السلام عليكم و رحمة الله و بركاته بنات انا بقولكم موضوع مضايقني و يا ليت تشورون علي.. آنا مطلقه .. صغيره عمري 23 ما عندي جهال الحمد لله على قدر من الجمال و الأخلاق و الله يستر علي و على المسلمين و المسلمات دنيا و آخره و عندي أخت عمرها 26 ما تزوجت السالفه و ما فيها .. من قبل لا اتطلق كان الناس تتقدم لاختي بس هي ترفض الزواج تقول جتني عقده من الحياة الزوجيه من كثر ما تسمع من مشاكلي انا و خواتي مع ازواجنا المهم لما تطلقت .. تقدم حمى إختي (أخو زوجها) بشكل غير رسمي و قال أبوه لزوج اختي نبي من خوات مرتك مشهود لهم بالأخلاق و أهلهم ما شاء الله مشهود لهم .. بس ما نبي نتقدم لين تجس نبضهم يوافقون على اخوك (( أخوه مطلق مرته )) .. قال زوج اختي تبي بالضبط منو ؟؟ الكبيره إللي ما تزوجت و إلا الصغيره المطلقه ؟؟ قال الأبو (( على حسب ما فهمته من إختي )) جس نبضهم كلهم .. المهم زوج إختي بلغها هالكلام و قالها شوفي البنات يوافقون أو لأ !!! يعني بالنسبه لي حدي مو فاهمه شهالمنطق؟؟ يتقدمون لثنتين و إللي ترفض يصير من نصيب الثانيه ؟؟ شهالمصخره ..؟؟ فاتحت إختي الكبيره و رفضت كالعاده .. بعدها جت و فاتحتني و طبعا أنا الفضله إللي ينحذف عليها البقايا .. جان أقولها و أنا قلبي يحرقني أحس حيل انهنت و بنفس الوقت الريال كفو و محترم بس طريقة تقدمهم بايخه .. المهم قلتلها خل يتقدمون و بعدها يكون خير و هم بالأساس يبون منو ؟؟ قالت ما ادري بس الأولى اختج الكبيره !! المهم من ذاك اليوم ما سمعت عنهم أي خطبه أو تقدم رسمي .. و وكلت أمري لله .. وقبل هالسالفه فاتحتني رفيجتي إن فيه ناس يبوني لولدهم و يبون يشوفوني ((ولدهم ما تزوج)) قلتلها مع احترامي لنفسي بس شلون فيه ناس يرضون يزوجون ولدهم اعزب لوحده مطلقه ؟؟ ضاقو الحريم ؟؟!! و آنا ما أهين نفسي بهالكلام لا و الله بس اعده افكر بمنطقيه لايكون الريال فيه عيب أو مصيبه .. قالتلي لا تحقرين من نفسج الناس مدحتج عندهم و قالو اهم شي الأخلاق و سألوني ما عندهها اخت قلتلهم عندها عمرها 26 قالو لا كبيره على ولدنا و تقول رفيجتي يدرون و بلغتهم انج مطلقه و عادي عندهم.. جا وقت الخطبه و طلعت لهم شافوني لأول مره بحياتي كلها أسويها و احتقرت نفسي حيل حسيت كأني حاذفه وجهي و كأن الطلاق غير من مبادئي كلها لأن قبل ما كنت أرضى لنفسي لو شنو ما كان إني أطلع لأحد لأني مو سلعه إذا عجبتهم وافقو و إذا ما عجبتهم ارفضوا .. المهم الناس طارت فيني و طلعت بسرعه .. جان تقولهم إختي و الحمد لله إنها جابت الطاري قالت (تدرون إن البنت مطلقه )) جان يشهقون و قعدوا يحلفون إنهم ما يدرون و إنهم أصلا جايين عشان البنت إللي ما تزوجت (إختي الكبيره ) مو عشان المطلقه!! >> بالله شنو أكبر من هالإهانه ؟؟ قالت إختي الكبيره عمرها 26 سنه و ما تبي الزواج .. قالو لا الثانيه تناسب عمر ولدنا والطلاق مو عيب و إحنا بنشاور الولد و نرد لكم خبر إذا بيواف عالمطلقه أو لأ !!! بالله شنو أكبر من هالإهانه ؟؟ يشاورون ولدهم إذا بيتكرم و يتصدق علي و يوافق علي ؟؟!! و راحوا و لا عاد اتصلوا علينا .. و الله إني بس ما أقول غير حسبي الله عليك يا طليقي إللي انحطيت بهالمواقف بسبتك و عساك تذوق المر و الألم و الإهانه و الذل مثل ما أنا ذقته .. الموقف الأخير صاير أمس .. دقت علي إختي و قالت فيه ناس يعرفون خالة زوجها و تمدحهم حيييل و إنهم تقدمو لأختج الكبيره و رفضتهم و قالو إذا رفضت الكبيره شوفوا الخيار الآخر طبعا ماكو غير الفضله كالعاده المطلقه إللي تاخذ فضلة غيرها !! قلتلها بس خلاص الخرابيط هذي زهقت منها و مابي حتى أفكر بالموضوع أنا رافضه إللي يبيني يتقدم لي علطول مو يتقدم لاختي و إذا رفضت قالو شوفوا الثانيه ؟؟!! بس أنا و الله تعبت نفسيا من هالسالفه .. قسم بالله أحس ماعاد لي كرامه جدام أهلي أشوف بعيونهم نظرة شفقه علي و أحاول دايما إني أطلع جدامهم بشكل المتماسكه إللي ما تفرق عندها و إن الحياه ماشيه بكل الأحوال .. لكن بيني و بين نفسي أكون مطعونه و مجروحه .. أدري طولتها لكن و الله الغصه بقلبي .. شسوي ..؟؟ معقوله بس عشان هي بنت و أنا لأ تغيرت كل المفاهيم عند الناس ..؟؟ معقوله بس عشان لقبها عزباء و أنا مطلقه تغير كل شي ؟؟ بنات أدري كل شي قسمه و نصيب و الله إن كلي قناعه بهالشي لكن أنا أعيب على الناس نظرتهم للمطلقه و كأنها حثاله مالها أي قيمه أو خيار .. كأنها السبب في الطلاق و كأنهامسلوبة الكرامه و مجبوره ترضى بأقل الخيارات جوده بس عشان تلقى ظهر من بد الله يسندها بالدنيا ..
حبيبتي ليش مضايقه نفسج وصايره حساسه زيااده عن اللزووم .. صج الاولى يذكرون الوحده اللي يبون يخطبونها بس اهل اختج يبون القرب منكم وماحددو يعني اظن مافيها شي وماادري .. وعن الاعزب ياخذله مطلقه والله اعرف وااااااجد بنات مو وحده ولاثنتين مشاء الله عليهم حلوات واخلاق وتطلقو واهم صغااار عشان جذي تزوجو عزااب يعني مافيها شي اذا تزوجج اعزب نصيبه ياخذج انتي وانتي مطلقه لاتخلين فيج عقده والا اهو فيه نقص مو شرط في ناس تدور الاخلاق والصيت ماتدور الجمال .. لاتصيرين حساسه من هالامور اكيد اهلج ماينظرون لج نظرة الشفقه ترى حتى يطالعون باختج اللي ماتزوجت هم نفس النظره وهي نظرة الخووف عليكم ويبون يتطمنون عليكم مو شفقه صدقيني .. الله يرزقج بالزووج الصاااااااااالح اللي يصوونج ويعفج .. اتمنى اني فدتج وان شاء الله البنات مايقصرون وياج ..
تسلمين يا قلبي بس و الله مو صايره حساسه هذا اللي اشوفه جدامي تخيلي نفس الموقف يتكرر علي ثلاث مرات خلال كم شهر ؟؟ ما ادري العيب بالناس و الا العيب بنظرتي للامور و الا شالسالفه ؟؟ انجرحت و ربي انجرحت قبل كنت واثقه من نفسي تمام الثقه و قراراتي ما ارجع لأهلي فيها والحين صرت متردده بكل خطوه حتى لو بشتري نفنوف اتردد واقعد كم يوم اشاور نفسي آخذه او لأ ؟؟ و أشاور الأهل و رفايجي يعني انا منصدمه من المرحله الي وصلت لها .. و الله ما كنت جذي .. تغيرت تغيرت تغيرت و للأسف للأسوء ..
يسلمج ربي ويخليج .. خليج عند ثقتج بنفسج وانتي ان شاء الله اهل للثقه ولاتكسرين بنفسج خليج مثل قبل وانتي مو اول وحده ولا اخر وحده تطلقت ويمكن الظروف اللي مريتي فيها ضايقتج وغيرت من نفسيتج للاسوء بس انتي حاولي تردين مثل قبل واحسن بعد .. استعيني بالصبر والصلاااااااه وكل امورج بتتعدل وثقتج بنفسج بترجع بإذن الله ..
انا مع أختي أم عبدالله حبيبتي لاتزعلين منهم اذا شاوروا أختك الكبيره وبعدين انتي مو شرط انها بنت وانت مطلقه النظره للمطلقه مو مثل قبل انها فيها العيب ووايد مطلقات وتزوجو عزاب ترى شي عادي الحين لا يكبر بقلبج يعني الناس اللي تييكم تبيكم وشاريتكم مويعني درو انج مطلقه انحاشو ترى الزواج نص الدين وستر.....
الناس يهمهم البكرة يعني هدا هو معيارهم المهم اختي انتي احسن من اللي لم تتزوج في حياتها ع الاقل فرحتي في يوم من الايام واش تقولي على اللي ما اتزوجت للحين الله يرزقني واياك الزوج الصالح يا رب اما الرؤية الشرعية مو عيب واهم شيء استخارة اختي
مساء الخير حبسيبتي بقولها لج بختصار والبنات ماقصروا بردهم ماوقفت الدنيا على زواج وطلاق او على رجال يعني ماشيه الحياة بدونهم غصبن علينا لكن الشخص نفسه اهو الي يخلي نفسه بهالاحساس انه غير ونفس ماقلتي نظرة الناس عن الطلقه من ناحية الناس حبيبتي الناس لوبتسمعين او تلتفتين لحجيهم والله تتعبين لانهم مستحيل يسكتون سواء عليج او على غيرج المهم انتي ترضينم ربج وخلاص هذا بالدنيا كلها وبعدين بخصوص اهلج حبيبتي عمر الاهل مايهنيون بناتهم ولاتحطين هالفكره براسج حالوي تنظرين لهم نظرة حب وخايفين على مصلحتج بتشوفين شي ثاني وترتاحين
كويتية كلاس انتي من اسمج كلاس لاتفكرين جذي يمكن من كثر ما تقدمولج صار عندج هالاحساس وانا عندي صديقتي بنت مو مطلقه من كثر ماتقدمولها صارت تقول شنو كل يوم يجون ويشوفوني لغاية ما الله وفقها بابن الحلال وانتي الله يستر عليج وتزوجين بالرجال اللي يستاهلج والمطلقه مو عيب بهالزمن لان الطلاق زاد بالكويت ولا تقولين عن نفسج فضلة لا انتي اكبر من جذي بس شي طبيعي اذا في وحده اكبر منج الناس بيخطبونها اول عادي يا حبيبتي كل البيوت جذي هذا ما يعني ان البنت الثانية فضلة , وأنا يوم كانوا يخطبوني أبوي كان يقول الكبيرة اول بعدين الثانية , وما زعلت . وأهلج والله خايفين عليج أنا أم واعرف شلون الام تبي الستر حق عيالها صدقيني والله محد يشفق عليج لا هذي نظرة حب يا حبيبتي اكيد اهلج يبون يشوفونج مرتاحه انتي وكل خواتج حتى المتزوجات منكم والله يستر عليكم ويحفظكم لاهلكم
اي والله حسبي الله ونعم الوكيل على طليقيج اتزوجين بنات الناس وضايقونهم ويلعوزونهم بعدين اطلقونهم وشيل ها بنات حزنها وجرحها في قلبها بقولج على شي الدعاء تعرفين شنو دعاء ادعي الله وانتي على يقين انه راح يوفقج واستغفري عودي لسانج بالاستغفار في كل مكان قاعده قايمه في كل وقت استغفر الله العظيم من كل ذنب عظيم استغفرالله واتوب اليه استغفر الله العلي العظيم شوفي حبيتي حتى وانتي قاعده مع اهلج وقال فلان صار له جذي وجذي استغفري هذا مثال وحتى وانتي بتبطلي لاب توب قولي استغفرالله قول ما قالت مريم صدقيني بتغير حياتج 180 درجه والله بيرزقج راحة البال ويرزقج الزوج اللي يستاهلج ولا تقعدين تقولين مطلق ماتاخذ ولد ليش عادي الرسول عليه صلاة وسلام تزوج مطلقه وهو افضل خلق الله بعدبن سمعيني زين انتي اصغير لا تاخذين الا ولد او مطلق وماعنده اعيال بعدين واجد ناس اعرفهم اعيال وواخذوا مطلقات من جماعتنا عادي
حبيبتي ماعليج من كلام الناس الناس ما يعيبهم شي لو مظلومه ادعي الله من قلبج ... الله يكفيج شر كلام الناس وشغله ثانيه بقولج شرات ما قلت لوحده من الخوات لا توقفين حياتج عند طلاقج لا لا .... ابدي من هاللحظة بعدت امور والله بتشوفين حياتج غير .... 1- قوي علاقتج بالله لان هو الدايم .... وهو اللي لو عدتي شريط حياتج بتكتشفين انه الوحيد اللي وقف وياج في افراحج وواقف الحين وياج في احزانج .... يعني اعطي الاهتمام الاول لرب العالمين ... لانج قويه فيه ولان هو اللي بيوفقج ولان هو اللي يقدر يوقف ألسنه الناس عنج ويعطيج اجر صبرج ... اسمعي محاضرات تعزز معرفتج بالله وانا اشوف برنامج باسمك نحيا لعمرو خالد وااايد روعه وايد غير في حياتي حسسني ان قويه قويه جدا بالله لو تبين روابطه بييب لج اياها ... 2- لو مب مكلمه دراستج كمليها خلي عمرج شي مميز لو اضطريتي تعيدين الثانويه عيديها وادرسي وخلي عندج شهادة ... جامعيه تفتخرين بنفسج ... ويعرف هو و أهله انج انسانه مميزة .... اصبر وادرسي ولا تيأسين لا تقولين طافت علي الايام لا لا ابدي من هاللحظة .... الشهادة سلاح المرأة .... وبعدين لو تبين اشتغلي بس في مكان مب مختلط عشان تثبتين للعالم اني انسانه مارضى حد يشوفني بنظره لان بعض الرياييل لا طلق حرمته واشتغلت في شغل مختلط يتم يرمس عنها ... فلا انتي اشتغلي في التدريس في اي مكان نسائي ... لو لفتره على الاقل .. 3- قوي علاقتج باهلج بذات امج وابوج حاولي تبرينهم لا تقولين ماروم او ماقدر لا لا لا هم سبب توفيقج في الدنيا والاخره ودعاءهم يستجاب ... 4- استغفري 24 ساعه خلي الاستغفار بينج وبين نفسج لان الرسول عليه الصلاة والسلام قال في ديث صحيح : ((من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب )) لا تملين من الاستغفار بالاشهر ... لاتقولين استغفرت والله مافرج عني لا لا كل ما ياج هالاساس زيدي استغفار ودعاء لله بكل ما تتمنينه لان الحيا ماتوقفت عند طلاقج بس اهم شي لا تملين دعاء واستغفار ... لان في حديث عن الرسول صل الله عليه وسلم (( "إن الله يستجيب لأحدكم ما لم يعجل، يقول دعوت ربي فلم يستجب لي" يعني تذكري ان كل ما ياج احساس ان تاخرت الاستجابه ان الله يختبرج بس ويشوف صبرج وثقتج فيه تذكري اوقات الاستغفار والدعاء يسجاب بسرعه و بعضه عقب اشهر بس انتي وصبرج وثقتج بالله 5- ادعي ادعي ادعي ...(( كررت هالنقط لاهميتها )) بس تذكري لا تدعين على اي حد عشان الله يستجيب لج ,,,, عن أبي هريرة رضي الله عنه أن رسول الله صلى الله عليه وسلم قال : يستجاب للعبد مالم يدع بإثم أو قطيعة رحم" رواه مسلم ...يعني ادعي من قلبج .. وتاكدي ان الله بيستجيب لج لازم تحسنين الظن في الله عشان يستجاب دعائج والدليل على هالكلام وهذا مب رمستي لا لا رمست العلماء .... يعني كوني واثقه بالله وتذكري حديث الرسول عليه الصلاة والسلام : عن أبي العباس عبد الله بن عباس رضي الله عنه قال كنت خلف النبي صلى الله عليه وسلم يوماً فقال "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمةلو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف " يعني محد يقدر ياثر في حياتج ابدا لا طلاقج ولا غيره ..... انتي لو كنتي واثقه ومقويه علاقتج بالله مابتكونين ابدا تحصيل حاصل .... تاكدي من كلامي 6- لازم تقرين واااايد في التفكير الايجابي وتطوير الذات وحاولي اطورين عمرج كثر ماتقدرين في تفكيرج في نفسج حاولي تشغلين عمرج بعمرج .... وتصلحين فيها كثر ما تقدرن وتعدلين فيها .... الانسان مهما كاان متطور يعتاج يقرا في هالامور اقري واسمعي محاضرات في موضوع البرمجة العصبية اللغويه لابراهيم الفقي .... والله بترتاحين وايد لان الانسان لازم يهتم بكل النواحي عشان يكون مرتاح لو تبين محاضرات لابراهيم الفقي ماعندي مانع بييب لج ... 7- لو شفتي اهل ريلج في اي مكان اقصد طليقج عادي سلمي عليهم واضكي حسسيهم ان عادي احبكم حتى لو ظلمتوني والله جيه بيحسون بتأنيب الضمير ... لان بيقولون البنيه وايد زينه وتسلم علينا ماعتبرتنا اعداءها ,.,,,, وحده اعرفها سوت هالحركة خلت اهل طليقها بعد جم سنه يتحسفون عليها يعني خلي قاعدتج (( عاملي الناس باخلاقج وليس باخلاقهم )) 8 - كوني واثقه من نفسج انتي صغيره فلا تضيعين على عمرج ... ابدا ... لا تخلين عمرج ورده ذبلانه وضيعين احلى لحظات عمرج ... يعني ابدي من هاللحظة ... انسي الاحزان والهموم دوم تذكري انا دام جيه ظرفي الله يحبني ولو كنت غلطت بشغله بستغفر الله وببدا حيات يديده... صفي قلبج كثر ماتقدرين بتعيشين مرتاحه .. باختصار تصالحي مع نفسج ومع الاخرين ... اتمنى اكون افدتج ... بس والله ودي اساعدج كثر ما اقدر ماحب اشوف حد حزين .... ابدا او مضايجة والله انتي عندج رب العالمين كون قويه فيه ... لان محد يقدر يذلج دام هو وياج ... ماعرف شو وصلت المعلومه او لا؟؟؟؟؟ ...... بس تذكري وخلي قاعده عندج اعملي بالاسباب اللي ذكرتها لج لا تقصرين ولا في نقطة وادعي الله من قلبج + توكلي على الله = الله بيفتحها عليج فتح مبين من كل النواحي تذكري التوكل معناته عمل بالاسباب كلها بدون تقصير
