بس وش السالفة لاتصير جاية عن طريق مطار جدة وانا الهواجيس داقتني الا وهي تدق
وينك ... قلت لها هذا انا بالمطار قالت طيب تعال بسرعة قلت اي بوابة
قالت انا بالصالة الدولية تعال بسرعة يوم طارت عيوني وش جابك للصالة الدولية
قالت تعال وبعدين اعلمك
رحت استقبلتها واخذنا الشناط ..... قلت لها وش السالفة يابعدهم قلت اسمع ياعبيد .... انا مارحت للقصيم انا رحت لتركيا ولو قلت لك اني بروح لها نقزت لي ونشبت بحلقي لاني عارفك بتروح تطامر تدور هالعصلى المصلى لميس
وبتغربلني ماتخليني اشوف فستاين هالاتراك ..... مديت خشتي بوز واسكت بس ماخليتها لها وحبيت اقهرها لكم وعلى طول جبت لكم فساتينها اللي هي جابتهم من تركيا هذولي هم واللي بياخذ منهن ياخذ حلال علشان تعرف من هو عبيد







اللي تبون خوذه لاني بقولها الشنطة ضاعت ​