دبي تهبل

يابنات شلونكم؟
حبيت اقولكم عن سفرتي بعطلة العيد حق دبي بصراحة انا رحت علشان اجهز حق العيد لان احنا بنعيد بالكويت رحت يوم الاربعاء ورديت يوم الوقفة المهم والله اني استانست حييييل اول شي التسوق روعة كل شي هناك حلو شريت حق بناتي من هناك لبسهم راقي وكشخة والمحلات مافي منها بالكويت وانا رحت دبي مول كبير وكل شي فيه شريت حق بناتي وانا خذيت لي من هناك دراعة بس جنها بدله تهبل حيييل راقية بس طبعا وايد غالية فرق كبير من هني
وشريت لي عبي تهبل من اسواق ابو هيل العبي موطبعية خذيت 3 خامتهم سترتش بس قصات تهبل والباجي قصات من غير شوارفسكي كلهم شغل بسيط وراقي ----اما الوناسه كانت بالمدينه الثلجية حيييل استانسنا والفندق قعدنا باتلانتس يهبل وبناتي استانسو على الدلافين كانت رحلة حييل حلوة اللي يبي يستانس يروح دبي صج وناسة وبس تحياتي للجميع

حياااتي حياااج نورتينا في دبي
إذا ماتشيلكم الأرض نحطكم بعيونا

دبي حلوه وانا فيها من اول يوم العيد واليوم انشاالله بليل راده بس للامانه يعني والحق ينقال وايد غاليه دبي مول حلو بس لو تروحين باقي المجمعات وتلاحظين البضاعه ترى انا من يومين شاريه بدي من برومود كنت شاريه نفسه من سنتين قلت حق الي تشتغل قالتلي البضاعه تنزل عندكم بالكويت اول بعدين دبي وبعدها البجرين

عليج بالعافيه حبيبتي
الامارات صايره روووووووووعه انا بروحلها شهر 6 وودي اروح مدينة فراري

عليج بألف عافية صج دبي روووعة و ما ينمل منها أبدا

أنا رحلتها مرتين و كل مرة أروح أماكن يديدة و غير عن المرة الأولى

طبعا غير المجمعات و التسوق و هم المطاعم رحت المدينة الثلجية و السفاري شي يهبببببل واحة بنص الصحراء بس و الله مكان نظيف و راقي

و رحت المتحف مكان وااايد حلووو بصراحة بالبداية ما تشجعت لمن شفته من بره بس أنا اموت على المتاحف و كل دولة أزورها لازم أروح متاحفها و لمن دخلت شي عجيب

و رحت بعد عروض الدلافين استانسنا حيييل أنا و زوجي و بنوتي و اخواني الشباب اثنينهم معانا و أختي و زوجها

و رحلة البوم اللي بخور دبي استمتعنا فيها وايد جولة في الخور لمدة ساعتين مع بوفيه عشاء و تروحين فوق تقعدين تتقهوين و تصورين و المنظر يهبل و حتى الجو يكون حلو لأن عالبحر و معروف جو البحر يكون شوي بارد

هذا غير الاكواريوم اللي بمجمع دبي مول و النافورة العجيبة ، وكنا قاعدين بفندق تاج بالاس قعدت فيه مرتين الصراحة فندق راقي حيل و كبير و اللوبي يهبل هذا غير المحلات اللي فيه و المطاعم الهندي و الياباني و التركي و الايطالي و أنا جربتهم كلهم ما عدا الايطالي أكله ما عجبني شفت المنيو و غيرت رايي و حمام السباحة بنتي استانست عليه حيييل و رحنا مدينة مدهش تهبل مكان فيه ألعاب و عروض المهرج و الرسم و الشخصيات هذا غير المسرح و العروض الموسيقية و الرقص مع المسابقات و الجوائز ونااااااسة x وناااااسة

حلؤه الامارات تهبل ؤالله