السلام عليكم بنات؟ تكفون ردو علي مو تقرون وتطلعون بليييييييييييز انا حامل وبعد 10 ايام ادخل التاسع بس صارلي اسبوع يجيني عوار بصوب معدتي ونفس المكان هم بعد عوار بظهري والله عوار مو طبيعي اروح للطبيب يعطيني حبوب مسكن وابره بس اللي يقول هذي من الكلى واللي يقول التهاب بالبول واللي يقول من المعده بس والله تعبت كل ما راح مفعول الابره رد العوار واخذ الحبوب والمشكله اليوم يقوولون لي بنات ان الابره مو زينه تخليج تولدين بعمليه وانا كل يوم اخذ ابره مسكن للعوار بس صج انا خايفه حيل من الولاده لاني بعد اول حمل لي وعمري 20 وابي شنووووو اللي يوخر الحارج ذبحني وتكفون ادعوووولي الله يسهل علي الولاده..........
عليج بالخيار يبرد االمعده واتوقع اللي فيج قولون من التوتر والخوف من الولاده انا وياي ومتعبني الله يشفينا ويسهل ولادج يارب:mskket:
والله يالغاليه الي فيج اتوقع توتر بس للعلم تراا والولاده تعدي وتنسينهااا والله ولدت بالحكومي وماشاء الله روووعه ولله الحمد صج شوي حسيت بس بعون الله والمخدر مشت والحمدالله وللعلم انااا ولدتي ببنتي كان عمري موو مكمل العشرين وماله شغل والله يقومج بالسلامه يارب
ام فزاع انتي مثلي تقربيا 10 ايام وادش تاسع وموعد ولادتي 2/11 بس محد يدري الوحدة متى تولد ، وانا مثلج احاتي وخايفة والله يسهل علينا وعليج ويرزق كل محرومة..... ممرضة اي احسن مستشفى؟؟ وشرايج في الفراونية وانا تبع الفروانية ..
حبيبتي الحليب الازرق (كى دي دي) روعه للحارج ولا تكثرين من الابر راح يبرد الطلق عندج ولا تخافين من الولاده صدقيني احساس غير طبيعي والله يسهل عليج وعلينا يارب:wink_smile:
حبوبه الله يسهل عليج ولاتحاتين ترا كلها جم ساعه وكل شيء يخلص واذا شفتي البيبي بتنسين كل شيء واللحين متوفر التخدير ماراح تحسين بشيء أهم شيء أقري كل يوم سورة مريم وسمعيها قبل لاتنامين والله يسهل عليج
مساء الخير حبيبتي الله يسعل عليج انشالله انا نفسج توني داشه التاسع تقريبا واخر موعد حق ولادتي 8/11 وخايففه نفسج بس الكل قالي انها سهالات الحمدالله الخوف بدا يخف عندي شوي وانشالله بولد بالهادي ونصيحتي لج لاتولدين بالفراونيه تتعذبين واذا ماتقدرين عاخاص روحي الصباح وايد اهون من الفروانيه وبالنسبه حق الحارج في دوا شراب علبة زرقه اسمه ( أسيلون ) وايد زين وحده بوحده كاتبه لي دكتور اشرف بالهادي والله يسهل علينا يارب
الله يسهل عليج حبوبه هم أنا موعد ولادتي 5/11 والعلم عند الله بس إن شالله يسهله ربي وأهم شي النفسيه لازم تحافظين على هدوئج ولاتحاتين الولاده لأن كثر ماتحاتين وقت الولاده راح تشد أعصابج خليها تحت رحمة ربج ومافيه أرحم من رب العالمين بس كثري من الدعاء ولا تفكرين إتكلي على الواحد الأحد والله يجعلها ولاده سهله
اللة يسهل عليكم ياحوامل وان شاء نسمع عن سلامتكم اماااااااانة ابي دعاء خااااص في وقت الطلق من اخت الى اختها وانا بعد ادعيلكم بالسلامة
نصيحه اخذيهااا منى الفروانيه اي شي حطي فلوسج بشمس وقعدي بلضلال روحي دار الشفا ولا اي مشتشفي خااااااااااص عنايه ممتازه
والله انا يا اختي من دخلت الثامن وانا احس بعوارات جذي وحدددددي خايفه من الولادة واخر موعد لي 11/11 عسى الله يسهل علينا كلنا
