السلام عليكم خواتي اشحالكم عندي موضوع وايد شاغل بالي ياريت ياريت اتريحوني انا حامل بتوام والحمدلله وايد خايفه من الولاده الطبيعيه بموت من الخوف وانا الحين بدايه الثامن والله يتمم عليه بخيررر يارب وكل وحده حامل يتمم لها ربي ع خير المهم اي وحده حملت بتوام او عندها خواتها او صديقاتها مرت بتجربت الحمل بتوام تنقلي تجربتها يعني الولاده الطبيعيه سهله ولا تكون فيها مضاعفات ريحوني الله يريحكم وانا طالبه عمليه قيصريه بس الدكتوره قالت مافي داعي لان مافي عمليه من غير مضاعفات اولدي طبيعي والله بيسهل ونعم بالله بس مب متخيله الالم ألمين والله وقالت التوائم ينزلون صغار ومافي داعي للعمليه والخوف بس الوسواس شغال حده وع فكره التوائم مب بجري عندي بيبيات قبل بس تجربتي ويا التوائم اول مره وقالت اي شي بيستوي ف الولاده بنحولج ع العمليات بس الحين حرام اكتب لج عمليه والوضع عندج كله طبيعي ادعولي بظهر الغيب خواتي ويقومني ربي بالسلامه ويرزقني باطفال اصحاء من غير زياده ولا نقصان وموعد ولادتي على اخر شهر 12
شتبين في القصيرية ويه لاتحاتين ولا شي خليه على ربي العالمين مالج الا الدعاء اهم شي صحتهم زينين الحمدالله .. وانشالله تولدين بسلامة وانا بعد بتاسع بخلص والحين ما ولدت ..
هلا اختي . . . ربي يقومج بالسلامة يارب ويعافيلج البيبيات . . . اختي من 12سنة ولدت توائم عطيه من رب العالمين وولدتهم طبيعي ولله الحمد . . . لا وبمستشفى حكومي . . . التساهيل من رب العالمين كانت طول طلقها تدعي : يا حي يا قيوم برحمتك استغيث . . . تقول لساني ما توقف عن ذكر الله بهالدعاااء . . . ولادتها طبيعية وسهالة ومافي مضاعفات . . .
حبيبتي لاتحافين ولا شي الله يسهل ولادتج ويجعلها اسهل ولاده يارب وحده من جماعتنا نفس طريقتج بحملها الثالث حملت بتوم تحلف بالله انه ماجاها طلق ولاعندهاطاري ولاده مغص بسيط وولدت طبيعي جابت ولد وبنت مثل القمر واسهل ولاده مرت عليها وووووووووووووووووووووووووووووووسامحيني شكلي ثرثرت وايد
ليش حبيبتي حاملة الهم وتتخيلي كل صعب من الان، وين التوكل على الله، بإذن الله راح تكون اسهل ولادة شفتيها
مشكورين حبايبي ع الردود والله يوفقكم وطمنتوني الله يطمنكم وان شاء الله ييسر امورنا ويسهل لي ولكل حامل يارب
حياتي انتي الله يهون عليج ويقومج بالسلااامه انا توني قبل جم شهر ولدت طبيعي وبمستشفى الفروانيه وربي حبيبي رزقني في تؤام بنت وولد كل واحد بمشيمه ومن الله حملت فيهم لاعلاج ولاشي وعندي قبلهم عيالي الله يصلحهم ويشااافيهم الولاده الحمدالله بفضل من ربي كانت سهله والدكاتره كانوا حيل مهتمين فيني لاتقولين مستشفى خاص ادفع فلوس وتتسهل ولااادتي خواتي كلهم والدين بمستشفى خاص وحسووا بالاام كلها تساااهيل من رب العالمين حتى لو ربي كتب لج ولاده في البيت؟؟؟ وانا كانوا التؤام روسهم تحت كل شي طبيعي والحمدالله بس الله يشافيهم ادعولهم
انا مع كلام اختي ام عبد الله لاتخافين ولاتحاتين اهم شي نفسيتج خليها عال العال ولاتفكرين وتوسوسين وايد وحطي فبالج لما تولدين بالسلامهوتشوفينهم بحضنج ومنو يشابهون خلج دوم متفاأله والله معاج عسى ربي يهون ويسهل ويخفف عليج يار الولاده ويقر عينج بشوفة ضناج
ياعمري الله يهون عليج ولا تحاتين الولادة ترا أمهاتنا قبل كانوا يولدون بالبيت وكانوا يجيبون توأم بعد وماشاالله عليهم ينفسون روحهم ويشتغلون بالبيت والحياة عندهم ماشيه طبيعي واحنا نخاف من كل شي
فديتكم خواتي ومشكورين ع الردود الشامخه الله يشافي عيالج الغاليه واهات الليل الله يطمنج فديتج وهديل مشكوره ع مرورج وصح كلامج نحن من كل شي نخاف يالله الحمدلله التساهيل من رب العالمين والله يسهل ولادتي وكل حامل بتولد يارب
