حبر الطابعة . . . وتكاليفه

السلام عليكم ورحمة الله وبركاته ​

ولله الحمد أحب اسوي شغلي بيدي يعني أطبع تحضيري اسبوعيا واستفيد من هالانترنت بعد في تحضيري والطباعة مثل ما انتو عارفين تحتاج إلى حبر . . .والحبر مكلف جدا وبسرعة يخلص !!
عندي طابعتي نوعية :HP D7163
ملونة وكل لون بروحه واللون الأسود أكبر عبوة . ..

فتح اللاب توب الخاص فيني وسيده رحت على ملفاتي وعطيت الطابعة أمر طباعة . . .

لكن عطتني تنبيه إن الحبر الأسود خالص . . .

قلت معلش بنتحايل عليها غيرت لون الطباعة إلى الألوان المتوفرة عندي وللأسف عندت هالطابعة

ومارضت تطبع وراسها ومليون سيف إلا أركب الحبر الأسود :48_482:

اتصلت على زوجي قلت له أبي حبر أسود ضروري قالي لازم صاحب المحل يشوف العبوة لأن الأسود له أحجام ومودايما يكون محدد لاسم طابعة معينة :71_71:

أرسلت السايق لفرع الجمعية بعبوة الحبر وللأسف ما حصل نفسه ( الحمدلله إنه ما حصله )

قعدت أفكر شسوي وشنو العمل

المهم قلت مافي إلا مركز الطالب لكن الوقت تأخر ونفسية اللي يشتغلون هناك مش ولابد وأكيد بيعفسون شكلي :frown:


المهم قلت مافي إلا نرد على أيام أول أيام المحبرة لكن من غير ريشة استبدلتها بإبرة

وارسلت السايق للمكتبة وقلت له يشتري لي حبر سائل

وخذيت الحبر اللي بالطابعة وسحبت من الحبر السائل وحقنته بعلبة الحبر السودة في الفتحة اللي مواجهة للطابعة من الداخل . . .

كلفني الحبر وللأمانة انا حطيت بدال الاسود ازرق ما حصلت بالمكتبة الاسود فقط 400فلس

وشوفوا الأدوات + نتيجة الطباعة بالورقة يعني روعةةةةةةةةةةةةةةةةةةةةةةة

أتمنى تستفيدون من تجربتي الشخصية وتفتكون من سوالف الحبر المكلفة والغاليةةةةةةةة

خصوصا لطالباتنا وأولياء الأمور ومعلماتنا المتميزات

أختكم : أم عبدالله

الله يعطيتش العافيةعلى ها المعلومة الرائعة وان شاالله اجربها بس بشرط احطه في طابعة زوجي لومشي الحال احطه عندي ولو خربت اقرو على روحي الفاتحة

:frown:

ومشكووووووووووووووووووووووووووووورة

هلا أختي تبااارك

جربيها على طابعتج وبكمية بسيطة حطي الحبر وشوفي النتيجة

وبلاش طابعة زوجج

صج الحاجة أم الإختراع

مشكورة على هالفكرة الجهنمية​

.........................

حياااج الله اختي العجوز الحلوة

خوش فكرة ام عبدالله بس تهقين ماتخرب الطابعة؟​

ولله الحمد طابعتي شغااالة ما فيها اي شكوى او شي

لان اللي فيها حبر اصلي جربوها

بسم الله عليك
فكره رهييييييييييييييييبه
بجربها ان شاء الله واذا خربت طابعتي
بتشترين لي وحد جديده
تحياتي

هلا أختي لولو . . .غالي والطلب رخيص

شوفوا تاريخ الموضوع ولغاااية الآن الحمدلله الطابعة والحبر روعةةةةةةة مافي أى مشاااكل . . .