صباح الخير يااحلى بنوتات شخباركم عساكم بالف خير عندي جم سؤال بخصووص حمال انا ودي اعرف متى يبين نوع الجنين ومتى يتحرك الجينين ياليت تفيدوني لان اول حمل لي وناطره الجواب ولا تحرموني من ردودكم
حبيبتي الي اعرفه بالشهر الثالث وفي بنات ما شاء الله يبين معاهم ابجر قبل الثلاث شهور وفي بنات يستخدمون الجدول الصيني لمعرفة نوع الجنينن بس الاكيد العلم عند الله سبحانه والله يثبته برحمج ان شاء الله
مشكوره ياقلبي ع الرد والله زعلت ع بنات المنتدي المشاهدات وايد محد يرد يالله فرحتيني برودج لي فديتج دانه الدنيا:angel_smile:
افا عليج شدعوه فديتج شوفي حبيبتي هذي الطريقه شفتها بالمنتديات جربيها والعلم عند الله الطريقه اذا قمتي من النوم جيبي كاس زجاج نظيف وحطي فيه ملح مقدار ملعقة كبيرة يغطي الارضيه ثم ضعي عليها بولك اعزكم الله وانتظري شوي اذا تعكر لون البول وصار فوقه زي الرغوه يكون الجنين ولد واذا لم يتعكر لونه ولا صارة رغوه وتشوفين فيه مثل الخيوط البيضاء تطلع من تحت لفوق يكون الجنين بنت موفقه
اختي جنس الجنين احسن شي يبين بالشهر الرابع والخامس وفي بنات يبين معاهم من الشهر الثالث بس الاكيد الخامس احسن وانا بعد بجر وحركه البيبي ماحسيت فيها الا بالسادس يعني عادي اتحسين فيها متاخر لا تخاتين وانتي باي شهر الحين ؟
هلا قلبي انا توني داشه الرابع بس احس شي ينقزني موعدي يوم الاحد ان شاءالله ابشرج يسلمو ع الرد:angel_smile:
الله يتمم عليج ويثبت حملج ان شالله ويقر عينج بشوفت ضناح ويحميكم من كل شر وحده عن وحده تفرق في تحس بحركة البيبي بالرابع والخامس وفي بالسادس واذا على جنس البيبي انا بنص الرابع اعرف جنس البيبي وعلى حسب شطارة الدكتوره الله يعطيج اللي تتمنينا يااااااااااارب
اول شي الله يثبته ويباركلج فيه وان شالله من المتعافين الصالحين جنس المولود يبين من الرابع اكيد وعلى حسب شطارة دكتور السونار والحركه الاغلب من الخامس وتزيد مع زيادة حجم الطفل وتقدم شهور الحمل واهم شي الخلقه والاخلاق السليمه والحمدلله على النعمه والله يرزق كل من تمنى
الله يثبته ان شالله اذا ولد يبين من الشهر الثالث واذا بنت يبين عقب.. وحركة الحننين ماتحسين فيها الا بالخامس او السادس
ماحبيت ادخل وماارد اولا الله يثبت حملج ويهون عليج انشالله واعتقد عرفتي الاخوات ماقصرو بس تلرى الولد يبين اكثر من البنت يعني من 3شهور ونص يبين اذا ولد والله يرزقج انشالله
هلا وغلا انا مثلج بجر دخلت الرابع ولالحين مومتأكدين قالولي بنتوته استانست حييييل بس ضاق خلقي لمن قالولي نطري لي الخامس علشان نتأكد وللعلم سويت السونار عند دكتوره اميره بهبهاني ودكتور تومسو بس محد عطاني الاكيد فبنطر لي الخامس
اختي الغالية نوع الجنين افضل وقت بالخامس وبنسبة للحركة البجر غير تحسين فيها متاخر شوي يمكن نص السادس والله يهون عليج ويتمم حملج على خير
يبين بالرابع والحركه هم بالرابع بس في جهال يتحركون متاخر مو كلهم نفس الشي كل طفل يختلف عن الثاني والله يتمم عليج يارب
