قوه يابنات شلونكم شخباركم اشتقتلكم والله ولجمعتكم الحلوه ومبروك للي الله فرج عليهم وولدوا والحوامل الله يتمم عليهم ويسهل ولادتهم اول شي ببدأ فيه طبعا مثل مادوختكم بأسألتي قبل لااولد لاني دشيت العاشر وتعبت حدي فالكل عنده خلفيه عن وضعي هههههههه بالبدايه كنت مخططه اولد بالعرف عند الدكتوره البلغاريه تسفتانا وسألت عنها بالنت والكل مدحها وانا راجعت عندها وكانت ممتازه وبالثامن تقول كل شي ممتاز عنق الرحم قابل انه ينفتح اكثر لانه موسميك والبيبي تحت وزنه زين وقالتي راح تولدين 6-11 وموعد السونار وحسبة الدوره يقولون 16-11 وعشمتني انه اموري اوكي وصراحه مافكرت اولد بخاص رغم الظروف الا بعد معاناتي مع الحكومه ببجري الحمدلله دشيت التاسع والتعب كل ماله يزيد وكنت اقول طبيعي من الثقل ورحت دكتور بالراشد بالجهرا جذي عبط بسوي سونار اشتقت للبيبي بشوفه وانا مافيني شي قالي حبيبتي انتي 10-11 آخر موعد ولاده:75_75: صدمني وخرعني قلت ماعليه استمر عند دكتورتي طوفت التاسع على كل الحسبات الي عطوني اياها ومرضت فعلا نفسيتي تحت الصفر وذبحتني سوائل تنزل معاي معاها دم خفيف وساكته خايفه من العمليه وانا على اقل حسبه مطوفه اسبوع قالتلي الوالده يبه خلاص مانقدر نغامر بنروح للعرف والي تقوله الدكتوره بنتوكل على الله ونسويه واذا تذكرون مره بموضوعي قلتلكم الدكتوره حسيت كلامها متناقض وبتدخلني باي وسيله وفعلا دخلنا والا النفسيه غير وفجأه الرحم صار سميك وقبل كانت تقول ممتاز ومتهيأ للولاده والرحم مفتوح 1سم وقبل 2ونص سم تقول والطفل مرتفع ولازم عمليه حتى لو احطلج تحميله رحمج ماراح يستجيب ونتعب الطفل على غير فايده قلت اتوكل على الله وادخل باجر الصبح طلعنا طبعا صاكه فيني الدنيا وخايفه وقلبي يطق صار ببالي الموت اعوذبالله قلت لامي شرايج نشوف الراشد يم العرف موخسرانه شي كلها عشر دنانير اطمن واتأكد من كلامها لاني حسيت منها انها بس بتصيدني (الظاهر ميزانية المستشفى ضعيفه شوي) دشينا الراشدفيه دكتوره بلغاريه كبيره اسمها تاتانيا قاست الضغط قالتلي مرتفع وخطر وهذيج توني جايه منها ماقلتي وفحصتني عنق الرحم ممتاز ولين ومااعتاز حتى تحميله والطفل نازل ووضعه اوكي بس الخطر لاني مطوفه والضغط مرتفع وعطتني تحويل للراشد الي بالسالميه وقالتلي روحي صايمه للدكتوره يوليانا ممتازه وهي تقرر رحت البيت نمت والبيبي قام يتحرك بشكل موطبيعي بدون ألم ولاطلق ماطولها عليكم رحنا الراشد دشيت عالدكتوره وفحصت صدمتني 3سم ودخول سيده ماتطولين احط طلق صناعي بالوريد وفعلا دخلت الساعه 12 الظهر الولاده واناحدي خايفه ومن دخلت جاني عوار وقلت يمكن يتهيألي ولامن الخوف ولافعلا بالتخطيط فيه طلق قبل لاتحط الصناعي ويفتح اربع سم وحطت الصناعي وماشالله الساعه 2الظهر ولدت بس عند طلعت الراس وعلى 9سم اغمى علي من اتعب وتعبوا يصحوني وماصحيت واخطرت وسحبوه بالشفاط والحمدلله على كل حال بس لشهاده لله المستشفى روعه السساتر روعه وبمعنى الكلمه ملائكة رحمه ويصورون البيبي مجاني وبوكيه ورد ويمرون عليج والطفل عندهم ماتدرين عنه وآسفه طولت عليكم واتمنى تستفيدون و اي سؤال انا زاهبه (لاتنسون التقييم
الحمد لله علي السلامه ومبروك ما جبتي انا والله محتاره مادري واين اولد قبل بسلام وعند احمد الشاذلي والحين طلع من المستشفي كم كلفتج اللولاده وشنو جبتي
هلا فيكم ياعمري الله يبارك فيكم والله طلعت من المستشفى ب530 دينار وكنت غرفه خاصه وزاد السعر عشان الطلق الصناعي والشفط والادويه يعني بدون هالاشياء 400 دينار تقريبا وصراحه اسعارهم روعه بالنسبه لخدمتهم والله رزقني بولد اخو لجروح ولله الحمد والمنه
الله يسلمج لااااااااااااااااااا تكفين ما افكر بعد خمس سنين تعبت بس ؟حملتين ورى بعض انهارت اعصابي كل شي فيني خرب :52_52:
الحمدالله على السلامة ياقلبي والله يخليلج ولدج يارب والله لا يحرمنا الاجر يالغالية والله ان الولادة تعب الله ياجرنا يارب
الله يسلمج يالغاليه الله لايشغلج بال على غالي ويبارك فيج كان ودي من ولدت ادش المنتدى اطمنكم واكتب القصه بس اكيد انتم عارفين التعب
