السلام عليكم ورحمة الله .. بنات انا وايد احاتي موضوع الحمال لشغلة وحده وهي الكرشه المجعده (( العيوزه )) فحبيت استفسر واشوف رد الاغلبيه اللي خاضو تجربة الحمل والولاده .. كلكم عندكم هالعيوزه ..؟؟ ومالها حل خلاص البطن يتجعد طول العمر ..؟؟ انا ريلي امهددني جسمي مايتغير ان حملت .. وطبعه ينقد وتلوع جبده من الكرشه والبطن فمابالكم كرشه وتجاعيد ..؟؟؟؟ عندي ارفيجة ايرانيه ماشاء الله عليها عندها 4 عيال .. وبطهنا مشدوده مافيه ولا خط ..!! قتلها اشلون بطنج جذي ..!! قالتلي من اول الحمال لازم ماتحكين بطنج نهائياً .. واذا يتج الحكه تاخذين زيت زيتون وتدهنين بطنج ..!! بنات صج بطنها ماشاء الله صج ناط بس مافيه ولا خط واحد مشدود ..!! هل فعلا سبب التجعد اهو الحكه ..؟؟ اهي تقول لو حكيتي مره وحده خلاص يتجعد وتقول امهاتنا قبل كله يعلمون ويوصحونا مانحك البطن كلش .. وريلها يطقها على ايدها اذا شافها بتحك ..!! يعني صج الحكه تسوي كل هاذا ..؟؟ ابي خبرتكم عفيه
وربي ماعندي فكره بس خوفتنيني من الحين >>> بس لازم يتغير الجسم بعدين اذا تبين الحماله والعيال اكيد راااااااح تمتنين من الاكل والتغذيه والنفااااااااس واذا طلعتي من الاربعيين اضعفي
حبيبتي الامومه احلى احساس بالدنيا وشكثر طرق تحافظين عى نفسج لا وطلعين احلى مع الحمال وبعد الولاده !بس اول شي جم صارلج متزوجه ؟واذا نويتي تحملين قبل الحمال ابدي اكلي فوليك اسد لين تحملين واول شهور الحمل بعد ولاطوفين ولا مراجعه وديري بالج من نقص الدم ودايم شيكي على روحج والبطن اذا اساسا انتي مومتينه ولامتروسه ماراح يكبر الابعد الرابع وابدي حطي كريمات من الصيدليه وبعد يمدحون **دة الككاو والشيا بس بصراحه ماجربتهم وريحي روحج عالآخر دلعي عمرج بالعربي عشان تحبين فترة حملج وان شالله بعد تيسير رب العالمين والولاده النفاس العدل مااوصيج والخياط اهم شي وحافظي على روحج وادعيلي واتمنى اكون افدتج
حبيبتي اذا كل وحده بتفكر بالكرش المجعد صدقيني جان ماشفتي ولا وحده تحمل :/ وريلج صرحتا امره غريب والله شلون مايبي جسمج يتغير وفي بيبي ومشيمه وماي كلهم زياده داخلج واذا يات على لخطوط مالت تمدد البطن هذي مليون حل لها ولا تحرمين نفسج من احلى شي بالدنيا ناس تتمنى البيبي ويكونون محرومين يختي والله يسهل عليج
لالالالالالالالالالالالالاتعليق نفس كلااام البنات اللي بقووووله اجمل واحلى وارق احساااس احساس الامومه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مشكورين بنات ام جروح فديتج وايد افدتيني ..صارلي 4 شهور متزوجه وناوين عالحمال الحين مو قاعدين نستخدم مانع .. اي وايد ناس انصحوني بالوفليك اسد بس مادري حق شنو بالظبط ؟؟ بنات مو قصدي ان زوجي مايبيني امتن وانا حامل قصدي زيادة الوزن والترهلات بعد الحمال والنفاس ميس زيزو شنو الحلول مثل شنو طمنوني عشان اتشجع حق هالموضوع
صح كلامها انا الحمدلله ماكنت احك واذا يتني الحكة بس من ورا هدومي احك براحت ايدي يعني مو اظافري لا براحة الايد ...وبالليل دهني بطنج ووالخواصر ونزلي لي الفخوذ بزيت بيبي اويل او ز بدة الكاكاو مالت بودي شوب ...وان شالله ماتطلعلج العيوزة ههههه
انا دكتوري نصحني من يحكني بطني يعني بدا يتمدد ويصير فيه خطوط قالي حطي الفازلين القديم الي لونه ازرق مومال البيبي ولا الي فيه عطر لا القديم وكل مايحكني احط واذا هسترت ابي احك ريلي يحط راحت ايده وينعم على بطني وتروح الحكه وبعد الاربعين عليج بالنادي والاكل الصحي وشوفي شلون تردين احلى من قبل :wink_smile: والله يه***م ويسعدكم ويرزكم بالذرية الصالحة يارب
وي عاد انا اذا مافيني حكه احك هالمره اتيني الحكه واقضب روحي لوول عذاااب .. مشكورين بنات فدتوني حيل ارنوبه ومس زيزو مكشورين حيل والله يحفظلكم عيالكم ان شاء الله ويرزقكم طاعتهم وبرهم ياااااااااااااارب
بصراحه انا جسمي قبل كان ملكــــــان بس يبت ياهلين واخترب وموراضي يترقع وحاولت ماكو فايده وخطوط الحمل حدث ولا حرج وماكو شي الا وجربته لهم بس بجون فايده بس اللي يبي الدح مايقول اح يبت احلى اثنين الحمدلله والحين بديت اعابل بجسمي عل وعسى يرد
