شنو احسن شي حزام حق العمليه القيصريه شنو الادويه يلي استعمله حق النفاس ابي شي يوخر بطني الكرش الكرش المصيبه هذا شكرا
هلا والله بصراحه معندي خبره بس انا مرا كنت بصيدلية طيبه عندهم حزام مابعد الولاده حق قيصريه حق طبيعي سعر 25 بس والله مجربته شفت واحد شراه ,, اما ادوية النفاس كل شي بس بعدي عن حليب لان يقولون يتفخ البطن موزين للعمليه اي شي يتفخ البطن ,,
انا قيصرية ولحزام مااستخدمته الدكتور قالي مايصير الا بعد 6 شهور وادوية النافس ماخذيت شي بس كليت مرتين حسو وبس لان الرحم ينظفونه بالقيصرية والله يسهل عليج ومن ناحين الكرش ماله الا الرياضة
حبيبتي انا اعرف ان القيصريه بالادويه حالها حال الطبيعي بس الاشياء الخارجيه تجنبيها مثل الحزام والرياضه حقت البطن عالاقل 6شهور عشان العمليه ماتبطل وان شالله الخوات يفيدونج اكثر
الحزام مثل ماقالت الاخت بعد 6 شهور وانصحج بالمشد الاندونيسي وايد زين يطلع الخصر وعن تجربه تلقين اعلانه ابجريده الوسيط والادويه احلى شي بالقيصريه ان ماكو ادويه نفاس يعني راح تفتكين ولازم تطلع لج كرشه اول شي انا بعد العمليه خواتي انصدمو من بطني حيل متفوخ وقالو مستحيل يرجع جسمج مثل قبل بس ماتحبطت لاني بعد 6 شهور حطيت المشد وقمت امشي اهم شي المشي واسوي شاي اعشاب عباره عن ميراميه وشاي اخضر ومرقدوش العشبه مو الماي اللي بالبطل تلقينها بالحواي احطهم ابمطاره واشرب كوبين باليوم ورا الوجبتين وبعد سوي مطارة زنجبيل وليمون الزنجبيل اتحطينه مبشور طازج مع شرايح ليمون واتصبين عليهم ماي مغلي وحطيهم ابمطاره بس مرتين باليوم بعد الاكل يعني مره الاعشاب ومره الزنجبيل وبنت خالي جربت كريم الزنجبيل ادهنه في مكان الشحوم واستمرت عليه صج راحو افخوذها بس ترى يحرق وريحته قويه اهي شاريته من الحواي
صج نسيت لا اقولج بعد ماسويت هذا كله والله العظيم الكرشه راحت وكنت امداومه على تمارين المعده صج عجيبه بازالة الكرش وان شاء الله بعد ولادتي راح ارجع للنظام اللي قلت لج عليه ولاتنسين المشي +تمارين المعده+شاي الاعشاب = باي باي كرش
