السلام عليكم ورحمة الله وبركاته بناااات بقولكم مشكلتي علطول خطيبي يحبني حييييل وزين معاي حييييييل واول ايام الخطوبة اروع مايكون لكن حسيت الحين بدا يتغير علي واكتشفت سلبياته صارلنا 5 شهور واحنا مالجين توه هالشهر بدا يتغير علي اول ازعل على شي تافه يراضيني مستحيل يزعلني الحين مادري شفيه صاير مايراضيني لما ازعل واحسه صار جاف معاي وصار يجعمني ماراح اتكلم وايد بس معاملتة لي تغيرت راح تقولون يمكن عنده ضغوط ؟؟؟؟؟ اهوه متهاوش مع اهله وصارله جم يوم مومكلمهم واهوه يدرس برا وهم صقط بماده تهقون متغير من الضغوطات اللي عليه ؟؟؟ وشنو الحل معاه ؟؟؟ بليييييييييييز فيدوني احس مختنقه
هلا حبيبتي ريلج مبين من الي قلتيه انه من الضغوطات الي عليه اهي الي خلته يتغير عليج ,, بس صدقيني انتي حاولي تهدينه وتطولين باله لانه مالقى يمكن غيرج الي تراا تتحمله معرووف الريال اذا حاشته ضغوطات من براا او من اهله ماراح يحط الحره الا بزوجته لانه عارف اهي الي بتتحمل كلامه ,, فانتي باول الطريج حاولي تفهمينه اكثر وتعلقينه فيج وتحببينه باهله وانه السقوط مو اخر العالم ,,, الله يكون بعونج ويسهلها عليج ويوفقج بحياتج ,, تقبلي مروري
وعليكم السلام دام هو يحبك تحمليه شوي وراعي ضرووفه ايام وتعدي ان شاء الله الله يوووفقكم ويهنيكم ويسعدكم
خلييييييييييييج معااه تحمليه مداامج تدرين ان عنده ضغووطاات اهوو يحبج ويبيييييييييييج انشالله خيييييييييييير والله يوفقكم ياارب
والله من انا من رايهم بعد ... وبعدين بروحج قلتي ان كان وايد زين معاج فاكيد التغير اللي صارله بسبب ظروفه ، ودام اهو كان زين معاج ويراضيج دوم وشاري رضاج ، تحميليه هالفترة واوقفي يمه مثل ما كان يوقف يمج ومدللج وبحيل الله سحابة صيف و تزول ومن تتصلح اموره راح يرجع مثل اول واحسن ان شاء الله وبيكون ذاكرلج وقفتج معاه ، وكوني له مكان راحته يعني الله يكون في عونه من كل صوب مشاكل خليله مكان واحد يلاقي راحته فيه وهالمكان المفروض يكون انتي ، مرته وحبيبته ولا اشرايج؟؟ ذكري الله وتعوذي من ابليس وخلي في بالج دوم محاسنه ومواقفه الطيبة معاج ولا تدققين وايد في السلبيات عشان تقدرين تعيشين مرتاحة. وبالاخير اقولج الله يصلح حالج ويهينج مع ريلج ويكتبلكم السعادة طول حياتكم.
تسلمووون يابنات على مشاركتي همي جعله الله في ميزان حسناتكم بس مشكلتي الوحيده اخاف يظل طول عمره متغير علي ومايرجع مثل قبل هذي المشكله
هلا أختي . . . نصيحة لا تكلمينه ترى هالفترة حرجة واي شي يمكن يسبب الطلاق لا سمح الله نصيحة . . .ابتعدي شوي شوي لين حفلة زواجكم والاشهار
حبيبتي انا رايي من راي اختي ام عبدالله ابتعدي عنه لحد الزواج وصدقيني ان عزيتي نفسج عنه شوي راح يركض وراج وخليه يحاول يكتشف هالانسانه بعد الزواج يعني مو اذا تزوجتوا يقول خلاص انا صرت عارف كل شي فيها وعنها وهذا رايي اتمنى ان تتقبليه بصدر رحب وموفقه بحياتج ياقلبي
تسلمووووون على الردود على قولتكم ماشوفه ولا اكلمه الا عقب الزواج مشكله احنا غير الحضر متعودين بس يملجون خلاااص تطلع معاه تكلمه ماتقدر تستغنى عنه خلاص صار حلالها شبابنا مستحيل يرضون مايطلعون مع خطيبتهم ولايشوفونها حزة الملجه خلاص تعودنا على جذي وخصوصا اهوه يدرس والملجه مطوله الزواج سنه اليايه لانه باقيله كورسين ويتخرج واللي مكدرني انه اهوه مسافر الحين دراسته برا وبينا مكالمات بس مو 24 ساعه تعرفون اللي برا الديره مكالماتنا غير عن داخل الديره وبينا مسنجر بس بحاول ماكلمه وايد لانه مضايق ومعصب ومشكووورين مره ثانيه على وقفتكم معاي
خلاص عيل خففي مكالماتج معاه خليه يفقدج شوي ويمكن اهواا مضغوط شايل هم الدراسه واهله من صوب انتي المفروض تسمعينه مو تعاتبينه او شي .. بس مثل ما قالت اختي ام عبدالله لاتكلمينه وايد خفي عنه .. مووفقه انشالله
بقولكم عن تطوراتنا امورنا تعقدت واخته تدخلت بالمشكله عشان تساعدنا على حلها مابي منكم الا الدعاء ادعو انه مشاكلي تنحل والراحه النفسية والبسمه تردلي
