مرحبا خواتي والله انا احب استشيركم باي شي لاني والله احس نصايحكم من القلب للقلب حبيباتي والله انه الحريم حيرني بالمره داخل الاماكن الحساسه عقب الوره والانفاس ناس تقول زينه وناس تقول شينه وناس تقول حلوه بدايه واخرته تلعب بالجسم لعب بالله اللي عندها خبره بها الموضوع لاتبخل علينا برايها وانشاء الله ماننساها بدعاء
من تزوجت وكل يوم اغسل بمره وماي وملح طبعا احط الماي بالبطل وانقع فيه مره وملح خشن او فارسي ومرات احط معاهم شوية ديتول يعقم وينظف ويضيج وهم مرات رابع يوم الدوره احط مره من داخل نفس التحميله بس عاد ابردها بالمبرد عشان لاتقززني وتنظفني عدل مدل تنزل كل الوصخ وعندج بعد تحاميل البيتادين حلوين وسواء دوره او نفاس لازم تاخذين ادوية نفاس ومن هالسوالف
هلا حياتي المره معرووووووووووووفه مثل المضاد الحيوي وحنا الحريم اذا صارت فينا التهابات يوصف لنا الطبيب مضاد حيووي 000 والله مره وحده اللي جربتهاا وسويتهاا تحميله ماشاء الله تجنن وقلت خلاص وراا كل دوره اسويهااا لانه معروف المره حتى الشد تشد المنطقه000 وحاطتلي الغرشه اللي فيها مثل البخاخ مثل ماقالت اهات بالحمام وانتي بكرامه مثل الغسول مره وملح فارسي ومنقعتهم بماي متى مارحت رشيت من تحت ماشاء الله والله تعقيم وتضيق 000
أنا أستخدمت المرة مره وحده وجابت لى قرحه وتبت بعدها والحرمه ألي قالت لي عليه كانت تستخدمه بأستمرار والله العظيم أنها تتعالج من المرض الشين فى الرحم الله يشافيها ويحفظنا فماأنصحك فيه أبد
نصيحتي انا توني مخلص من النفاس صارلي 20 يوم او 19 يوم مادري لووول اول ماتولدين خلي الماما تجيب لج مره بطل ماي اشربيها من تولدين عشان الشم وعطور الحريم عرفتي طبعا قبل هذا كله رشي جنطة المستشفى وهدومج وخاصتا الداخليه بعطر قوي انا رشيتهم بشيخ بس ديري بالج ملابس البيبي مو زين عرفتي ,, طبعا بالمستشفى يعطونج رش حق الخياط وكريم فيدوسين مضاد تحطينه كل ماتروحين تغيرين بس لاتحطين شي بالمستشفى لحد يقص عليح نصيحتي وهاذي نصيحة امي احنا 9 اشخاص ماشالله وامي كل ولايدها تسوي جذيه اوكي ,, بعدين تطلعين من المستشفى انشالله ابدي حطي على الكوتكسه خوا جوا الي اهيا (( مره + خوا جوا + زيت زيتون طبيعي ) مخلوطه عمتي الله يطول بعمرها اتسويها لنا كل ما احد ولد بالعائله عرفتي تكون مثل الدهن بغرشه لما ادخل الحمام اغسل واهم شي اهم شي التنشيف من تحت اهم شي ديري بالج لانه اذا مانشفتي تلتهب الخياطه الله لا يقوله اسمله عليج ,, المهم لما تنشفين عدل عدل رشي رش مال الجرح بعدين كريم مضاد فيدوسين بعدين صبي على الكوتكسه الخوا الجوا الي معاها المره والزيت الزيتون عشان مايقززج الخياط وعشان ماتلتهب اختي العوده ماسمعت الكلام وماحطت على الكوتكسه والتهبت خياطتها فانا انصحج عرفتي ,, والمضاد مرتين على الجرح غير الحبوب الي يعطونج اياها والرش مرتين على الجرح والخوا جوا هاذي الخلطه كل مابدلتي الكوتكسه صبي عليها عرفتي ومره باليوم حطي كريم ميبو يساعد على التئام الجروح ,,, واللهوم لاتنسينه ديري بالج اهوا الي ينشف بعدين لما تشيكين على الخياط راح يعطونج تحاميل تنظف انا عطوني اياها من 25 يوم من ولادتي على حسب كل وحده لاتحطين تحاميل من غير علم الدكتوره مالتج ديري بالج لاتسمعين كلام احد انتي مثل اختي وانصحج في الله وترى مايرد اللحم الا اللحم لا يقصون عليج قبوط ومرقوق وهالسوالف بس يمتن على الفاضي ويطلع طبقات بالجسم مايرد اللحم الا الللحم وشوربه كثري الفلفل عليها يمشي البطن بعدين اخذي ملينات للبطن عشان خياطج عرفتي وبعد مايطيح الخياط غسلي بغسول الدكتوره مالتج اهيا الي توصفه لج لا تاخذين اي غسول وحده عن وحده تختلف واخر 20 يوم من النفاس غسلي بجفت وملح لاتغسلين ببدايه الخياط لا تلتهب ديري بالج اخر 20 يوم والجفت اهوا قشر الرمان عرفتي والله يسهل عليج ادعولي الله يخلي زوجي وولدي ويحفظ بيتي من كل مكروه
انا بعلمج المره زينه حق المرة بس الشي اذا زاد عن حده ينقلب ضده تستخدم المره ايام الدوره والنفاس وحزات اذا كان فيج التهاب بس مو علي طول لان فيها نسبت مضاد ومثل ما تعرفين اذا اخذتي مضاد بشكل مستمر يضرج حتي لو عن طريق الدكتور والاخت اللي تقول جاها التهاب اكيد مو المره الاصليه ولا ما نضفتها قبل لازم تغسل بمويه حاره علي شان تروح الشوائب منها وانا بكل انفاساتي احطها مع شويت ملح الملح ما ينتكثر يجيب التهاب واي سوال انا حاضرة ظ<<<<<<<<<<<<<<<<<<<<اختج ام نصيب ههههههههههه
