يا بنات انا حملت شهر اربعة والله ماكتب لي واجهضت بالاسبوع الرابع كان هرمون الحمل يوم 20-5-2009 (55) وصار (10) في اقل من اربع وعشرين ساعة فقالت لي الدكتورة هذا اجهاض سوي تنظيفات جان تقولي يدتي مايحتاج اخذي حسو وهو ينظف رحمج المهم خذيت حسو 7 ايام وصج نظفت انا عندي الحين عدة اسئلة ياريت اللي عندها فكرة تفيدني : اول شي هل الحسو يغني عن التنظيفات؟ هل يعتبر اول يوم نزيف اهو اول يوم دورة ؟ ممكن يصير حمل هالشهر انا رديت بيتي يوم 30-5-2009 وتقريبا في جماع بشكل يومي اتمنى تفيدوني جد ماني عارفة شسوي:cry_smile:
الله يرزقج بالذريه االصالحه يارب اللي تقر عينج انتي وابوه شوفي انا اجهضت وعقب الاجهاض بسنه حملت ومرت اخوي اجهضت وياي واحملت بعد الاجهاض بشهرين يعني موشرط انا لاني سامعه ان موزين الحمل بعد الاجهاض على طول عشاان جذي حبيت اطول شوي وبخصوص التنضيفات انا كان لي شهرين حامل وقالو لي ماتحتاجين تنضيفاات وعلى الحسو والدوياات اكلتهم لين 15يوم لانه نفس النفاس والاجهاض عشرين يوم تتنفسين عشان ترجعين اوكي . واتمنى اني فدتج هذا اللي اعرفه عن الجهاض وعن تجربه
العفوووووووووووووووو ماسويت شي عزيزه وغاليه لاتخافين ولا شي ماعليج ان شاء الله اذا انزلت الدوره عليج مره ثانيه انطري خامس يوم وروحي لمستشفى خاص وياخذون عليج سونار داخلي ويبين كل شي ووضع المبايض واذا فيه دم متجمع ومن هالحجي
حبيبتي بس تنزل عليج الدورة اشربي دااارسين حار واشربي زنجبيل بالحليب وكمون وزعتر وقت الدورة وبس تخلص الدورة نقعي مرة تلاقينهااا عند العطااااار واستعمليهاااا بهذي الطريقه وهي تاخذين المرة بعد ما تنقعينهااا ماي وتكون اشوي ثقيله وتحطينهاا علي الفوطه النساائيه وتلبسينهاا بليل لمدة ثلاث ايااااام متتااااليه وان شاء الله بيرووووووح كل شي موجووود وللعلم هذي الطريقه هي مضاد حيوي لرحم وهي تنظيف وتعقيم الرحم واتمني افدتج
مشكووووووووووووووووووووووووووووووورة حياتي اتا استخدم منقوع المرة من زمان حق كل شي والله وهالايام قمت اتشطف فيها بس مادري ان هاذي فوايدها مشكورة وايد وماقصرتي
هلا حبيبتي انا بعد اجهضت 24\4 وسويت تنضيفات وكليت ادوية لمدة اسبوع بس لما رحت لوحدة تداوي اسمها ام عبدالله اذا سمعتي فيها قالت لي انتي فيج حليب وما راح اتحملين الا لما تاكلين حبوب هرمون الحليب مع اني كنت حامل بشهرين بس وعطتني ادوية وعسل وتحاميل وقالت يفضل مافي جماع إلا بعد الدورة الجاية
انا ماكملت شهر معقولة يكون عندي هرمون المشكلة الحين مادري متى موعد الدورة هشان اعرف اذا متأخرة ولا لأ ومشكووووووووووووووووووورة عالمشاركة
حبيبتي اذاا حابه تعرفين موعد الدورة احسبي اخر يوم من بعد نزول دم النفااااس عليج لي اليوم هل كمل شهر وفووووق ولااا لا وبجذي بتعرفين ومع احترااامي للاخت غلاوي الشوق حبيبتي الي فيهااا هرمون حليب ماتجمل ال اذاااا عاالجته
حبيبتي يا الممرضة استوعبي معاي اقولج لما اجهضت طلع هرمون الحليب موجود فيني ومعلومتج ان الي فيها هرمون الحليب ماتحمل قديمة وشكرا
حبيبتي انا صار معاي نفسج بس انا سويت التنظيفات واللحين انا حامل ولله الحمد بس الادويه ماتغني عن التنظيفات لازم تسوين سونار داخلي وتاكدين انه مافيج شي لانه قطعه تاثر وبس والله يرزق الجميع
السلام عليكم انا نفسك حملت بشهر اربعه واجهضت بشهر خمسه بالظبط يوم 23 ورحت للدكتورة سوتلي سونار وقالتلي الحمل طبيعي روحي وارجعي بعد اسبوعين يوم 24 رحت حق دكتورة تانية قالت لي مافيه حمل رحمك فاضي وسوتلي تحليل هرمون وطلع ناقص واجد يعني تم الاجهاض وقالتلي ما تحتاجين تنظيف لانه بس باول اربع اسابيع والرحم رح ينظف نفسه وبعدها خلص الدم بعد سبع ايام كانه دورة الدكتورة قالت لي ان هذا الاجهاض بيصير عند واجد حريم قبل ما يحللون فما يعرفون اصلا انهم حوامل ولما يجهضون يضنون اها الدورة لا تخافين حبيبتي وان شاء الله قلبي يقولي انك حامل هالحين
