السلام عليكم خواتي انا حامل بالشهر الخامس وصارلي اسبوعين اول شي كان ينزل علي افراز عادي عزكم الله وعقب قام يزيد ورحت المستشفى وسويت تحليل بول وقالو فيني التهاب وعطوني مضاد بس للاسف حالتي ما تحسنت بالعكس زادت الحين وصلت لدرجة تخوف الافراز قلب لونه اخضر على لون عكر والمنطقة المهبلية متقرحة جنها متنتفة حيل خااايفة والحكة اللي ما تخليني حتى انام ساعدوووني منو عندها خبرة الله يوفق اللي ترد علي وااايد قاعده احاتي :frown:
اختي روحي للدكتوره فوزية القطان تراه شاااطره انا كنت اروح عندها بس ماكنت اعاني من الالتهاب الا كنت بسقط بس الحمدلله تبث الحمل وولدت وبنوتي عمرها الحين 9 اشهر عقبالك يااارب
روحي عالجي حبيبتي لاتسكتين عن عمرج مو زين جذي هاذي التهابات لازم تعالجين لج وللبيبي احسن الله يتمم لج ويقومج بالسلامة
هلا اختي ربي يتمم عليج حملج يارب وترزقين بالذرية الصالحة المعافاة هذا التهاب قوي لازم مضاد حيوي قوي ابر تاخذينها لمدة خمس أيام روحي لاميرة بهبهاني لاني رحت لها بنفس حالة الالتهاب بعد اجهاضي بتاخذ مسحة منج وتسوي اختبار عليها وانتي وزوجج تتعالجون . . . واحسن وانسب شي ابر بالعضل وسادس يوم بتشوفين ان كل شي اختفى وانتهى وان قالت لج بحط لج درب علشان مايصير عندج فشل كلوي طنشيها لانها بتحط مسكن بس بالمغذي اهم شي اخذي الابر
الشر ما ييكم حبايبي الحمدلله خذيت مضاد حيوي وخف بس ما راح كلش عموما الحمدلله على كل حال وطمني الدكتور ان ما يضر البيبي مشكورين
حبيبتي لازم زوجج وياج ياخذ المضاد لان اكيد انتقل له لكن عنده على خفيف مو قلت لج إبر تاخذين وبتشوفين صج الفرق وزوجج حبوب
انزين اشلون ياخذ مضاد زوجي يعني يروح المستشفى ويقولهم مرتي فيها التهاب ويعطونا ؟؟ لان اهو بارد ومو راضي يقتنع ان الالتهاب يصير فيه مليت وانا احن عليه
الف سلامة عليكى اختى واوعى اوعى اوعى الف مرة تخدى اى دواء وانتى حامل هذا خطر على الجنين بعد الشر بعد الشر الدواء يسبب اعاقات للاجنة فى حالتك هذة ابتعدى عن الجماع لحين الالتهاب يروح وادهنى المنطقة الملتهبة بزيت الزيتون وحاولى ماتخليها مبللة يعنى بعد التشطيف امسحيها بمنشفة لان المية بتزود وجود البيكتيريا بس استعملى زيت الزيتون لكن من الخارج بس اوعى تغوطية جوا لانوا بيسهل الولادة وانتى بالخامس والف الف سلامة عليكى وياريت تطمنيننى حبيبتى عليكى ربنا يشفيكى يارب
