بسم الله أبتدي بمشكلتي ابي لها حل وهي اكتشفت بخيانة زوجي لي للمره الثالثه وهو اعترف وبس وعدني نفس كل مره انه راح يتوب ويبعد عن هالسوالف بس والله قلبي مجروح حييييييييييييييييييل مع اني والله مو مقصره معاه من كل النواحي الزوجيه والحين صار عندي هو مو مهم والله حتى صرت ما اهتم له ولا احس انه له في غلا او باقي معزه في قلبي وشنو الطريقه اللي تخليني اثق فيه مره 2
شنو بيدج غير الدعا اختي ادعي لربج وانشا الله ربي يسخرلج زوجج والله هالرجاجيل ماينفع معاهم شي ومو مقصرين وهم يقصرون علينا
حبيبتي الله يعينج ويكون بعونج ياعمري بعد شتسوين هذيل الرياييل مايملى عينهم الا التراب مالج الا الدعاء حياتي
والله الريال الي في باله اسويه عليج بالدعاء والصبر وحسبنا الله ونعم الوكيل على كل وحده اخرب بيت متزوج
ماقلتي اهو عارف انك عرفتي بخيانته اذا عرف هددي انك تفضحينه قدام اهله واهلك وان كلن راح يدري عن سوالف وراح ينفضح وخليه يقتنع ان الي يسويه خطا قوليله عندك شهوة انا عندك بس تروح لغيري ليش موحرام بس كوني مقتنعه ان زوجك ماراح يبطل السوالف هذا الانه ادمن عليها من ناحيه الى جانب رفقاء السواء الي يحرضونه وكلي امرك لله حبيبتي كلنا في الهم سواء
قال الشيخ خالدالجبير:كررواستغفرالله الذي لا إله إلا هوالحي القيوم و أتوب إليه وستروناعجبامن تفريج الهم وتيسيرالامور وأكثري من الدعاء في ثلت الليل الأخير العجب العجاب
حبيبتي طنشي خلاص دام ما يهمه.. عليج بالاستغفار والدعاء انتبهي لنفسج لاتشغلين نفسج فيه وعيشي حياتج ومرده لج لاتمرضين نفسج وهو عايش حياته..
الله يكون بعونج ودايمن احمدي ربج عالعافيه والصحه والله انها من هم الرجل وبلاويه واهتمب بنفسج واهم شي ذكر .... اذكروا الله يذكركم
شوفي مدام اهوا اعترف بغلطه وقالج انه اهوا غلطان حاولي تسامحينه ولا تذكرين الموضوع جدامه كلش وحاولي تغيرين شوي من حياتج يعني تسوين جو ثاني تخلينه ينساها وتقربينه منج وصدقيني راح انتي تنسين اللي صار ... والله يصبرج انشالله
اذا على قولتج المره ال3 فانا انصحج بانج تكونين شديده فهو متهاون بج (سوري) لان ما عرفتيه قيمتج من اول خيانه المفروض ما تخلينه يلمسج قبل لا يحلف على القران بانه يكون لج وحدج وما يلتف لاي بنت غيرج ومن بعدها تغيرين الوك مالج وتغيرين اسلوبج وحياتي تمتعي بحياتج وحقريه واذا يبي يكلمج سوي روحج مشغوله بشي اهم منه وحابته ودايما اذا بتيلسين على الابتوب جدامه سمعيه ضحكاتج وفرحتج وبدون لا تشاركينه اذا كنتو بغرفة النوم قعدي على التسريحه وتكشخي سنه حسسيه انج متكشخت اه هو لكن اول ما تخلصين روحي الصاله مثلا وطالعي التلفزيون واذا لحقج سوري روحج بتنامين بس مو قبل لا تمسحين المكياج شوفي شلون بيركض وراج وريلج بدل ما يركض ورى غيرج فانتي اولى بس بشرينا
أضم صوتي لصوت اختي "سيدة راقية ومتواضعة" بس اذا واجهج وكلمج وحاول تسامحينه لازم تطلبين شي يرضيج مثل سفرة خاصة تختلين انتي ومعاه من غير عيال/عشان يتقرب منك أكثر......ولاتنسين الدعاء وانشاءالله تكون آخر زلاته وخيانته...@
الله يعينج اختي ... بس انا احس ان لا تهددينه ... لان احس في رياييل حتى لو فكروا انهم يتعدلون من يشوف ان حرمته تهدده يعتبرها تتحداه ... فلا تفتحين على عمرج باب تندمين عقبه .... شغله ثانيه سوي اللي قالوا لي اياه الخوات الله يعطيهم العافيه استغفري وااااااااااايد لان الرسول عليه الصلاة والسلام قال : من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب
الله يعينج اختي ... بس انا احس ان لا تهددينه ... لان احس في رياييل حتى لو فكروا انهم يتعدلون من يشوف ان حرمته تهدده يعتبرها تتحداه ... فلا تفتحين على عمرج باب تندمين عقبه .... شغله ثانيه سوي اللي قالوا لي اياه الخوات الله يعطيهم العافيه استغفري وااااااااااايد لان الرسول عليه الصلاة والسلام قال : من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب
اختي انا ابي اقول لج نصيحه من اخت إلى اخت اذا قالوا الرياييل سوا فهذا اكبر غلط لا تعتمدين على اي كلام يبين ان الرياييل سوا لو انهم سوا مكان هذا طلق او هذا عازب او هذا متزوج ثنتين او ثلاث او او او ...إلخ في رياييل يحبون ان تكون زوجته فري وفي نوع ثاني نص ونص وفي نوع ثالث يحب زوجته ما يبين فيها ولا شي بتقولين هالكلام ماله شغل بالسالفه صح .؟ بس انا ابي اقولج انواع الرياييل علشان مو تسمعين اي نصيحه تبين ان الرياييل مثل بعض حبيبتي اول شي تحسسينه انج انتي له بالحلال متى ما اشتهى يجيج وحسسيه ان اللي يسويه حراااااااااام واكبر حرااااااااااااااااااام وهم حسسيه بان الله يراقبه بكل مكان وزمان وحسسيه هالشي ينقل الامراض له ولعائلته وللاسف الكبير في مقوله ولازالوا يفتخرون فيها الرياييل الريال ما يعيبه شي في اشكثر اللي يعيبهم مثل السمعه واذا صارت فيه امراض بالله من يقدر يقبله حتى لو ملك جمال حبيبتي اولا خليه يوعدج انه ما يعيدها و قولي ماراح ترجع الثقه ألا اذا داومت على الصلاة وتقربت من ربك واهتمي بنفسج اكشخي له فتحي عيونه لج انتي سوي له مفاجأت لا تعلقين على شي واحد بعدين يمل وانتي واسلوبج بالكلام الحلو حاولي انج تنوعين بالاسلوب وفي الشكل وطبعج وخليه يكره بنات الحرام عطيه فكره عنهم قولي له لا يغرك شكلهم الخارجي هذولا ما يبون فيك الخير لو انها بنت ما فيها شي خاليه من الامراض والعفن ماخلتك تلمسها هي نيتها تنشر الامراض مو نيتها تونسك وقولي له وين راح يكون مصيرنا اذا انتقلت هالامراض في عائلتك اهلك وزوجتك واعيالك راح تمشي الامراض معاك اذا قربت عندها قولي له انا حلالك سو فيني ألي تسويه ما راح تنتقل العفن والوسخ والامراض مدامي لك وحدك وانت لي ويوم ورى يوم حاولي انج تنسينه في البنات وتبدين تتكشخين له وتهتمين له وتحاولين تكسبينه ودعين ربج انه يسعدج ويوفقج وتستغفرين ربج ======== ملاحظه ======= لا تهددينه او تحقرينه او تهملينه ماراح يفيدج لانه راح يحط فيج العيوب اذا سويتي جذي ويحط عذره من هذولا الاشياء بيقول انتي تحقريني او ما تهتمين لي ...إلخ ====================================== وشكرا اتمنى انج تدعين لي وعسى الله يوفقج ويسعدج آآآمين
الله يهديه ولو لوحتى بس لاتهملين نفسج كشخي الخ ع الاقل لنفسج وراح يشوف يقول حرام ليش خنتها مومقصرة معاي ودايم سويلية الاشياء الي يبيها من لبس حركات وادعي انة الله يهدية
انا جدا فاهمتج والرجال عموما مايبيلهم عذر للخيانه زياغة عين وقلة الايمان وكثرة فتن النساء في هذا الزمن اذا عندج اولاد تحملي وكثري استفغار ودعاء لزوجج انه يهديه ويبعده عن هالطريج المعوج وازعلي اشد الزعل عليه اذا ماعندج اولاد عشان يعرف ان هالشي غلط ويحس بقدرج عنده وعاتبيه بمسجات وذكريه بالله وحذريه صيري صارمه عشان يحس عل دمه
