جزاك الله خير الجزاء

السلام عليكم ورحمه الله وبركاته

تحلمت اني موجوده بالشارع وكان وقت ليل ولقيت طفل عمره 3 سنوات تقريبا طايح بنص الشارع وفي سيارات تمر وانا كنت امشي مع اختي وقدام الشارع في مثل البقاله وفيه رجلين يبيعون فيه انا مسكت الطفل وشلته كان مدعوم وفيه دم توقعت انه مات بس يوم شلته لقيت فيه روح وحيل استانست وعصبت على راعيين البقاله قلت ليش ما شلتوه وسألتهم ما تعرفون وين بيته قالوا لا ومريت على البيت اللي قدام الشارع محد فتح الباب وبعدها رحت عند بيت خالتي قدام الشارع بعد لقيت ان بنات خالتي يبون يطلعوون وانا دخلت بيتهم وبيدي الطفل وبطلت الدريشه وكلمتهم من ورا وهم راكبين باص مع بنات عماتهم وسألت بنت عمتي اللي عمرها 24 وعندها ولد قلت تعرفين هذا الطفل قالت اي ولد جيرانا ومعطينه جيرانهم الثانيين اللي جنبهم يعني متبنينه انا استغربت وقالت عندهم عزاء ودقيت عليهم طلعت لي حرمه واسمعها تكلم عجوز جنبها وهي معصبه وقالت العجوز من تكلمين قالت اكلم الغلا .. يعني وحده اسمها الغلا يعني انا .. مع العلم مو اسمي وانا ما كملت كلامي وسكرت التلفون ولا سلمتلهم االطفل .. وبنفس الوقت تحلمت اني رايحه مع اختي وكان وقت ليل وهي تسوق سيارتها بين بيوت وفي مصري طلب انا نوقفله .. واحنا وقفناله وقال وصلوني شوي قدام وانا استغربت واختي رضت توصله وقعد في المقعد الخلفي اللي وراي ويوم قربنا نوصله البيت اللي هو يبي مسكني وعقبها صرخت بصول عالي بس محد طلع من الناس وضربته بيدي وضربني لما نزل من السياره


وحلم ثاني من فتره

حلمت اني موجوده بمكه وكنت مع اهلي ويوم وصلت قدام الكعبه قبل لا نطوف قلت لابوي اني ما توضيت بروح اتوضى ودورت ماي مالقيت وجاني طفل عمره 8 سنوات وعطاني ماي زمزم توضيت ورحت كملت الطواف ..



السموحه على الاطاله ويعطيج العافيه

اختي الغالية بخصوص الرؤية الثانية فالوضوء هو امر ناقص عندك وامور لم تكتمل
ولكن الوضوء واكتماله فهو ان هالامر سيكتمل بافضل من المتوقع وسيرزقك الله تمامه
وراحة بالبدن وصحة وطهارة بالدين والله اعلم

اكتبي الاولى بموضوع مستقل
ام محمد