يالله شنو هذا شوف شلون والله حظ تصدقين حطيت نفسي مكانج بس اقولج شغله اذا انتي خلاص اعترفتي انج تقصدينه هذا شي بس اذا مااعترفتي قولي انا اقصد اخوي مااقصدك صايره مشكله بالعايله يعني لايكون مفكر كل همي انت حلو؟! أما اذا عرف صدقيني من ليس له حيله فليحتال يعني تحايلي عليه وقولي له انت الغالي يعني معقوله انت تصدق هالحجي ليش ماتصدق قلبي وروحي الي مستحيل يضرونك ومن هالحجي وركزي ع انج مضغوطه ومعصبه واذا مافاد سكتي لين يهدأ ساعته الموضوع يعدي بسلام ولاتكبرينه عادي حياتي انتي الله يوفقج
بعد عمري والله..عاد تدرين حاولت اني اقنعه وانا حدي شاطرة بهالشغله بس مارضا بعدها ظل يزفني جان يقولي مع السلامة مايبي يسمعني جان يسكره قمت من العصبية دزيت مسج وقلت له الله لا يردك :mskket::mskket: ادري قويه مادري شلون سويت جذي حدي متحسفه :sad_smile::sad_smile:
قلتي له الله لايردك تبين الصراحه والله العظيم الريايل يقهرون والله سمعي احنا صح بس لسان بس قلوبنا طيبه اهما العكس ساكتين ومن تحت لي تحت هذي طبيعتهم الي عليج الحين تستغفرين وتدعين ربج يسخره لج والله والله شي معجزه وبعدها حاولي انج تعدلين اسلوبج معاه وصيري نفسه اذا عصبتي كلش قولي مع السلامه مو تقولين كلام تندمين عليه نصيحه الاستغفار
لأحول ولا قوة أنا صارت فيني قبل هالمره وتوهقت حدي بس مادري شلون عدت على خير أختي اعتذريله ودزيله مسجات حلوه وايبيله هدية أو عزميه على العشاء مافاد ابعدي عنه جم يوم لين مايهدئ وان شاء الله هو اللي راح يبادر ويكلمج موفقة حبيبتي
يبا قوليله دزيته بس جذي بشوف ردة فعلك شلون ولامعقوله انا اسوي جذي وانته مداريني وحاطني بعيونك الله يعينه والله
اولاا لاعاد تعيدينهااا مشااكلج نصيحه خليهااا بينج وبين زوجج ولاتطلع مهماا كااااااااااان اختج وقلبهااا بيصير عليج ورااح تكره زوجج وينزل من عين الكل وحتى لو يطيب فيج يذكروون المشااكل بس مايذكرون الشي الطيب فيه عرفتي فحاولي كثر ماتقدرين ماتطلعين مشااكلج براا بيتج وصدقيني المشااكل اذا طلعت تكبرررررررر وهذي نصيحة امي الله يخليهاا لي مشااكلج ببيتج وانتي وزوجج ستر وغطاا على ببعض .. ثانيااا بطيهاا وقولي له تبي الصراااحه انا دازتهااا لك متعمده بشوووف ردة فعلك والا من صجك بغلط بين رقمك ورقم اختي كنت ابي اعلمك اني زعلاانه ومتضاايقه منك ومن هالحجي عااد كيد النسااا خليه يشتغل خخخخخخ والله يسخره لج ويهديكم لبعض ..
هلا اختي ..انصحج اجلبي الموضوع لصالحج وانتي الي ازعلي ولا اتبينيله وايد انج غلطتي ترا بيستقوى وبيمسكها عليج .. همسه الريال شرات الكورة حطيه ع راسج بطيح ..شوتيه ع اليدار بيردلج وربي يوفجج ..
اهات الليل كويت عسوله وردة دبي وواحه مشكورين عالردود اهو حده زعلان الحين وانا والله توبه مااعودها بس انا ماصدقت تغير معاي وصار زين الحين قلب علي وله حق بس انا والله من حرتي ابي ارده مثل اول حسافه الحين لازم اعيد شريط المعاناة عشان اعدله..انا فبيت اهلي مو ببيتي اخاف السالفه تطول؟؟
يبا دقي عليه الحين وقوليله بقولك شي انا دزيته لك متعمده بشوف ردة فعلك ولا ماكان قصدي اي شي انته زوجي حبيبي ابوعيالي شلون اسوي معاك جذي؟؟ عرفتي اكسبيه لصالحج لاتخرب العلاقه بينكم حرام انصدم اذا قال ليش ماقلتيلي قولي بس بشوف شتسوي الفي شوي كلام شتسوين
قوية صراحة بس غلطانة دزيتي عقبها مسج الله لايردك قوية لو ساكتة ابرك اكيد بيسكرة وبيقول حسافة اني معاملها بطيب وبتاخذة الافكار مني ومني بدل لاتمدحني تذمني ماادري بس لو منج اقولة جاني المسج من رفيجتي متضايقة من زوجها وقالتلي اختي دزيلي ردها ودزيتة لك بالغلط واذا عندج رفيجة تمونين عليها قوليلها تدزلج مثل الكلام على اساس انة اهيا دازتة وانتي واختج بتحلون المشكلة ودزيتي المسج غلط واذا بيتاكد يكون مسج رفيجتج عندج بتورينة الرقم لازم ترقعين الموقف بس خل تقدم ساعتها 5 دقايق عشان بيشوف الوقت لاتصرين غبية رقعيها
الله يكون بعونج حبوبه بس انا من رايي السالفه خلاص تناقشتوا فيها واي كلام ثاني بيبين انه ترقيع عشان جذي خليج ساكته لاتدقين عليه اتوقع انها مسالة وقت بس اذا دق عليج ردي ولاتكثرين سوالف ولاتجذبين لانه اذا اكتشف انج جذابه انسي انه يثق فيج كلش بيضل يعايرج فيها كل عمرج. اثقلي وخلي الموضوع يعدي ولاتنسين انه هو البادي لانه مزعلج الله يفرج همج انشالله
اي والله شلون طافتني الموضوع خلص وانتي ناقشتية يعني لاترقعينها راح تبين لة انج كذابة لو بحزتها وقبل لاتدقين او يكلمج صح بس الحين بتوضحين انج كذابة وبترقعين الموقف ومايترقع دام كلمج اكيد عرف انة انتي الي دازتها امبيييية ترى قريت الموضوع رؤوس اقلام مشكورة على التوضيح اذا مزعلج طنشية احسن ومافيها شي اختج سندج مو احد غريب الي شاكيتلة عشان ياخذ بخاطرة ليش مايشتكي لاخوانة ولامة عطيييية طاف ام الغلا مشكورة انج وضحتيلها
حبيبتي شنو دازة لاختج بالضبط لان لازم تغلبين على الموقف وترى تصير عادي ياما صارتلي وكرهت المسجات وشوفي ردي الي قبل عبالي ماكلمتية بس الحين خلصت السالفة كلمتية تبين نصيحة واجهيي قوليلة سبة المسج خيرة بدل لاتروح لاختي وصلتك انا وربي يشهد علي انك تسوى عيوني المركبة بس تدري ليش دزيت لاختي واشكيلها لان ابي حل يرضيك فيني يمكن معاملتك معاي ماتخليني اقول الي بخاطري وماادري اهوا حياء او خوف منك وانا ماشكيت لوحدة غريبة هذي اختي ستري وغطاي وصلت مرحلة وانفجرت ابي احد يسمعني وعقب الله ماشفت الا اختي على العموم مادري شنو المشكلة بالضبط بس كل شي بالمواجهههههة احسن لان النظرات تلعب دور وطمنينا عليج انا رديت بالموصضوع وعبالي ماكلمتية وحبيت ارقعلج الموقف دام كلمتية اشوف هذا احسن حل
