ذكريات الطفوله

مرحبا لكل وحده منا ذكريات ايام الطفوله

ذكريات حلوه:teeth_smile:

ودنا ترد الايام عشان انعيشها

وذكريات ماودنا انتذكرها:emoticon_U:

المطلوب كل وحده تكتب موقف لها ايام الطفوله ودها يرد او العكس موقف تقول الله لايرده

لعب وبراءة الطفولة ,,,,,,,, ووناستنا قبل ولمتنا الله يردها


موقف موت الوالد ,,,,,,,,,,,وكنت صغيرة حييل وبعزاه كنت العب واضحك موعارفه شنووو الموت !!!!!!!!1

احلا ذكريات عمري القواري والعب بالبراحة الحين مالج امل تطلع البنت من الباب وووووكل شي حلو وودي يرد [/u]

موقف حلو ايام الطفوله قفلت على بنت جيران باب الغرفه وخشيت المفتاح ورحت قلت لاامه بنتك تبكي مقفل عليه بالغرفه وكاني ماسويت شي:75_75: طبعا هم عندنا وقعدت الام تصرخ تحاول تهدي بنتها وامي راحت ادور سبير حق مفتاح الغرفه وانا مستمتعه بالمنظر:teeth_smile: وبعده لما شبعت قلت لقيت المفتاح طايح:wink_smile:

كانت طيبه طفولتي بريئه:74_74:

خوش موضوع طفولتي افلااام . . .

خصوصا اني كنت ألعب ويا صبياااان يعني ربعي صبيان واهمه بنفس الوقت عيال اخوي !

كنا نزرع الحديقة ونجتهد ونشتغل . . .

الصبح ع الساعة 5صباحا نسوي ريوووق وبعدها نظف المطبخ >>حريصين والله

والعصاااري طبعااا القاااري ناخذ لنا فرة حوالين الدوااار . . .

ما انسى شلون تعلمت ركوب القاررري ياهو حاااشني كدمات وتزلغ وطيحات وكنت اضحك عادي!

وإن ضاااق خلقي لعبت بالديرفة بحووش بيتنا مع اختي . . .

أو

جابلت الكناااري

وكثير من الذكرياااات الحلوة ويا بنات جيرانا لعب وناااسة وسهر كنا فعلا اطفال . . .


والشي اللي ما احب اتذكره

ان هالايام مستحيل ترد

اشكركم على ردودكم
عز الله انكم صاجين هل وقت مافي طفوله ليت ايام اول ترد وترجع شطانتنا يا حلوها من شطانه

احلى ايام الطفوله بالنسبه عندي بالعيد كنت ازهب ملابسي من قبل بيوم واحطهم يمي واقوم بسرعه من اول ماتقعدني امي مو نفس الحين الله يهديهم وبعد بالقرقيعان شي مو طبيعي وناسه لما يرشونا بالماي الي ماعندهم قرقيعان وشغلات واجد حلوه ذكريات ماتنسى