رئيسه قسمي بالدوام قليله ادب تعاملني مثل الخدامه تتمسخر و تتامر بالشغل علي اذا نسيت شغله بالشغل تنطر الزله تتمصخرت علي اليوم على شغله بالشغل قلته حقها انت ما قلتلي اتجنبها ما ادش مكتبها ما اسلم عليها متتررزه بكرسيها و تتمسخر فيها عقد و مشاكل مع ريلها تطلعها علي بس حبيت افظظف لكم اهي حست ما تواطني بطق قاق حش فيني الدوام اكرهم كلهم لما تتوظفون خلوكم رسمين مع الكل توني مكمله سنه لوعه قاعده تعلف بمكتبها وانا مو حاطه بحلجي شيء من الصبح طلعت حجي علي مليقه حاطه دوبها دوبي ونقالت حجي
علشان جذي ما احب الشغل قعده البيت وايد اريج خاصه اذا صارت المسئوله مره يمه منها الله لا يحكم المره على احد تعفس الدنيا
هلا و الله باختي قمرين الظاهر انج مدرسه و انا حالتي نفسج و ما قامت تحترم نفسها الا لما تحادتت معاها بالكلام مرات بس اهي بصراحه طلع بالها اطول للمشاكل بس اخذت طريقه ان تعاملي معاها اذا سوتلي شي على طول الاداره و هي تخاف من الاداره و كفت بس قدمت نقل و ما قبلوه و الحين قاعده بالبيت و بقدم استقالتي لان حياة المدرسات اغلبها جذي و انا ما احب لان احب اعيش صريحه و ما عندي لف و دوران بس الحريم ما ينفع معاهم جذيه و الله يعينج
معقوله تفكرون بالطريقه هذي؟ استقيل علشان مسؤولي مو زين....... في بدائل وايد لقرار الاستقاله اغير مكاني......اخذ اجازه ارتاح وارجع......اتحاشى المسؤال الدعله هذي وايد افكار يعني ......بس الاستقاله؟اخر شي افكر فيه بالنسبه لج اقترح انج تواجهينها وماتخلينها تغلبج... ربي يكون بعونج
والله امانة الله يعينج ومع الاسف اغلب ادارة السيدات بتكون بنفس طريقة مديرتك الله يهديهم يطلعون مشاكلهم على خلق الله حسبى الله ونعم الوكيل وربك يمهل ولا يهمل
ساعات تكون المسؤولة تعصب من ناحية شغل ولي معاها الموظفات .. انا اتضايق من الموظفات معاي مرات يدخلون يبطون الجبد.. مرات ماتنفع الاجازة صراحة مرده بتشوفينه.. الواحد يشتغل مرات عشان الفلوس عشان يعيش ولامذل زوج مرات .. انا احاتي بقي نص شهر وتخلص اموتي وبيضيق خلق اذا بدوام .. حتى لونقل موكل واحد يقبل لازم واسطات عشان تمشي شغل ومرات ماتدرين المكان لي بتروحينه زين ولالا..
لاكوست وربي كأنج تتكلمين عن قضيتي في الشغل والله ان المسؤولة الدعلة اللي عندنا نفسها اللي قاعدة تتكلمي عليها تتمصخر وتتحكم وتتأمر لا وتنغز بالكــلآم بعد،، كأن اللي معاها في الشغل لووح ماتفهم ولاتحس والله انه في البدايه زهقت وطفشت منها وزهقت لدرجه اني كرهت كل اللي حولي بعدين قلت لين متى بتم جي مصيرها بتمل وبتحس انها سخيفة وماعندها سالفة وفعلا قمت اطنشها واسوي اللي علي ومااخليها تمسك اي شي علي صدقيني هذولي مليانه قلوبهم غيرة وحسد بالذاااااااااات المسوؤلات الحرييييم موفقة ياقلبي وماوصيج قبل لاتشوفي رقعة ويهها اقري المعوذات عشان ربي يكفيج شرها >>>والله لو تفتحي لي المجال ماخلص لبكرة لاني صدق عانيت من هالشي خخخ
هلا أختي . . . سوي شغلج بالضبط ولا تهملينه ولا تسولفين فيها وعنها مع اللي حواليج . . . انتي ماصارلج سنة ماتدرين يمكن بينكم وحدة تنقل لها الحجي . . . وحريم يحبون يسمعون من حجي فيهم وعليهم . . . وطولي بالج وطنشي وخلي نفسج حلوة وياها لان ترى الابتسامة الحلوة الصادقة مفعولها مثل السحر ابتسمي لها لما تدخلين وقولي لها ام فلان واللي يعافيج يعني عامليها باحترام وكلام طيب ومع الوقت بتلاحظين انها بتستحي من فعايلها . . . لكن اهم شي ما تيأسين واصلي هالطريقة وبتلاقين كل خير . . . واول وتالي اهي مسؤولتج واقدم منج بالعمل واكبر منج واحنا تربينا نحترم كبيرنا ونرحم صغيرنا لا تخلين الشغل ساحة معارك وضيقة وهم وغم قعدي الصبح وقولي لنفسج هاليوم غير وبخليه غير ارسلي لنفسج رسالة ايجابية مو سلبية مثل اف دوام وراي المليقة والغثيثة ودوام يرفع الضغط . . . وطمنينا ع امورج حبيبتي . . .
الله المستعان ادعي بدعاء الرسول عليه الصلاة والسلام وجهه عند خروجه من المنزل <<<اللهم اني اعوذ بك ان اضل او اضل او ازل اوازل اواظلم اواظلم اواجهل او يجهل علي>>>>
لا يضيق خلقج خلج سيدا بشغلج ولا تخليها تمسك عليج غلطه وحاولي اذا كلمتج بموضوع غير شغل لهي نفسج بشي وعطيها طاف مره على مره راح تصد عنج والله يعينج
