كروشات وعضوات انا وااااااايد متظايقه قعد اكتبلكم وانا ابجي والله سويت سونار الصبح البنت معدتها حيل صغيره ووزنها قليل والمشيمه اااه مادري شفيها والماي قليل وانا ضعيفه وفقردم ممنوع الصيام حولوني عالفروانيه بعد الفطور راح اروح ومتاكده بينوموني بس مادري اقدر انام ولالا عندي بنتين متعلقين فيني حيل وفكر فيهم نفس حمالي ابنتي ال بس هالمره اكثر2صارلي جذي ونمت بالمستشفى وعقب 10ايام طلعت على مسؤليتي تعبت نفسيتي وعقبها قالوا ولاده ورحت ولدت بخاص الدكتوره اليوم تقولي الافضل لج تولدين بحكومه يماااااااااااااااااااا مابي مابي الصراحه تقول لان الخاص لاسمح الله صار ابنتج شي وقت الولاده او لج يقدرون يتصرفون اما الحكومه لاانا جربت لندن ماقصروا فيني صارلي نزيف ماودوني حكومه قاموا فيني انا وبنتي اخاف اولد بحكومه يمه يعذبوني والله واخاف مايخيطوني عدل اخاف اموت وزوجي مويمي لو يمي بالحكومه عادي اولد بالفروانيه بس بروحي اخاف يمممه تعبانه نفسيتي سامحوني قرقت عليكم وايد بس انتوا خواتي ابي دعواتكم لبنتي ابيها تعيش انا مومهم دعواتكم لي:emoticon_U: شوي واروح المستشفى والله كريم ان شالله
سلامتج يالغالية ان شاءالله مافي البنت شئ.. ودايما يخرعون هالدكاترة.. نصيحة روحي الحكومة مومهم الخياط اهم شئ حياتج انتي والبنت ولاتهملين حالج .. واعتمدي على رب العالمين وصدقيني هذا اختبار من ربج وان شاءالله مافيكم الا العافية.. ادعي ربج واستخيري وروحي الحكومة .. وعسى الله يقومج انتي والبنوته بالسلامة ويخليج لبناتج. طمنيني عليج يالغالية والله قاعدة احاتيج وماتشوفين شر يارب.
حبيبتي أهااااااات اسم الله عليج وعلي بنيتج ربي يهون ويسهل عليج وانشالله ياااااااارب وبحق هالايااام الفضيلة ان البيبي وانتي تكوووووونون بالف خير وعاااافية ...وخليج قووووية لاتكونين ضعيفة ومااااااااااالج الا الدعاااااااااااء ياقلبي ,,واحنااا باذن الكريم ماااراح نقصر بندعيلج من كل قلووووبناااااا....وانشالله يارب تطمنينا عليج ...قلوبنا ودعواتنا معاااااااااااااااج يااختي......
ماتشوفيييين شر يالغالية .. والله يقومج بالسلامة وان شاء الله البنوتة مافيها اله العافية وراح ندعيلج ان شاء الله وانتي طمنيييينا عنج ....
يا حياتي أهات ماعليه هونيها وتهون خلي املج بالله قوي وأدعي لربج بهالأيام المبارك والله مايخلي عبده والحكومه أدرا بحالتج من الحكومه اذا صار شئ يتصرفون وحيل يهتمون بالكويتين وستخيري وربج كريم يا قلبي ياربي يتم حملج على خير وتولدين وتشيلين البنوته ومافيج ألى العافيه ياااااااااااااااارب
سلااااااااااااامتج الف سلامه يالغاليه لا والله انتي اهم من البنت عادي البنت تتعوض بس انتي الله يخليج حق بناتج ويقومج بالسلامه يارب طمنينا عليج
السهاله من الله لاتقولين حكومه والا خاص التساهيل من الله يالغاليه بنحاتيج عفيه طمنينا عليج ولاتهملين نفسج واذا قالولج دخول دشي المستشفى اهم شي صحتج
الله يجزاكم الف الف خير يالغاليات ماقصرتوا والله مادري ششكركم فيه ماقصرتوا بدعواتكم لي يابعد عمري رديت عال11قالولي دخول قلتلهم خلوها باجر الظهر عشان عمات بناتي يكونون طالعين من الدواميعني باجر بدش المستشفى تخيلوا بنتي اقل من عمررها ب4اسابيع@@حرامااااااااااه قلبي يعورني وباجر لادشيت بيسولي كل شيان شالله دعواتكم لي انا بروح انسدح شوي حدي هلكانه
اهات يا عمري لا تستعجلين على عمرج انا قالولي قبل كليه ولدي كبيره ورحت لدكتور ماجد الشمري مختص بطب الجنين وحيل طمني انصحج فيه
كلش ولا اهات عاد والله انج غاليه علي لو اني ماعرفج بس مادري ليش لما اشوف صورتج احس لج غلا عندي الله يطمن قلبج ويقومج بالسلامه ويعافي بنتج لاتخافين الله ماينسى احد (يحيي العضام وهيا رميم) امانه وياج اقري صورت يس وادعي والله راح يستجيب دعائج واذا على المستشفى لا تخافين شكثر ولدو الحكومه وماصار فيهم شي وحبيبتي يكفي كلام الدكتوره ان اذا صار شي لا سمح الله والله لا يقوله الحكومه احسن من الخاص واذا على الخياطه لو تسوينها بعدين عند دكتوره خاصه اهم شي عافيتج وعافيت بنيتج وبناتج الثنتين ودعيهم الله الذي لاتضيع ودائعه وخلاص لاتخافين الله ماراح ينساهم وصدقيني راح يجي يوم نتذكر هالسالفه وتقولين الحمدلله ازمه وعدت وطمنينا عليج ياقلبي وياعلج ماتشوفين شر ياقلبي
سلامات وأجر وعافية حبيبتي أن قالو لي بولدي إن البيبي فيه ورم والحمد لله وولدت وماطلع فيه شي الحمدلله إدعي ربك والله يهون عليك وتردين لبناتك وأهلك بالسلامة وبحظنك بنوتك...........
ان شاء الله ما عليج الا العافيه والله يقومج بالسلامه والله مدري شقولج قطعتي قلبي الله يكون في عونج وان شاء الله تشوفين بنتج قدامج وما يكون فيها شي بس انتي لا تتعبين نفسج بالتفكير والبجي ترى والله كل هذا ما يفيد ادعي ربج هو القادر على كل شيء وانا بعد ما راح انساج بالدعاء وما تشوفين شر يالغاليه وكلنا ننطرج طمنينا عليج
سلامتج حبيبتي ماتشوفين شر ماعليج من الخاص كله يخوفون وعالفاضي اصلا الحكومة احسن لج بس لاتنسين الدعاء يهالشهر الفضيل وتوكلي على ربج ولاتحاتين الله يقومج بالسلامة انتي وبنتج ويخليلج بناتج ياااارب تكفين طمنينا عليج والله نحاتيج ناطرينج....
سلامتج يالغاليه والف سلامه عليج وعلى بنتج والله يشافيج ويقومج بالسلامه يارب وتولدين ومعاج اخلى البنات ومافيكم الا العافيه انشالله وراح ندعيلج الدعوه في ظهر الغيب انشالله انها مستجااااابه طمنينا عليج قلوبنا وعقولنا معاج وانشالله تقومين بالسلامه انتي وبنتج يااااااااااااااااااااااااااااااررررررررررررررررررررررررررررررب
عورتي قلبي يابعد عمري بس وكلي امرج لله و لا تحاتين شي و لا تفكرين بالموت خلي ايمانج بالله قوي و الله يسهل عليج و تولدين وتقومين بالسلامه و تشوفين بنتج واهيا بصحه و عافيا ياااااااااااااااااااااااااااااااارب
هلا حبيبتي . . . لا تكدرين خاطر نفسج وتتعبين نفسيتج بحجي هالاطباااء . . . البنت وزنها قليل وبالتالي المعدة صغيرة بحسب حجمها . . . تغذي عدل واخذي دم بالدرب من الحكومة ،وربج كريم وان شاااء الله تقومين انتي والبيبي بالسلامة يارب بنتي الاخيرة كان وزنها 2و700 صغيرة حيل والدكتور لاحظ ان وزنها مو على عمرها بالسونااار ولا اهتميت لاني عارفة اني ما كنت اخذ فيتامينات وادرس وبالتالي حجمها صغير يعني نفسية . . . يعني انتي وزنج بسيط وماتغذين نفسج عدل وهالشي بينعكس ع الجنين ان وزنه اقل يكون . . . اهم شي ترتاحين وتاخذين دم وبشرينا عنج يالغالية
