السلام عليكم بنات انا مشكلتي مع اختي احنا تزوجنا من سنتين بنفس اليوم لأن اخذنا قرايب انا عمري 29 واختي 33 وقعدنا يم بعض انا حملت قبلها وتهاوشت معاي لأسباب اخرى وتافهة وافترقنا وبعدها انا سقطت وارجعت كلمتني واهيا مستانسة ومو هامها وبعدها حملت مره ثانية بس اهيا اتأخرت وقاطعتي لأسباب تافهه جدا واهيا احملت بعدي بفتره قصيرة جدا وعقب كلمتني فتره وقاطعتني لدرجة اني لما ولدت ما يتني المستشفى ولا باركتلي الا عقب شهر من ولادتي واهيا لما اولدت باركتلها ورحتلها ، طبعا اهيا لما اولدت خلتني اخر شخص ادري عقب انا شلت من يمها وقعدت اخر الدنيا لاني تعبت من المشاكل اليومية انا في بيتي وبعيد عنها ومو فاكتني الا ليش ريلج شافنا وسوه روحه ما شافنا وما سلم والا ليش ما اتروحين اتسوين هالشغلة والا سيارتنا خربانه وما ييتي انتي والا زوجج تاخذونا والا تجسس علي حتى بالحمام تكرمون لما نسبح يدرون عنا فشلت وطلعت من يمها زوجي كان يحترمهم ويسويلهم احساب ووالله العظيم ان على نياته وكل ما يطلبونه بخدمه يسويها ما يقصر انا معاها قبل الزواج كنا انام بفراش واحد ولقمتنا وحدة وقومتنا وقعدتنا وحده بس كانت اتهاوش معاي وايد ودايما اتصيح ان الناس يغارون منها وما يحبونها لدرجة ان ماعندها رفيجات وكل ما رافجت وحدة تهاوشوا او ازعلت معاها وما تغالط نفسها كلش واحنا الحين مفترقين ومن فتره انا دقيت عليها وسلمت عليها وسألت عنها وعن البيبي والحين احملت مره ثانيه بنصف حمالها وبلغت الكل وما قالتلي وانا سمعت من الناس - الله يسامحها وايد تعبانه نفسيتي منها والله انا قاعده اكتب الحين وابجي وانا بالدوام - نفسيا تعبت منها ما دري شنو اسوي معاها
هلا أختي . . . ربي يهدي النفوس . . . أختك اهي اللي فيها خلل وتعاني من الفراغ وتستلذ بخلق المشاكل لانها حساسة جدا فتلاحظ ابسط دقائق الامور وتزعل منها . . . شوفي افضل شي انج تتواصلين وياها بس بالتلفون حاليا ولا تبينين لها انج متضايقة من تصرفاتها ابدااااا خليها للايااام اهي بتلوعها وبتعرف مالها الا اختها خصوصا ان مالها صديقة ولا رفيجة . . . وانتي لا تهتمين طنشي . . . هالامور تصير بين الاخوات دائما لكن بالتطنيش تمشي الامور
صبري بعد اختج مو رفيجة واقولج وخري عنها وخلاص وموضوع سمعتيه من الناس وهي ماقالت براحتها بس لين تشره عليج قوليلها محد قالي انا مع ام عبدالله خلي الاتواصل بالتلفون والزوراة في بيت الاهل كافي
السلام عليكم ابقولج ترى هذي اختج لازم توددين لها لاتعاملون وحدة بوحدة وخليج انتي الاعقل هي ترى مي بالاعمار هي بالعقل انتي حاولي .... وأسأل الله ان يعينج آآميــــــن انا راح اتركج مع بعض الاية و الاحاديث عن الرسول واني تأملي الاجر والثواب قال تعالى : (( فآت ذا القربى حقه والمسكين وابن السبيل ذلك خير للذين يريدون وجه وأولئك هم المفلحون)) . وعن أنس بن مالك_ رضي الله عنه_ قال : قال رسول الله صلى الله عليه وسلم : ((من سرهُ أن يبسط له في رزقه ، ويُنسأ له في أثرة فليصل رحمه)) البخاري الفتح10(5986) ومسلم (2557) صلة الرحم سبب لصلة الله للواصل في الحديث المتفق عليه عن أبي هريرة : ((إن الله خلق الخلق حتى إذا فرغ من خلقه قالت الرحم هذا مقام العائذ بك من القطيعة قال نعم أما ترضين أن أصل من وصلك واقطع من قطعك قالت بلى يا رب قال فهو لك)) رواه البخاري واللفظ له (5987) ومسلم(2554) عدم وصل الأقارب إلا إذا وصلوه, وهذا في الحقيقة ليس واصلاً وإنما هو مكافئ في الحديث الذي أخرجه البخاري (5991) : (( ليس الواصل بالمكافئ ولكن الواصل الذي إذا قطعت رحمه وصلها)). مقابلة الإساءة منهم بالعفو والإحسان حدثنا محمد بن جعفر حدثنا شعبة قال سمعت العلاء بن عبد الرحمن يحدث عن أبيه عن أبي هريرة أن رجلا قال << يا رسول الله إن لي قرابة أصلهم ويقطعون وأحسن إليهم ويسيئون إلي وأحلم عنهم ويجهلون علي قال لئن كنت كما تقول فكأنما تسفهم المل ولا يزال معك من الله ظهير عليهم ما دمت على ذلك >>
خواتي ام عبدالله و om deaj وحزن الجوري وتغاريد المطر اشكركم على الرد وبصراحة حسستوني اني مو وحيده والله اني دقيت عليها من فتره وما اترد او اتسكر جهازها وقايله لأمي ما تبي احد يدق عليها وان ريلها واهله وخواته تارسين الدنيا عليها ومو بحاجة خوات ومن ناحية الزواره خربتها وصارت اهيا اتروح بيوم وانا يوم وكل مره اتروح عقبي عشان ما اتصادفني ومن ناحية ثانيه الحين انا حاقرتها مابي ادق عليها لاني نزلت من نفسي وايد من كرامتي فهي اغلطت علي وعلى زوجي واايد مع ان ما سوينالها شي بس اهيا ما تحب ترتاح دايما اتدور المشاكل والحين انا ما اكلمها ولا ادق عليها ولا اوفها صارلنا 4 شهور وهم بعد مو مفتكه اتدق على امي واتحرها بين فتره والثانيه بدون معنى - اهيا ماكو فايده منها بس وايد منقهرة منها الحين انا
الله يهديها.. وانتي لاتزعلين ولا شي.. ترى ماكو شي يستاهل الزعل والضيج والله معاج.. وانتي ماغلطتي عليها !! الله يهديها. وانتي لاتفكرين بشي..
قلبي اختج من النوع الحساس ومن النوع اللي يظن ان الكل ضده.. وانتي يزاج الله الف خير كفيتي ووفيتي.. وخيرج سابق يالغلا لا تعورين قلبج ولا تهمين نفسج.. وحطي في بالج انه هالشي بلاء من ربج يختبرج ويختبر اللي حوالين اختج انتي اللي عليج سويه مو مهم ترد لج المقابل ياعمري المهم ربج يضاعف حسناتج وراضي عنج.. كوني الافضل.. واتمنالج كل الخير
والله حاسه فيج لان بعض الخوات اللحين صارو نقمه مو نعمه ولاهم سند بدنيا والله بعض الاحيان الرفيجات ابرك من الخوات انا اشوف بنظري انج بس تدقين عليها وتسلمين وتصكرين التليفون اصلي رحمج علشان ربج وبس مو لازم تشوفينها بس اسألي عنها وعن صحتها وصحه عيالها وقوليلها مع السلامه ترى كل ماكانت العلاقات قريبه حييل تحصل مشاكل خليج بعيده بس اسألي عنها ولا تعطينها اخبار بيتج وزوجج والله يهديها يارب
حبيبتي عليج بزوجج و عيالج مردها لج الغالية فلا تضايقين عمرج و صح كلام خواتي عن احتساب الاجر انتي بس سوي اللي عليج و خلاص ابتغااء لوجه رب العالمين موفقة
حبيبتي انتي ماقصرتي بالعكس واصلتيها وترفعين السماعه وتسالين عنها خلاص اهم شي سويتي اللي عليج بس لا تقطعين مهما يكون اهيا اختج منج وفيج والله يهديها مع الايام
ياقلبي انتي اخت وحده وموووووو قادره عليها عيل اشلون 8 شالسويييييين اللي تزعل واللي تسويلج خطط تدبرلج ولي تغار واللي تكره ريلج واللي تقول اعيالي احلى من عيالج واللي والخ الخ الله يهديكم انتو الثنتين عسل انتي حساسه وايد واختج تغار لازم وحده منكم تكسر الحاجز اللي بينكم تكوووووونين ماخذه قرارج انج توقفينها عند حدها وتذكرينها بقطع الارحام ولازم تقوليلها انج اتحبينها واايد وشوفي اشلون رح اتعاملج بينيلها انها احلى منج وهاللبس حلو عليها وجذي يعني وتتكلين على ربج والله يالف بينكم ويهدي النفووووس
حبيييييبة قلبي لا تعورين قلبج على شي ما يستاهل و انا رايي من راي خواتي وعسى الله يهديها وادعيلها بالهداية بصلاتج وعسى الله لا يفرق بينكم بس انتي هم حاولي كلش ما تكلمينها علشان ما تنزلين من كرامتج ومع كامل تحياتي مقبولة
اختى الحبيبه اختك على عينك وراسك بس مو تسبب لك مشاكل واللى لازم تسوينه انك تطنشين ودقي عليه من فترة لفترة لصلة للارحام فقط وعليك بالدعاء وربي يكون في عونك
