السلام عليكن ورحمة الله وبركاته مثل ما وعدتكم بكتب لكم كل فترة وفترة قصة واقعية اما عايشت احداثها او سمعتها من ناس ثقة . . . هالحدث واقعي وحصل وياي شخصيا . . . نبدأ . . . في يوم طلعت انا وزوجي وعيالي للبحر في دولة ما خليجية موحدة مسلمة هالديرة . . . وقعدنا ع البحر في مقهى هادئ وراقي . . . فجاة وإلا الطاولة اللي يمنا قعد فيها شاب وشابة اعتقد من لبسهم للتيشرتات انهم يايين من حفل ما او شيء ما تيشرتات حق منظمات او شي مادري شنو بالضبط لكن كانوا لابسين نفس التي شيرت . . . المهم اعمارهم تقريبا في 17او 16 سنة . . . بين طاولتنا وطاولتهم متر واحد فقط انا كان ظهري لهم شفتهم لاني كنت اطالع بنتي كانت تلعب وراي . . . قعدنا الجو رائع وهادي . . . زوجي كان جدامي ويمه بنتي عمرها الله يسلمكم 6ونص كانت طالع شي شادها حيل ! وزوجي من نظراتهم بعد كانه شااافي شي مو اوكي اخترعت طالعت وراي بسرعة والا الشاب مايلة ع حضنه البنت ويلعب بشعرها !! زوجي حده تضااايق وطلب من الخدامة تاخذ العيااال بعيد عن هالمشهد وتروح تمشي فيهم شوي جدامنا يعني ما في خوف بإذن الله عليهم . . . استمر مشهد البنت والولد وتطور الى تبادل القبلات والاحضااان !!!!!!!!!!!!!!!!!! زوجي اهنيه وصلت حدها وياااه منظر خادش للحياء وقلة حياااء فعلااااااااا في دبي كانوا في سواح اثنين اجانب تبادلوا القبلات في مطار دبي اشتكت عليهم وحدة وحبسوه شرطة دبي ورفضوا تدخلات سفارتهم لغاية ما اخذوا عقوبتهم بالحبس وهذيلا عرب مسلمين وطايحيله تبوووس وجدام اطفال!! المهم الشابين كانوا ما يشوفون ردت فعلنا اللي صج لاعت جبدي منهم نادا زوجي الجرسون وطلب منه ينادي المدير . . . قبل ما يوصل المدير البنت قامت وراحت الحمام وصل مدير المقهى وكلمه زوجي وقاله مايجوز وحرام وعيب اللي يسوونه هالمراهقين يا يوقف عن افعاله يا قوم ويترك المقهى راح المدير وكلم الشاب طبعا ردت فعل الشاب انه التفت صوبنا ولما شاااف شرار الغضب من عيون ريلي رد بسرعة رقبته وشكله كان منصدم ! المهم قام الشاب وراح قعد بعيد لكن نشوفه ردت البيت تفاجأت انه غير مكانه والظاهر قالها اللي صار طبعا مشوا بسيارتهم وقلت لزوجي اهو ما حرك سيارته صوب مخرج السيارة واكيد بيمر صوبنا بيقط جم كلمه لان راكب سيارته المهم فعلا وقف سيارته جبالنا ورفع عالي اضاءة السيارة علينا زوجي كان ماسك صحن عووو د بيده يقول لو قايل شي كنت بصكه بالصحن !! لا وانا بيكون وياي الحق ان رحنا للشرطة ! الحمدلله ما صار من هالامور غير انه كبس العالي وشخط ومشى بسيارته . . . الان الموقف كله يدل على ان جيل هالوقت تقليد اعمى للغرب وياريت خذوا الشي اللي فيه فايدة ما خذوا غير التعري والتفصخ والسوالف البطالية لو الكويت اطبق اللي تسويه دبي كان بيكون مجتمعنا آمن نوعا ما . . . في دبي اي واحد يغازل ويصيدونه يتحرج بنات الناس سيددددددددده حلق ع الصفر وثاني يوم اسمه وصورته في الجريدة الرسمية . . . لكن للاسف الواسطات تلعب دووور بااايخ ولي حدث ثالث يوضح حجم تفشي الواسطة في هالامور . . .
هلا حبيبتي تولي . . . المشكلة لا راعوا ربهم ولا الناس اللي تشوفهم هل وصلنا الى زمن قيام الساعة اللي الملتزم فيه يقو للزاني لو اتخذت مكانا ساتر لك ومارست فيه الزناااا !!
انتم قدامهم ولاعبروكم ان لم تستحي فأفعل ما شئت ماعندهم حيا ياويلي مايخافون ملك الموت يقبض روحهم وهم بهالمنظر.. والله ياقلبي اللي مايخاف من ربه يسوي كل شي ماهمه الناس المفروض هالاماكن تكون الهيئه حولينها انا شفت منظر والله صدمني لمن اللحين موب مستوعبه وخفت من حركاتهم قلت هذول وين عايشين وكانوا صغار بنات وياهم ولد اكبر واحد ممكن 13سنه كلهم واضح يقربون لبعض لوعوا كبدي بحركاتهم الماصخه وكان الوقت متاخر حرام والله صغار الشرهه على اهلهم مايراقبونهم الله رزقهم بهالعيال المفروض يحافظون عليهم وينتبهون لهم ربي بيحاسبهم .. الله يستر عليهم ويهدي الجميع.. يعطيك العافيه قلبي..
تصرف زوجج عين العقل... تصرف عااقل و حكيم شوفى عاد زوج اختى يوم شاف واحد يغاازل وحده وهى تتضحك وتتمصخر قاام ينااديه بصوت عاالى ويقول له ياااهيه شسااالفه شهالسواالف..؟؟ مو محترم عمرك بالطقااق احترم العواائل الى قااعده تسنع او اطلع من المطعم وربج طلع وطااحت نعاااله من الفشله والعواايل بالمطعم ضحكوا عليه بعالى الصوت ضحك استهزاء والبنت ذاابت من الفشله الكل يقول ي الله لا تبلينا.... قعده شوى بمكاانهاا وراسها بالقااع وطلعت زين ما سوواا فيهم
هلا وتورة . . . مشكلة والله هالجيل يبيله مراقبة وتواصل دايم وياه ربي يصلحهم يارب. . . هلا بنفسج . . . ريل اختج اخذها من القاصر وتكلم وياه واحرجه . . . وانا خفت ع ريلي انه يكلمه لان هالاشكال يصدر منها اي شي واهو بدا انه كلم مدير المقهى وقال ان ما ارتدع لي تصرف ثاني وياااه والحمدلله ذلف وقام من نفسه جيل فاسد للاسف الا من رحم ربي غصب طيب يمرون بتجربة حب !
ايه والله ام عبود ما ينسكت عنهم شسالفه الى يسكت شيطان اخرس زوجى مره انا كنت معااه وما ادرى شسالفه بس همى الاكل وبس هههههههههههههههه وهو ياما طاالع وياما اعتفس اقوله شفيك والا بصوووته عالى فشلنى قااال هذولا ما راح يذلفوون لين اسوى شى محد يرضا عليه لا والمشكله اعرف اهلهم انا خقيت يوم شفت وراى الا مواعد نقاب و ارف وع وتصدقين انسحاااااااااااااااااااااااااب ع الصاامت وقلت له عاد تعرف اعلهم قال لا زين شفيك علهملمصخره قداامى ههههههههههههه كبير بو حمود ....... فشلنى بس عجبنى وه فديته عسى الله لا يبلانى ويستر ع اعياالنا من هالموااقف والاشكال يااارب قال ما احب ا
كبير يا ابو حمود الله يخليكم لبعض . . . اهي الريال يلاحظ واللي دمه حر وحااار ما يقدر يمسك نفسه عن هالمسخرة . . . المكان عام وحرام وعيب سواتهم
الله يخلي لج ابو عبدالله يالغاليه تقولين يمكن وصلنا للزمن الفاسد؟انا اقولج وصلنا وتعديناه لابشع منه بعد تصدقين ام عبدالله من مده صارت سالفه مع رفيج زوج اختي صراحه للحين احنا حزنانين عليه ربي يرده لاهله بالسلامه يقولج الله يحفظج كان يتمشى مع مرته بالسياره والا يمر يمهم واحد يمه وحده وكانوا شبه غايبين عن الوعي ويسوون حركات مثل ويهم الريال صاحبنا قال بنصحه قام اشر له علشان يصفط يمين ويكلمه ولما نزلوا من السياره قام صاحبنا ينصحه وفجاه الصبي يفر عينه فوق راس الريال يوهمه انه في شي فوق راسه وشي طبيعي يرفع صاحبنا راسه علشان يشوف هالصبي شنو يطالع ............. وهذا كان اخر شي يتذكره صاحبنا لانه الصبي سوه له حركه بجهاز كان بيده والجهاز هذا سبب لصاحبنا غيبوبه ولما صحى صار فيه شلل نصفي من 6 شهور مو قادر يتشافى منها بالله اي زمن احنا عايشين فيه؟ الله يحفظنا ويحمينا ويهدي عيالنا يااااااااااااااارب
هلا اختي المزاين . . . لا حول ولا قوة الا بالله الجهاز الظاهر صاعق كهربائي حسبي الله عليه اصلا هالجهاز ممنوع بالكويت لانه خطر والفولت اللي فيه القوة متنوعة في القوية والوسط وفي البسيطة لكن هذيلا مو مال نصيحة مال واحد يطنشهم لان شرهم اقوى من طيبهم اللي بداخلهم وربي يشافيه يارب ويقومه بالسلامة وان شاء الله لج اجر يارب
اي والله ام عبوود زيين سوااا زوجج ....... المزاييين ماقول الاحسبي الله عليهم استغفرالله الله يهديييهم يااارب............ الله بشفييييييييييييييه يااارب ..... بهالزمن تخاافيين لااانصصصحتي من هالبلاوي اعووذبالله
لا حول ولا قوة اللى بالله اللهم اسألك العفو والعافيه في الدنيا والاخره ياارب استر واحفظ شبابنا من الفتن واحفظهم ياارب
شسالفه ؟؟ لا تظلمون جيلنا أنا معاج اللي سووه غلط و عيب لكن سؤال ليش مافي مكفئات أو رعاية خاصه للي يكتشف شي مثلا أو مثلا عندج أنا تخيلي رسامه وفي ناس من جماعتنا أخذو لوحاتي يقولون ليش ماتفتحين معرض!!! ماكو أحد يهتم بالشباب في مواهب عجيبه بس للأسف عيالنا قاموا يروحون برا بالغرب لأن للحين محد يفهمهم كلا لأ لأ بدون حتى نقاش و بسألج الكويت فيها هندسه طيران أو فيها طيارين المهنة اللي يعشقها الشباب أو عندنا هندسه ليزر أو عندنا كلية للطب تكفي مستوفين الشروط و الحين طالعين لنا بسالفه ٢٠٠٠ طالب مو مقبول ومادري جم مرفوضين من البعثه تخيلي يقعدون ٦ شهور وقت فراغ شباب + وقت فراغ = ضياع
