دراريع قطن

مراحب بنات
امي حبيبه قلبي ما تلبس بالبيت الا اقطن
ابيلها دراريع قطن خفيف بارد يعني .
خياطه عاديه لا موديلات ولا قصات ...
بس تبي مخابي على الصوبين او صوب اليمين والايدين سير ...
قياسها فديت طولها مديم مو طويله امي بس تختوخه وماتحب الضيج ميديم للقطن بس ينغسل يصير سمول
فلارج احسن ......... والوانها هاديه ولو ساده مو مشكله مااحب الغوامج عليها وطبعا ماتلبس الفواتح
ابي من اسعاره من 3 او 4 او 5 ومااعرف اشتريلها وحده ولا ثنتين والا ثلاث .... ان عجبوني باخذهم كلهم

هلا أختي . . .

ربي يخليلج الوالدة أحلى شي القطن في الصيف بارد

افضل شي اشتري لها من المحلات اللي تبيع بأسعار معقولة اغسليه اول شي

وديه اي خياط عادي يفصلهم لج . . .

هالاقتراح ان ما حصلتي شي جاهز . . .

فديت السميه والله
انزين تعرفين محلات حلوه ...
تدرين هذي ست الكل والغاليه مااحب البسها اي شي فديت طولها وعرضها ....
بعد عمري هي لو تشتري ولو يشترون لها اخواني وخواتي اللي اشتريه لها ودها تحطه اعلانات بالشوارع من كثر ماتحبه وتفرح فيه ........... الف حمد وشكر لا وبعد الله ياب لي مرت خال مثلها بعد عمري اهما الثنتين امووووووت عليهم لو ايب لهم كودري جني يايبه حرير ....................
فديتج وفديت اللي تدلني على مكان يبيع دراريع لما تلبسهم غاليتي مااحسها تعبانه ولا كبرت احبها مووت واكيد الكل يحب امه والكل حاس فيني ....
تكفون ابي ربي ييباركلي بعيالي وعلى راسهم الغاليه اكيد وماابي الا الجنه من وراها .....

هلا حبيبتي أم عبادي . . .

شوفي روحي للبلوكات أو اي سوق اقمشة وأخذي قماش قطن في نقشات وألوان حلوة اهم شي تغسلينهم قبل ما تودينهم الخياط . . .
وسوي لها طريقة كسرات من جدام وورى من صوب الصدر او الغولة . . .
هالطريقة تعطيهم شعور بالارتاح . . .
يعني لما تقصين لهم الخامة قوليله بتسوين كسرات بسيطة فيه فخل يزيد شوية ويفضل تاخذين بالخش نفنوف لهم وتفصلين عليه . . .
وربي يخليلج الوالدة ويرزقج برها ومحبتها الدائمة إهي ومن يعز عليج حبيبتي

والله والله ماقصرتي
الف الف شكر
مرورك وردك عطرني مو بس سرني

اذا تبين عندي قماش عليه شوارفسكي من الصدر والاكمام يسمونه خواتنا بالامارات مخاوير

وشوفي مواضيعي موجوده فيها

روحي محلات شحليله دراريعه بااااااااااااارده وحلوه موديلاتها انا على طول آخذ حق ام زوجي منه وفي والله الوان فواتح وغوامج
والا روحي فاشن مل تلقين فيه كل الي في بالج

مثل ماقالت الاخت فش مل تحصلين

او حتى بسيتي سنتر السالمية محلات المعلم هناك فيها ترس طبي وتخيري

ربي يخليها لج