السلام عليكم . اشلونكم خواتي ؟؟ حبيت استفسر عن شغله . انا بنتي توها داشه الخامس من اسبوع و صارلها فتره لمن تشوفنا ناكل بس اطالعنا و تحرك حلجها جنها تاكل ما ادري يعني قامت تعرف الاكل و تشتهي ؟ و لا تو الناس ؟ لان هذي اول بيبي وماااااااااني عارفه ردوا علي بليييييييييييييز
المفروض تعطينها اكل من الشهر الرابع من باجر روحي الجمعيه واشتريلها ميلوبا الارز وميلوبا الفواكه تلقينهم صوب حليب الاطفال وكتوب عليهم من الشهر الرابع (4+) اول يوم سويلها قفشه وحده من الارز وعطيها وثاني يوم قفشتين والثالث 3قفشات لين يصير لها اسبوع وتكون ماكله الصحن كامل وثبتي لها وقت الوجبه هذي يعني مثلا خليها تكون غدا الساعه 12 يوميا تعطينها الاكل بنفس هالوقت وبعد اسبوعين عطيها وجبتين باليوم مثلا الساعه11 ارز والساعه4 فواكه وعسى الله يخلي لج بنت ويحفظها وهم بعد سويلها بالبيت قصصي خضار (جزر بطاط قرع كوسا) مو شرط كلهم على الاقل اختاري نوعين وسويهم مع عيش وبعدين خليهم يبردون وخلطيهم بالخلاط وعطيها واذا كملت 6شهور اختاري لها انواع ثانيه اللي مكتوب عليها من 6شهور
الله يخليهااا لج وتفرحين فيهااا عروووووووووس .. اكيد انتي مذوقتهااا شي والا احد ملحسهااا شي لان هذا شي طبيعي عطيهاا سيريلااك .. سوي لهااا جزر وبطاط وشوي عيش وفوحيه لهاا ولما ينضج حطيه بالخلاااط او امرسيه بأديج .. بس هالحجي بعد شهر لما يصير عمرهاا ست شهوووور ..
يعطيكم العافيا و اي انا دايم الحسها شغلات بسيطه و الظاهر تعودت على التلحس و مشكورين الحين بسجل كل شي قلتوه لي
سلم قلبها عطيها ولا بجيج الحين اعطيها لازم تذوقينها انا ولدي حتى البرد عطيتة وشوفي اياني واياج شغل العجز معلب سوي ببيتج وعطي بنيتج جزر مسلوق ولاتخلطين كافي نوع واحد ومرة تفاح اشري لين ينزل ماي وعطيها وموز وبيض وعسل مو لحين بعد سنة عنب قطعية صغار وعيش مع بطاط اهرسي ولاتعودينها ملح او سكر خلي اكلها طبيعي احسن عطيها خيارة لاتصينها خل تحك اسنانها فية وبسكوت للاطفال والسيريلاك اجتنبي سمعت عنة مضر كوسا مع العيش ويوم بطاط ويوم جزر ويمتون بالقرع لانة سكر مع العيش نوعيلها والله الي اكلة نفسة اوكل ولدي مايضرها
انا اعطي بنتي من 3 تلحس ورابه تاكل والحين اي شي اعطية تذوق معاي عصير بريييد عودية عادي حتى كاتشب تأكل اسمل علية اي شي تذوقة كاكاو بعد عادي طفل يحب ياكل
انا اعطي بنتي من 3 تلحس ورابعة تاكل والحين اي شي اعطية تذوق معاي عصير بريييد عودية عادي حتى كاتشب تأكل اسمل علية اي شي تذوقة كاكاو بعد عادي طفل يحب ياكل
ياحيااااتي تخيلت شكلهاااااا الله يخليها لج عطيه جزر مهروس وكوسا ونصييييييييييييييحه لاتعطينه الشغلات الجاهز بالجمعيه مثل العيش بالحليب ومادري شنو سببت لولدي اسهااااااااااال وجفاف اهم شي عطيها طازج مومعلب والله يخليها لج
