هلا وغلا فيكم بلييييييز الي تقرا موضوعي اترد علي وتقول لي شنو الحل انا وزوجي متهاوشين شفته ايغازل وحده بلمنتدى حقهم وقلت له من متى وانت تتكلم معاها قال والله انا ماكلمها با المره ووريته مكالماتهم با المنتدى وعقب تأسف لي وقلت له انا هالمره امسامحتك بس الي ابيه منك ماتكذب ليش الكذب؟ وضربني يابنات وقتها ماحسيت بشي من الصدمه برغم انه مو اول مره يضربني ارجوكم ساعدوني شسوي معاه اهو انسان غامض ومايحبني اتكلم معاه ويقول انتي لك خصوصياتك وانا لي خصوصياتي واهو اكبر مني بكثير انا عمري 24 واهو 39 ابي اعيش حياتي مثل باقي الناس ابي احس اني متزوجه ساعدوني بليز
هلا حبيبتي الله يكون بعونج انا ما قولج سوي اللي ما يتسوي بس ليش سمحتيله انه يضربج من اول مره لازم توضعين حد في شي اسمه اهل يوقفونه عند حده خاصة اذا الوالد موجود لازم يوقف في وجهه يقوله لا شوفي الاسباب اللي خله ريلج يروح حق المغازل وهو بالسن هذا ممكن في قصور فيج واهم شي ادعي وكثري من صلاتج والاستغفار والله يفرجها عليج وعلي كل مسلم
انا ابوي متوفي وامي كبيره اخاف عليها يعني مابي اقولها عن الي صار والحمدالله مافي اي قصور مني واهو بنفسه يقول هالكلام ويقول انا كل ما اضربك اندم بس نفسي اعرف ليش يضرب وانا الحين موقادره اطالع بوجهه مجروحه منه ومابي اروح بيت اهلي لاني خايفه على امي من هالموضوع وخايفه من ردت فعلها ومشكوره حبيبتي
هلا حبيبتي (أم ريمي)...الله يكون بعونج ويصبرج على زوجج...أنا براأيي كل شي يهون إلا الضرب!!!!!شو السبب الي يخليه يضربج او يمد ايده عليج عرفي شو السبب هل هو يستاهل ولا لا؟؟؟؟لان راح يتعود على الضرب معاج إذا ماشاف منج موقف حاسم وجامد....انا ما أقولج تهاوشي معاه وروحي بيت أهلج بس لازم أحد من اخوانج يعرف بالموضوووع ويكلمه خاصة أنج قلتي مش اول مرة يضربج!!!!إلا إذا كان عاجبج الضرب..أما بخصوص المغازلة تقدرين باسلوبج والكلام الحلو تمنعينه من هالحركات إذاكانت أول مرة...وحولي قد ما تقدرين تشغلين وقته ولا يقعد عالانترنت واااااايد...والله يساعدج ويوفقج انشاءالله...ويسخر زوجج لج امييييييين..
امين يارب فديتك والله حبيبتي انا ماقدر اسوي معاه اي شي مايتقبل كلمه من اي حد وهاذا طبعه وطول وقته برا البيت بدوامه من الصبح لليل يعني مافي مجال اني اتناقش معاه بأي موضوع واذا عن الضرب انا مالي غير امي وثنتين من خواتي ماعندي اخوان ومابي احد يتدخل انا نفسيتي تعبت من هاذا الشي ومادري ليش مابي اقول لحد برغم اني جميله وطيوبه وماحد شاف مني الا كل خير بس الله يعين مادري شنو مشكلته بس احساسي يقول انه مايغازل يعني مغازله كلام بتلفون وكذا بس با المنتدى ومادري ليش زعل مني وضربني
السلام عليكم........ ماعليش حبيبتي ام ريمي انا بتكلم معك بكل صراحه ولا تزعلين مني انتي الغلطانه اولا واخيرا...........لأنك سكتي من اول مره مد يده عليك وصدقيني لو انتي اخذتي موقف ومنعتيه من نفسك اولا وعاملتيه ببرود شديد وتسوين كل اللي يطلبه من غير ماتتكلمين معه ولا تناظرينه ثانيا لحد مايعتذر او على الأقل يحس بخطأه وبالجريمه اللي سواها لما تجرأومد يده وبعدين تفاهمي معه انو انا لي كرامه وعندي اهل بس انا ما ابغى اكبر السالفه وامك ماراح ترضالك هالوضع لو كانت مريضه او كبيره بالسن واذاتكررت سالفة الضرب اثبتيله انك منتي حيطه هبيطه له وروحي لامك واذا كان يحبك بيتأدب ومابيعودها واذا مايحبكليش عايشه معه وسامحيني على جرأتي معك وبالاخيرانتي سوي اللي يعجبكوتشوفينه صح
مشكوره حبيبتي انا اول مامد ايده علي قلت لا امي وصارت مشكله كبيره وجلست عند امي اربع اشهر لحد ماعتذر واهو من النوع اللي مايحب يعتذر بس هالمره ماحبيت اقول لحد لأني فعلا مصدومه من هالشي ماتوقعته يضربني بدون سبب مقنع فأنا محتاره مادري اقول لأمي ولا اسكت عنه هالمره
متعندك اخوان عيال او خوال او عمام يعني اي احد يكون رجال يوقفه عند حده السكوت ماهو حل الا تشجيع له على التمادي الله يكون بعونك الزمي الاستغفار وادعيله بالهدايه الله يعينك
نواره فديتك مشكوره وانا مسويه مثل ماقلتي ويقول كل يوم انه اسف ومراح يكرر ها الغلط لئنه فعلاً ندمان وانا هم مصدومه منه الله يهديه جزاك الله خير
مااقول الا لااااااااااااااااااااااااااااااااااااااحول ولا قوة الااااااااااااااااااااااااااااابالله الله يكون بعونش
انا بعد اقولج لاتدخلين احد بمشاكلج وخصوصيااتج ولاتسكتين عن الطق لانه مو رجوله الظرب الرجل اللي يطق انثى هذا فيه خللللللل كبير ومريض نفسي والله تلقينه ضعيف فيطلع حرته فيج عااقبيه عقاااب نفسي انه ضلمج واهانج وضربج مع انه هو الغلطان وماترضين وترضخين له على طوووول لا علميه ان الله حق وبيني انج مو مهتمه فيه ومو هامج دامج انتي مو هامته صدقيني عزي نفسج وهو يعزج لاتعيشين وياه ذليله اهم شي الكرامه وعزة النفس فهميه هالشي بأسلوبج روحي عند اهلج زيااره نامي عندهم جم يوم وجهازج خليه مغلق ابتعدي عنه شوي حسسيه بقيمتج احقرررررررريه وبعدها ردي لبيتج تكونين مرتاحه شوي من تغير الجوو اهتمي بنفسج استانسي سوي شغلاات تنسيج همومج تقربي من الله سبحااانه وتعاااله وهذا طبعاا اهم شي اكثري من الصلااااااه والاستغفااار وهذا الشي اللي بيريحج صج واستانسي ولا يهمج صدقيني الدنيا ماتسوى تتضايقين عشان احد .. ونصيحتي لج .. لاتوصلينه للعصبيه اللي تتوقعين وراها ضرب حلي امورج ويااه بهدووء يمكن هو مايعرف يعبر والا انطريه ليما يهدى وناقشيه في ناس اذا عصبت ماتدري شنو تكون ردة فعلهااا .. الله يسخره لج ياااارب .. وان شاء الله اني فدتج ..
مشكورين كلكم بس اهو مستحيل يتناقش معاي بأي موضوع عنده كل شي مو مهم اما اني اروح لأهلي بها الفتره ماقدر ولا كان رحت من اول ماضربني واهلي مو قريبين مني وانا مو معطيته اي اهتمام بس مشكلتي اصدقه بكل كلمه يقولها وسامحه والله ماتدرون وشكثر انا مهمومه ومالي خلق شي مو معطيني حريتي تاركني با البيت ويقول مافي طلعه واهو كل يوم مسافر برا البلد وانا اتم با البيت لوحدي وماعاد احب اطلع ولا ابي اشوف احد الله يعين
السلام عليكم ورحمه الله وبركاته يا ام ريوم الحلوه :smile: .. حبيبتي حياااااتي يااااابعد قلبي فديتج يالغاليه اول شي اقوله لج الله يهنيج على هالصبر القوي ياحياتي وياااابختج بعد لان الزوجه تدخل الجنه من ورا زوجها سواء كانت مرتاحه معاه او مومرتاحه ومافي احلا من جذي ... واللي عرفته من كلامج يغلاتي ان الوالد الله يرحمه وانج خايفه تقولين للوالده وانج موحابه تطلعين مشاكلج بره وتعودتي على قعده البيت .. ام ريمي حبيبتي انتي مالج غير رب العالمين(( ويجيب دعوه المطر اذا دعاه )) والله مالج غير الدعاء ياحبيبتي رفعي يدينج لربج وادعي بكل مافيييييييج نزلي دموعج لربج لان دمعتج ماتستاهل تنزل لغير الله سبحانه ,, ونصيحتي لج ياحياتي في كتاب ينقاله ((ادعيه معينه لكل زوجه)) وبعد كل دعاء لاااااازم تصلين على النبي عليه الصلاة والسلام ,, وهالكتيب في كل الادعيه اللي بخاطرج تدعينها لزوجج ان الله يسخره ... لج والله والله وعن تجربه شخصيه ان الدعاء يقلب زوجج من شخص لي ملاااااااك ويصير يحبج ويحترمج ويقدرج ويحطج على راسه من فوووووووق ,, ولاتخلين ابليس يقص عليج جازي زوجك باللتي هي احسن خليج طبيعيه ادري ماتقدرين ويمكن صعبه وتحسين بظيقه وقمته ,,ماعليه تصبري ياحياتي شوفي طلباته ولبي اوامره وانتي انسانه (((مبتسمه بوجه))) عطريله البيت بخريله الغرفه حاولي تغيرين بشكل البيت والاثاث حتى الاكلات نوعيله وغيريله سويله حلو كيك سويلج قعده شاي وحب وحاولي تسولفين معاه حتى لبسج استايلج بقمصان النوم جوي غرفه النوم الميك اب ,, على سبيل المثال الرجل يحب المساج وايد ,, اذا انسدح بالفراش قوليله خلني اهمزك يافلان وانتي تحطين يدينج عليه لاتنطرينه يعطيج الجواب يعني بالعربي حاولي تغيرين كل شي جدامه للاحسن لدرجه((((ان ينحرج من نفسه ويقول والله عيب علي اللي قاعد اسويه بهالمره)))) ,, يمكن هالجمله اللي راح يقولها يبيلها فتره طويله ماعليه ميخالف ترى زوجك مايكرهج بالعكس يحبج وهذي (((اسمها نزوه))) وكل رجال يمر بلحظه ظعف ياحبي وخاصه عمر زوجك ,, ونصيحه ترى الرجل مايحب المره اللي تعلي صوتها او الحنانه او المره الحزينه العبوس الوجه 24 ساعه انا عارفه ان انتي غصب عليج بس عاد الرجاجيل مايقدرون ياروحي ميخالف ظغطي على نفسج شوي ,, ولاتنسين الكتاااااااااااااااب وذا تبين ادبره لج انا حاااااااظر ومن عيوني الثنتين يالغاليه انتي بس راسليني وراح تلقين الكتيب على يدينج ياحبي ,, وصدقيني الصبر الصبر (((((هو مفتااااااح الفرج ))))) والصبر على الزوج يدخلج الجنه ياقلبي ,, ونصيحه اخيره شغلي صوره البقره في البيت كااااامله بدون مقاطعه ترى هالصوره عظيمه تهدي النفوس وتقرب القلوب وتعطي جو راحه وامان واستقرار في بيتج ,, وانشاء الله يردلج زوجك عاجلا غير اجلا وربي يسخره لج و ويعمي عيونه عن بنات الحرام ومايشوف غيرج انشاء الله ,, وسامحيني على الاطاله يالغاليه ..
امين يارب مشكور اخوي جزاك الله خير انا زوجي مايحب النقاشات ولا حتى الكلام مو بس مني انا من كل الي حولينه يقول اتكلم مع رجال ولا مع حرمه وهم يقول الحرمه مو لازم تنعطى وجه والله ثم والله ماتوقع فيه وحده مثلي تلبس وتكشخ وتحترم زوجها وتقدره ومحافظه على نظافة بيتها وانا جميله وفوق الجمال طيوبه ومحترمه بس الله يعين وانا تعودت على طبايعه بس حبيت افضفض لكم واطلع الي بقلبي
هلا فيج اول شي ياقلبي لا تعثين نفسج ثاني شي لا تسكتين عن حقج وانه ما يمد ايده عليج نصيحه اعلي قولي لو كنت ضاربني بحق مارضيت اجل شلون بدون حق وبعد هالشي لا تفتشين من وراه واذا لقيتي شي مره ثانيه لا تعلمينه انج دريتي احسن عشان تبقى لج هيبتج اما اذا قلتيله باجر راح يصير عادي عنده ويمكن يكلم قدامج فنصيحتي خلي لج هيبه واعرفي ان هالشغلات نزوه وطيش وعلاقات عابره وانتي حاولي تغيرين الجو شوي وعشان ما تنحرين ارد واقولج لا تفتشين من وراه احسن لج
