حبايبي ادخلو ابي مساعده

مساء الخير /صباح الخير
انا نويت افتح صالون طبعا مو اي صالون راح يكون راقي جدا
وحبيت اخذ رايكم شنو اسوي علشان اجذب الزبونه وتكون مرتاحه
وحبيت بعد تشورون علي بديكورات او تدلوني علي اي شخص يضبط الديكورات الصالون
طبعا راح يكون للمكياج والستشوار وغيرها من اعمال الصالون فياليت محد يبخل علي

وينكم بسم الله ؟؟؟؟؟؟؟؟؟؟؟!!!!!!!!

اختى العزيزه عندج الوسيط في وايد اصباغ حلوه وتقدرين تقولين لهم عندي صالون وابي اضبطه


وهذا الي اقدر فيدج فيه

تسلمين اختي ويعطيج العافيه ومع احترامي للجميع انتي الوحيده اللي فيج الخير ورديني علي معقوله االلي يصير
محد يساعد والله شح المطر هذا دليل علي تفككنا والحسد اعوووووووذ بالله
علي العموم اختي مشكوووووووووووووووره وماقصرتي
والله يكثر من امثالج الطيبه

حبيبتي ,,

غيري لون الصالون خليه بناتي .. والعاملات لابسهم مواااحد والنظافه اهم شي

والله يوفقج يارب

نواظر ياااااامال العافيه وربي راقيه
الله يوفقج وراح احط نصيحتج بين عيوني ان شاءالله

هلا حياتي دزين لي رقمج ع الخاص وبفيدك وايد أن شاء الله ومابتخسرين شيء..........حياج

تسلمين ياشوشو والله يكثر من امثالج ياقلبي

ربي يوفقك يارب
وبداية خير ان شاء الله

حاولي يكون صالونك فيه شي مميز عن باقي الصالونات
من ناحية توفير شي مرفه للزبونة
مثل مثلا وهي الزبونة قاعدة تسوي مانكير او باديكير يكون وراها كرسي المساج مثلا
اللي يههزززز موجود بسلطان روعة والله

حبيت اشارك

مووووووووفقة

هم هذي بعد فكره حلوه
يالله يابنات ساعدوني
تسلمين يام العبد الله يعطيج العافيه

الله يوفقج

اهم شي اسلوب وابتسامه الموظفات يا قلبي

اكيييييييييييييد
تسلمين علي النصيحه

اول شي الله يوفقج انشالله ويرزقج من اوسع ابوابه تستاهلين كل خير
ثاني شي في عندج مصممين ديكور خليهم يشوفون الصالون والمساحه عشان يصممونه وخلي الالوان تكون حلوه تفتح النفس وبناتيه يعني مثلا الوردي والبنفسجي مع الارضيه والديكورات بالطوفه راح يكون مميز وخلي ستاف العمل بلبس موحد ونوعي بالموظفين يعني مثلا هنديه حق شيره وحف وفلبينه مساج وبدكير ومنكير يعني كل وحده وتخصصها وما انكر انه في ناس مو تخصصهم بس يبدعون فيه
وثالث شي سوي عروض ومميزات حق الزباين يعني مثلا الي تسوي مسجات 3 مرات تاخذ جلسه مجانا
الحريم والبنات يحبون هالسوالف حتى لو كان غالي
وييبي خلطات حق الشعر طبيعيه النت متروس خليلج وحده تسويلج الخلطات حق العنايه بالشعر
ونفس الشي حق الجسم وشوفي الناس اشلون ما تفارقج واهم من هذا كله نظافه الصالون و الروح الحلوه يعني علمي موظفاتج عالابتسامه وخليهم يساعدون بعض ويحبون بعض عشان ما تصير مشاكل
واتمنى اكون ساعدتج بشي بسيط

سوي نظام اشتراك بالصالون مثلا ب 20 دينار 6 أعمال مثل حمام مغربي +بدكير + منكير +شيره كامله + سنفره للوجه +حمام زيت للشعر
وكل اشتراك سوي معاه سحب على أي شي على أعمال على خاتم ومن كذيه
بس صراحه أنا عن نفسي لو شنوا ماحب مجابل الصوالين وموفقه يالغاليه

خلي خدمتج مميزو يعني بحمامات المغربيه خليلج خلطه او شر وفرق المغربي العادي عن الملكي

تسلموووووووون والله انك ضفتو اشياء كثيره انا متغافلتها

موفقه حبوبه

السلام عليكم ورحمه الله وبركاته





هذي صور جبتهم للافاده


منطقة الاستقبال و هى مهمه جدا و من الافضل وضع فيها تليفزيون عشان تسلية النساء المنتظره و بعد المجلات الخاصه بالمكياج و الشعر ..........



نأتى الان الى منطقه العمل داخل المحل
اهم شىء نظافة المكان و الادوات و الاشخاص العاملين و الاضاءة القوية
و تقسم مناطق العمل الى :

1- المكان المخصص لعمل قصات الشعر وصبغه وما إلى ذلك





ثم بعد ذالك منطقة لغسل الشعر





حبيبتي وعلى الاسعار

الأسعار ... مو كثير صايرة تشغل الناس المهم الشغل لو مميز وجميل أكيد لو طلبت شنو

ما راح تلقى معارضة من قبل الزبون .. وقلتلك هذا يرجع على حسب جودة وميزة الشغل ..

وفي كم نقطة ركزي عليهم وانتبهي يفوتوكي ..



اول شي نظافة الصالون والادوات المستخدمة لها دور كبير في راحة نفسية الزباين

تاني شي الروح والنفس الحلوة والابتسامة ومحاولة كسب الزبونه ايضا لها دور في جذب الزباين

الهدوء والترتيب للمشغل ايضاً امر ضروري لعكس صورة حلوة ومرتبة عن المشغل يعني الميك آب له مكان

وركن خاص الشعر القص والتسريح له مكان خاص الصبغ والميش واللخبطة هذه تكون بعيده عن مكان الجلوس

والانتظار حتى ماتأذي الزباين بالروائح .. العروس لها غرفة خاصة وبعيدة عن العيون ... وما الى ذلك


هذه بعض النقاط الاساسية الواجب توفرها بأي مشغل ناجح ..

اتمنى اني اكون افدتك ولو بالقليل .. واتمنى لك النجاح والتوفيق يارب


حبيبتي انا بنت عمي واختي عندهم صالون وقلت لهم يمشون عليها لان في شغلات تاذي الزبونه وهم ما يدرون و عرفو شلون يجذبون زباينهم شلون انا اقولج


يعني سوالف العاملات طبخ والشغلات الي ريحتها تصك الراس يسونها بالبيت الصالون مكان عمل

يغسلون ايدينهم قبل ما يمسكون اي زبونه ويعطرونها يبخرون الصالون باليوم 5 ال6 مرات يخلون العاملات كل ما يعطونهم معاشات يشترون عطر ماركه وعلج اكسترا

وهذا شرط نشرطه على العمله وقبل ما تمسك زبونه تغسل ايدها وتعطرها وتاخذ علج لان في بعض الصوالين ريحتهم مو شي

ومع العروض المميزه وبصراحه اختي وبنت عمي بس للمكياج واذا ما عندهم شغل يقعدون بصاله الاستقبال ويسولفون مع الزباين


عرفتي خلي نفسج حلوه مو تتكبرين على الزباين

وعندنا بالصالون موظفه الاستقبال بالطلعه والدخله تحط للزباين دهن عود بس يكون ريحته طيبه


وطبعا من غير العروض الحلوه والحمد لله افتحو صالون ثاني بافكارهم وعرفو شلون يجذبون الزباين

والله يوفقهم ويوفقج

هلا أختي . . .

موفقة خير . . .

وأهم شي النظافة احرصي عليها جداااااااااااااااااااااااااااااااااااااااااااااااااااااااا

والديكور اختاري ديكور بسيط مو خبه عملي والوانهم جريئة وستايل امريكي

والعاملات اهتمي بلبسهم والاهم شغلهم يكون محترف يعني الله يهدي بعض الصالونات يجيبون لج سيلانية كانت تشتغل في بيت ويخلونها تتعلم بالحريم !!
طبعا نظافة المكان والفوط والروائح الطيبة بالصالون
والاهم خصوصية كل زبونة يعني لاتحطين نظام ستاير تفصل بين الزبونتين لا خليهم نظام غرف وكل غرفة وفري فيها جهاز شمع وفوط وسرير نظيف نفس طريقة العيادات يكون فوقه كلينكس طويل