السلام عليكم اخواتي اكتب لكم هذه المقال وانا في حيرة لي اربع ايام مانمت مادري وش اسوي مافي احد استشيرة اللى انتم قبل اسبوع تقدم لي شخص ماهو من عائلتنا صديق ابوي خطبني وقال ابي الرد بعد اسبوع يعني الاسبوع الجاي لازم اعطي ابوي اجابة الرجال يقول ابوي انه اخلاق وطيب لكن عمره قريب السبعين وانا عمري عشرين سنة ماحد خطبني قبل ابوي يحاول يقنعني انا الشباب الحين مافيهم خير وهذا يبي يعطيني بيت باسمي وحالته المادية ممتازة جدا وامي وواحد من اخواني يقولي ارفضي وش تبين فيه هذا كبر جدك مادري وش اسوي اوافق ولى لا عطوني رائكم والله اني راسي يبي ينفجر انا عضو بالمنتدى من 3 سنوات بس غيرت اسمي لان في بنات كثير يعرفون لقبي وغيرت اسمي مابي احد يعرفني الله يرحم والديكم جوبوني بامانة ابوي كل يوم يقول اكلم الرجال اخليه يجي عشان نملك اذا في احد تزوجت واحد بعمره تساعدني .
السلام عليكم و الله ياخيتي طبعا ترفضين ، لأن فارق العمر شاسع جدا شلون بتعيشين هذا الريال زاهق من الدنيا يبي من يسلليه و داريه ، و انتي في مقتبل العمر تبين تروحين وتطلعين عيل شوفي قصتي في واحد خابني عمره 37 سنة و انا عمري 26 و عشرين سنه و احس ان في فرق بينه بالعقل و ثاني شي شنو قاعد يسوي و اهو بروحه مومتزوج وخايفة منه ؟؟؟؟؟!!!!!!!!
شي أكيد الرفض والرفض القاطع اللي مافيه تفكير حبيبتي هذا زواج وحياة مو لعب ترا مال الدنيا كله مايسوى جدام راحة البالج وسعادتج ارفضي وبشكل قاطع ترا هذا اسمه دفن للحياة مو زواج وشكرا
هلا اختي نصيحه لا تقطين نفسج هالقطه هذا الله يعطيه حسن الخاتمه كبيييير وانتي توج في بداية العمر (( شنو الفلوس اللي تخليج ترتبطين بواحد كبر جدج )) الوحده بعمرج تبي زوج بعمرها يدلعها ويوديها ويجيبها ..... بكره باذن الله يجيج الزوج الصالح بعمرج او حتى اكبر بشوي مو 70 بس الصبر " الصبر مفتاح الفرج "
50 سنه الفرق بينكم مو شوي فرق شاسع وكبير انا ما اقدر اقولج ارفضي او وافقي لاني موعارف ظروفج بس اللي ابي اقوله الله يوفقج يارب
والله تبين نصيحتي ارفضي شنو كبر يدج شلون تتفاهمين معاه توج صغيره والحياة جدامج اذا ما تزوجتي اليوم بتتزوجين باجر رفضي من غير تفكير شنو يعني بيكتب بسمج بيت يعني بس عشان هالسبب توافقين على شايب اكبر من ابوج مستحيل تزوجي شباب بعمرج احسن يفهمج اكثر وراح يطلع لكم بيت لا تستعجلين اهم شي راحت البال والتفاهم
هلا اختي . . . بالنسبة لموقف الوالد بصراحة لا تعليق !! 70 سنة ويمكن ما يموت الا ب 90 ذيج الساعة انتي زوجة والا ممرضة ؟
حًرآااام ضًّيعينًّ نفسِجًّ مع شًآاايِبً!! شوفي يالغااليه الله واعلم شنو ضًرؤؤووفٍجًّ ! صًليًّ استخاارهَّ حًبيبتٍيًّ واللي فيه خير ربٍجًّ بِيجدمَه .. موفِقٌه خِي ــر ان شاءًالله , واناا اشوف انج بعدجًّ عنووونًه ,
لو انا منج ما اوافق احس راح أظلم نفسي .. ماعليج من كلام ابوج انتي اللي بتعيشين معاه مو اهو وانتي توج صغيره والعمر جدامج وتبين عيال هذا ماعتقد بقى فيه عيال وحتى لو يبتي اعيال منه كلها جم سنه وانتي اللي بتربينهم بروحج والاعمار بيد الله سبحانه صلي استخاره .. بس رايي من راي البنات حرام تظلمين نفسج معاه الوحده تتزوج تستانس وترتاح مو تجابل شايب هذا شبعان ماراح يعطيج كل شي انتي تبينه بيقعد يحن عليج وبس .. وانتي اعلم بظروفج وظروفه واخوانج صاجين يبون مصلحتج ترى الله يعوضج خير ويرزقج اللي احسن منه ان شاءالله ..
ارفـــضـــي شو تبين فواحد كبر يدج اكبر منج بخمسييين سنه خلي بيزاته و املاكه بصوب و انتي فكري بمنطق واحد اكبر عنج بخمسين سنه افكاركم مب مشتركه و في فرق كبير من بينج و بينه انتي بعدج حلوه و صغيره و الف من يتمنااج و هو عمره سبعين يعني المفروض هو يكون يد نصيحه مني لتوافقين ان شاء الله بييج ولد الحلال اللي بعمرج اللي يفهمج و تفهمينه و ان شااء بتعيشون حياه و لا ارووع
