حدي منقهره من اللي صارلي بالمعرض تعالو شوفو سالفتي :(

السلام عليكم ..

اشلووونكم بنات ان شاءالله بخير ..

والله اني مقهوره ومحتره حدي عاد قلت مالي غير بنات منتدانا الحبيب افضفض لهم ..

خل اقول لكم سالفتي بس قبل دشو هاللنك وشوفو الصور عدل موشرط تقرون الموضوع وردو اقرو السالفه اللي تقهر :frown:

http://www.kuwaiteya.com/vb/t98517.html

هاااا شفتوهم عدل ؟؟
السالفه الله يسلمكم .. انا كنت داشه بمعرض يوم الخميس لي الاحد وكنت عارضه الاطقم اللي شفتوهم بالمعرض ومثل مانتو عارفين انه الشوارفسكي لمعته حيل حلوه الاصلي طبعا يبرق برق وخصوصا بالاضاءه تعمي اللي يشوفه .. المهم .. يتني وحده بالمعرض الله يسامحها حرتني حيييييل شافت الاطقم وقامت تقلب فيهم فوق تحت يسار يمين ماخلت شي ماشافته جان تقولي انتي عندج محل ؟؟
قلت لها لا انا بس معارض واعرض شغلي بالمنتدى
قالت اي بس انا شايفه مثلهم بمحل بالسالميه يعرض اطقم شوارفسكي ايبهم من بره ..
قلت لها اي وانا بعد ايبهم من برا طلبيات من الصين هونج كونج
قالت لي بس اهوا سعره غير عن سعرج اهوا يبيع الواحد ب200دينار :mskket: انتي ليش اسعارج رخيصه اكيد مواصلي ولا تقليد
بنات انتو تعرفون الشوارفسكي الاصلي يبين والتقليد هم يبين ..
عاد قلت لها انا والمحل نيبهم من نفس المكان واذا مومصدقتني الحين اوريج الموقع اللي ايب منه الاطقم وكل واحد يربح على قده انا راضيه بالربح القليل واهوا كيفه
جان تقولي خلاص مشكوره ومشت واسمعها تقول حق اللي وياها ناخذ من المحل احسن عالاقل اسمه معروف انا اهنيه انصدمت ..
شنو هذي من صجها ؟؟ يعني اهيا الحين ماعندها مانع تقل 200دينار علشان بس تقول انا شريته من المحل الفلاني مادري اهيا تبي تلبس الطقم وتلصق الفاتوره على جبهتها مثلا وتفتر علشان الكل يدري ولا شنو ؟؟
في نااااس جذي ؟؟ اهم شي عندهم الاسم وماتفرق عندهم فرق السعر ؟؟

والله اني منقهره يابنات وحبيت اقول لكم سالفتي مو علشان شي بس والله من القهر اللي فيني الحين انا ابيع الواحد من 30 لي 45 يعني فرق 155 لي170دينار وعاااااادي عندها

والله قالولي رفيجاتي بنات الكويت يبون الغالي واذا شافو شي رخيص يشكون يعني لو ابيعهم على 100دينار وفوق بيشترون مني

اسفه طولت عليكم تحملوني بس الله العالم باللي احس فيه الحين






​

حبيبتي لا تحترين اهي الخسرانه وانا الصراحه اكره هالنوعيه من الحريم..

الله يكون بالعون والرزق على الله وبتلقين اللي يشتري منج بقناعه :smile:

ينـــــــــــــــقل للقســـــــــم المنـــــــــــاسب

يامعوده هذي مريضه نفسيه

دامها شافته حلو ولمعته حلوه حتى لو رخيص اشتريه بس اهيه مو واثقه من عمرها

على بالها كل شي غالي راح يكون حلو

بس عجبتني تلصق الفاتوره على يبهتها ههههههههههه الله عليج

لا تحطين ببالج
والمشكله اذا رخصنا بالاسعار يقولون واي رخيص أكيد بو طقه

واذا غالي قالوا حرام ليش كل هالغلا


لاحول ولاقو الا بالله

~ انا اشوف انهاااا ( كائن غريب ماعنده سالفه )
البضاعه حدها راقيه واهم شي انها راقيه والا اشتري بالشي الفلاني شي موحلو
لا تحرين نفسج مافي شي يستاهل ~

مشكورين حبايبي والله بردتو جبدي :‏)‏ اي والله اهيا الخسرانه عاد عبالي انا انكم بتقولون لي عادي شي طبيعي والماركه اهم من السعر بس اشوه طلعتو عاقلين وفاهمين ماشاالله عليكم

ماعليج منها اكثر بنات الكويت الله يصلحهم فيهم هالطبع بس علشان تقوول انا شريته بالسعر الفلاني علشان تتشيحط وانتي لاتحرين عمرج وهذي المعارض تشوفين الزين والشين والله يكوون بالعوون ويرزقج برزقه حبيبتي ..

حبيبتي لا اتحرين نفسج على ناس ما تستاهل لاو انا منج جان قتلها روحي اشتراي من المحل اللي ب 200

لاوانتي الصاجه المفروض اقولها ولايهمج عطيني200 دينار واخذيه :teeth_smile:

:sad_smile:هذيله اهم الحريم هاذي واحده تااااااافهه والمفروض ما تحتررررين والله يفتحلتش ابوب الرزق ...اميييييين

حبيبتي تبارك مشكوووووره وربي يوفقج ...

بس انا مو منقهره ومحتره لانها ماشرت مني لا بالعكس الرزق على الله ..

بس انا اللي قهرني انه ليش جذي تفكير الناااااس منصجهم ولا شنو ؟؟ والله شي غريب:emoticon_U:

بنكيش الله يوفقج يالغلااا

ويقولج الرازق بالسما والحاسد بالارض

ماعليج منها والله يبرزقج صدقييني ولاتنقهرين ولا شي

لا تحرين عمرج ولا شي اهيا الخسرانه كيفهااااااااااااااااااا

:wink_smile:

لاتزعلين نفسج ولا شي
في ناس نفوسها مريضه
يحبون العباله حق روحهم
الله المستعان
يوفقج الله حبيبتي

ماعليج منهااا هذي مو صاحيه ماعندهاا عقل
والله لو انا استانس القي محل بيع اطقم ب200 فوق وعندج ارخص بوااايد والله اطير من الفرح وانا شفت اطقمج يهبلوون مشالله عليج ذوقج حلو واااااااااايد:teeth_smile:
:teeth_smile:

واااااي فديتكم والله ردودكم تبرد الجبد والله :teeth_smile::teeth_smile::teeth_smile: