بسم الله الرحمن الرحيم السلام عليكم ورحمة الله وبركاته مو عارفه منين ابتدي .. لكن بأول خلوني أقولكم .. أنا عضوة من زمان معاكم في المنتدى بس اضطريت اسجل من جديد باسم ثاني .. ما ابي أحد من البنات اللي اعرفهم يعرفوني لان في منتدى ناس من أقاربي . مشكلتي خلوني اختصرها لكم كنت متزوجه ودام زواجي أربع سنين وكان عندنا صعوبه بالحمل .. كتب الله لنا حمل بس بالعلاج .. والحمدلله على كل حال بعد شهر من الحمل نزل المهم صارت مشاكل كثيره بيني وبين زوجي تحملت كل شي وكنت أقول ميخالف ضغوط وتعدي لكن في السنه الأخيرة اكتشفت زوجي على علاقة بنت خال زوج أخته ( حسبي الله ونعم الوكيل ) ولما واجهته بالحقيقه قالي بكيفي قلت له .. أنا بنت ناس ولا ارضا بالمهانة اذا ما تبيني طلقني .. ( حسبي الله ونعم الوكيل ) فرصة وجته اقسم لكم يا بنات ما اخذ خمس دقايق الا حذفني بسويج السياره وقالي أنتي طالق طلعت من شقتي ورحت بيت أهلي .. والحمدلله على كل حال .. طليقي تزوج بعدي مرتين طلق مره والثانيه مشاكلهم مالها أول ولا تالي .. للأسف طليقي ساكن بالحاره الثانيه يعني جارنا غصب طيب المشكله .. ترك مشاكله مع زوجاته وشتغل عليه بالاشاعات حسبي الله ونعم الوكيل كلما جلس بمجلس قعد يقولهم أنا الله بلاني بزوجتى الأولي عقيم ضيعت عمري 4 سنين والله يابنات أهو مسوي عملية دوالي بالخصيه و عنده مراجعات وملفات كنت اشوفها لكن بعمري ما سألته تراجع حق شنو وليش خاش ملفاتك أدري بتقولون عني غبية لكن والله يا بنات كنت أحبه وراضيه فيه بكل حالاته المهم اشاعاته سببت لي مشاكل بالزواج كل من يتقدم لي يكون عنده كودة اعيال وكبير بالسن أو شاب غير متزوج من جنسية غير كويتي حاب يعيش عليه وصرف عليه المهم حنت أمي عليه لزم اتزوج صارلي 3 سنين مطلقه وباجر أكبر وراح تضيع كل الفرص وافقت اتزوج واحد من عمري عمره 33 متزوج وعنده اربع اطفال بعد الملجه انصدمت ثاني يوم جايب زوجته الأول تتتعرف عليه .. سكت قلت مايخالف الحرمه ضيفه عندنا ما يجوز اسألها ليش عندها عادي تزور شريجتها بعدها بدأ هو بالاتصالات وقسم لكم بنات ليل ونها تعبت حتى التليفون صار حار من كثر ما يتصل عليه ويسولف أكثر جمله كانت تحرق قلبي يقولي ( توني اعرف المطلقات مزايين ) حسبي الله على طليقي اهو اللي خلا حالي جذيه المهم اللي صدمني بدأ يتكلم عن الجنس بطريقه مقرفه جدا .. وعشان اكون واضحه معاكم كان يقولي يحب الاماكن اللي فيها ريحه قذره .. ويحب لحس الاباط وبين الاصابع . استغفر الله العلي العظيم .. اسفه بنات على الكلام بس عشان تعرفون شنو شخصيته المهم شهر ما تحملت طلبت افصخ الملجه .. الكل عارض لكني مو قادره اقولهم السبب شي يفشل الله كريم .. فصخت الملجه والحمدلله والحين كلما تقدم لي رجل ارفض من الخوف ليكون نفس طلقي أو نفس الثاني جد بنات لا تقولون روحي طبيب نفسي كلنا عارفين مجتمعنا ما يرحم خصوصا مع المطلقه بنات اللي ابيه واتمناه منكم تدعون لي والله تعبت
الله يكون بعونج والله حبوبه لا توقفين نصيبج عشان واحد راح وثاني تافه وماعنده سالفه شوفي حياتج انتي ما فيج شي لا تعقدتي ولا شي وما يحتاج طبيب اصلا كل ما في سالفه يبيلها ثقه بالنفس شوي والله يوفقج يا رب ويرزقج بالزوج الصالح الي يسعدج يا رب
من كلامج ماتحاتجين طبيب نفسي ولاشي على قولة اختي شوشوه يحتاج لج ثقه بالنفس وصح لاتوقفين نصيبج على واحد مايسواا ترى اصابعج مو سواا .. الله يرزقج بالزوج الصااالح والذريه الصااالحه .. وهدي بالج وتضايقين نفسج على شي كله مقدر ومكتوب وهذاك كان نصيبج وان شاء الله ربي يعوض صبرج خيييييير وينصرج ..
صباح الخير ياقلبي حبيبتي انا حسيت من كلامج انج يائسه حيل لانج مطلقه ؟؟؟ليش شنو المشكله حبيبتي اذا تبين تخلين سالفة الطلاق مشكله بتصير لكن اذا تبين تخلينها وضع عادي وبعدين ياقلبي الطلاق نصيب والزواج بعد نصيب يعني مو انتي السبب ولا لج يد فيه كله بيد رب العالمين سبحانه والحين لازم تبدين بالتغير بحياتج اولا بنفسج توكلين امرج كله لله وبعد صلاة الفجر والمغرب استغفري الف مره لاتقولين واجد لا تعودي الاستغفار له فضل عظيم بحل المشاكل وبعدين تقولين المجتمع مايرحم شكو المجتمع يعني الناس حبيبتي اذا بتسمعين حجي الناس وتشغلين بالج فيه عمر الناس ماراح تسكت سواء عشانج او لغيرج بيتحجون بيتحجون فيج او بغيرج حبيبتي الي يطالع الناس يتعب انتي الاهم عندج ربج ونفسج والباجي له الاحترام بس ومن ناحية اذا صار نصيب وتزوجتي وفترة الملجه لا تطول خليها قصيره واذا بينكم كلام بالتلفون وتكلم مثلا بالجنس عادي كلميه لكن كل شي له حدود وبطريقتج تقدرين تغيرين الموضوع حبيبتي كل رجل له افكاره بالجنس ويتكلم يقول احب هالطريقه هالاسلوب ميخالف اسمعي والي مايعجبج انتي بطريقتج بعد زواجكم تغيرنه لاتوفقين على اسباب وتطلقين بسهوله وربي يسعدج
ربي يسعد قلوب الجميع و الله يا بنات ما همني لا الزواج وغيره بس تموتين قهر من اللي يتحجى فيج خصوصا من طليقج ما دري شنو يبي تزوج بعدي ثنتين طلق وحده والثانيه بيت اهلها بس مو راضي ينساني كله يسولف فيني الله قردني لما طلع طليقي جاري والله لو بيدي ابيع بيتنا وبعد عنه حسبي الله نعم الوكيل
تعرفين اختي .. بقولج شي يختلف عن اللي قالوه البنات بعطيج خطوات احسها بتساعدج ومهمه انا لو مكانج كيف اتصرف .... ببساطة انا اول شي :بطنش ان في واحد جاري يكون طليقي بسوي طاف .... يعني بعتبره ولا شي مب موجود ثانيا : بقوي علاقتي ويا رب العالمين لان رب العالمين لو كان وياج مستحيل يقدر طليقج يبطل حلجة بكلمة عنج .. ليش ما يقدر لان الله بيحميج وبيخلي الناس ادافع عنج .... والله انا عندي واحد من اهلنا طلق زوجته وكل واحد كان غلطان فيهم لكن والله كان الريال غلطان اكثر عن الحرمة ... بس عقب 8 سنين الله خلا هالريال يتحسف على حرمته الاولى بعد ماتزج ثانيه وطلعت عينه ... ولازم تسوين هالاشياء بتساعد على تقوية علاقتج بالله : 1 حافضي على صلاتج بوقتها خلي نيتج لرب العالمين ان يارب مالي غيرك في هالضروف واعرف ان لو تحسنت ظروفي بعد مالي غيرك ... 2 حاولي تحافظين على اذكار الصباح والمساء ... 3حاولي تكونين من الذاكرين الله كثيرا والذاكرات مب لازم تعتزلين العالم لا لا وانتي يالسه تذكرين الله في قلبج يعني خلي اول اولوياتج الله يكون راضي عني بالفعل مب بس بالقول 4 لا تكونين من الناس اللي يكونون مع الله في وقت شدتهم ولو الله يسر عليهم ووفقهم وخذ لهم في حقهم تقل علاقتهم بالله كانهم كانوا يعبدونه بس وقت الشده وكان الله بس اول اولوياتهم في الشده فقط لا خلي نيتج يارب سواء تحسنت ظروفي او ماتحسنت انا عرفت ان محد وفي لي ومحد يستاهل احبه بصدقق الا انته يارب ولو ترد فيج الذاكره شوي بتحسين ان فعلا في السراء والضراء ... ما كان وياج الا الله يعني الشخصية المتواجده دائما في كل الضروف فقط الله ومحد عنده القوة يطلع حقج من عين طليقج الا الله ثالثا : انا لو مكانج ما بوقف في مكاني ابدا ابدا ... المقصود اني انا بشتغل على عمري وبنشغل كيف .... يعني لو مب مكمله دراستج والله كمليها في مصلحتج خليج وحده مميزة الناس تقول عنها هذي طلعت اقوى عقب الطلاق وريلها اللي غلطان طلقها ..... لو مخلصه الاعداديه كملي الاعداديه والثانويه والجامعه ولو كان لازم تعيدين الثانويه لو مكانج بعيدها اعرف انه تعب بس دامج يالسه يالسه والله سوي شي مفيد التشكي للناس مابيفيدج ومستحيل تسكتين الناس الي تتكلم عنج وتجذبين كلامه الا لو شافو منج العكس ... انا ما قولج كملي دراستج عشان الناس ترمس عنج لا لا خلي نيتج الكبرى انج تحققين ذاتج تكتسبين علم تكونين شي مميز ... في الكويت >>>> لو كنتي كويتيه او من اي دوله صح بتتعبين في البداية بس على الاقل النهاية مظمونه ... شهادة تنفعج عقب طلاقج لان الحين في هالوضع مستحيل حد ينفعج . حتى ابوج وامج ..... مابيدومون لج ... ثالثا : حاولي تهتمين بامج وابوج لان برضاهم اكيد الله بيسهل امورج ... وبدعواتهم الله بيوفقج وقوي علاقتج بالناس مب عشان تعرسين لا عشان تعكسين انطباع حلو عن تطورج وانتبهي تقولين للعالم انا يالسه اتغير لا لا خلي تغيرج لله بس خلي علاقتج ويا الناس حلوة عشان تغيرين جو .... عشان ماتحسين عمرج بروحج .... رابعا : طوري نفسج من الناحية النفسيه طوري ذاتج اشتغلي في تطوير الذات دشي منتديات تتكلم عن التفكير الايجابي اسمعي وايد للدكتور ابراهيم الفقي ... لان استاذ في البرمجه العصبيه اللغوية ... وبتتعلمين منه كيف اتكونين ناجحه بتتعلمين كيف تكونين مميزة بتتعلمين كيف تتجاوزين اي هم .... خامسا : تذكري ان اي كلمة تنقال عنج من الناس او حتى ريلج اسالي نفسج بامانه هل فيني هالشي ؟؟؟ لو فيني على طول بكون صادقه ويا نفسي وبعدله حتى لو طليقج ماعرف انج عدلتيه ولو مافيني بقول حسبي الله ونعم الوكيل .. وبتذكر ان لا تقذف الا الشجرة المثمره .... ولو حد يا يوصلج الكلام ان ريلج قال عنج وريلج قال ما بعطيهم مجال بقول فقط حسبي الله ونعم الوكيل ما بفتح لعقلي وقلبي باب ان ينقهر ... لا تسمعين شو يقول عنج من كلام .... سادسا : ادعي الله من قلبج .. ان يساعدج على هالمحنة .... و يوفقج ... وادعيه ان يعوضج احسن عنه ... ولا تتعقدين من العرس والله لو كنتي اوكي مع الله الله بيرزقج واحد احسن من الاثنين اللي راحوا ... يعني اللي يوج كانوا اختيارج انتي كبشر... هالمره قولي يارب ابغيك انت تييب لي مابغي اختيار ونظرت الناس انا يوم اخترت مرتين طلع اختيار خطأ الحين انا قلبي وكلته لك ... وتذكري و((من يتوكل على الله فهو حسبه)) <<< هذي ايه في القران ومعنات فهو حسبه يعني هو يكفيه .. سابعا : دوم تخيلي نظرات الناس لج انج مطلقة مجرد اختبار من الله وبالعكس تعلمي تتجاوزين اي خطا كان في حياتج الزوجيه الاولى قولي لنفسج اذا كنت انا غلطت في شي في زواجي الاول فيارب انا خلاص اعاهد نفسي اني ما اكرره وتذكري ان هذا ابتلاء من الله يمتحن صبرج وطاقتج ... بس هذي خطوات والله احسها بتغير وايد في حياتج لا تهملين فيها ولا تكونين كسلانه والا تستثقلين اللي قلته لج بالعكس ابدي التغيير من هاللحظة ... لاتنسين النيه الزينه والطيبه ان يارب ان نيتي كل شي اسويه لله + تقوين علاقتج بالله + تعملين بكل الاسباب الدراسه وغيرها من اللي كتبتها لج + توكلي على الله من قلبج = فتح من الله من حيث لاتحستبين ملاحظة : استغفري واااايد في كل وقت بقلبجلان الرسول عليه الصلاة والسلام قال (( من لزم الاستغفار جعل الله له في كل هم فرجا ومن كل ضيق مخرجا ورزقه من حيث لا يحتسب )) هذا حديث صحيح ملاحظة 2 : ادعي الله وايد الله قال : ((ادعوني استجب لكم)) ... محد يقدر يساعدج الا الله ماعليج من الناس الناس مايقدرون يساعدونج الا لو الله راضي عنج ... ولو ساعدوج والله زعلان عليج بتكون سعاده قصيره ... اتمنى اكون فدتج .... و لو تبين برامج ممكن تساعد وترفع طاقتج الايمانيه انا ماعندي اي مانع من عيوني ...
الله يعينج ويصبرج واذا انتي بنت الكويت اعتقد انه احنا طلعنا من مجتمع اللي عيب عندهم مطلقه شنو يعني مطلقه يعني الا فيها العيب العيب من الرياييل اللي طايح حظهم ...المهم اللي ابي اوصلج اياه خلج واثقه من نفسج واذا بتعشين حياتج بدون زواج فخلي كلام الناس يولي عنج انتي مو اول وحده ولا اخر وحده اللي اطلقتي اهم شي نفسيتج وحياتج واذا الله كتبلج نصيب وحسيتي ارتحتي له تزوجي والله يوفقج يارب ...
حبيبتي أحلام قومي الحيييييييين سجدي شكر لله اللي فكج منهم .. اثنينهم مو كفو الله حابج { وانشاء الله ربي يعوضج بالأخير منهم وسيع البال .. كثير المال .. يدور رضاج وما يشوف غيرج ويرزقج منه الذرية الصالحة ويكفيج شر طليقج ويرد كيده بنحره القادر الكريم اللهم آآآآآآآآآآمين }
كلامها عيـــــــــــــــــــــــــن العقل وانا بعد أشوف ان الأثنين ما يستاهلونج.. وأكيد رب العالمين فكّج منهم وله حكمه.. الأول ما ادري شسالفته وما عندي ثقة باحد .. اللي يخش أوراق الطبيب عنج ويقول منج العيب .. وبعد الطلاق يتكلم فيج هذا اهو بنفسه يحس بنقص والثاني ما ادري ليش احسه مقزز .. حبيبتي الحياة ما توقف عندهم .. ونصيبج باييلج ولا تستعيلين على شي .. محد يدري شنو مكتوب لج .. الله يوفقج ويقوّيج
عسى الله يرزقج و يرزقنا جميع بالرجال الصالحين .. قلبو العيب مو فيج خليج ثقه بنفسج الف من يتمناج بس صبري و لارضخين لاي زواج انتي مو مقتنعه فيه هذا زواج مو لعب الطلقه الاولى كانت درس و اخذي العبره منه و لا تستسلمين خلي الله معاج .. كا انا من تطلقت تقدملي شكثر بس رفضت لان ما لقيت الشخص اللي اقدر اقول ايييييه هذا اللي ابيه .. اعتقد تجربتي الاولى علمتني الصبر و الله يفرغ علينا الصبر و يثبتنا
الطلاق مو عيب واحيانا يكون حل للمشاكل واحمدي ربج انج تطلقتي من الاول يمكن الله يرزقج بابن الحلال اللي تجيبين منه عيال يملون حياتج . ولا الثاني اصلا مايسوى من يتحسف عليه لانه مؤرف من طريقة تفكيره المشمئزه والله يعوضج باللي ابرك منهم ومثل ماقالوا الخوات كملي دراستج وكوني شخصيه بارزه بالمجتمع والله يوفقج
