السلام عليكم ورحمة الله وبركاته اشلونكم يابناااااااااااات ابي استفسر عن ربط البطن بعد الولاده سمعت انه يضر الرحم لانه يكون توه وسمعت انه يقلب الرحم أو يخليه مايل ومو زين انتوا اشرااايكم ؟؟؟ وتدرون بعد الولاده الكرش تكون كبيره ومترهله .. ابي رايكم يابنات عطونا رايكم نفيد ونستفيييد ^_^
هذى الشغله وايد تحير ناس تقول تربط وكرشتها راحت من الربط وناس تقول موزين بس للأمانه سمعت من دكتور تجميل يقول : الربط يرخى العضلات لأن بفترة الحمال تكون العضلة متمددة والربط يضغط عليها فترتخى اكثر بس لما تشدين بطنج وتشفطيين العظله للداخل ترد قويه وفى مكانها والأهم يكون بين الولادة والثانية سنتين عشان ماتكرشين وعن نفسى ماأربط وأحاول فترة النفاس اشد عضلات بطنى وماشالله يروح البطن بالتدريج
اكيد مهم بس لازم تربطين بطنج بعد عشرة ايام من يوم الولادة عشان يكون رد الرحم لمكانه شوفي امهاتنا وجداتنا مالهم بطن ولا كرش وهم ماشالله عندهم فوق عشرة اطفال لانهم كانوا يربطون بشماغ نصيحه تلاحقي عمرج تقدرين تربطين بمشد اندونيسي او كروسيه او حتى شماغ اهم شي تربطين
القيصرية اكيد لا وحبيت اضيف معلومة اللي متخوفين انه مو زين تذكرون الافلام القديمة كانوا كله يلبسون كورسيهات يعني حريم العصور الوسطى كان خصرهم حيل نحيف بشكل غير طبيعي الكورسيه وغيره ينحت الخصر
اشكر مروركم حتى اذكر رداده جت حق اختي وقالت لها مو الحين تربطين انطري بعد اسبوع او عشر ايام واربطي بس بعد لازم يكون في تخوف من هالشي ..
انا عن نفسي اربط بطني بعد جم يوم من الولاده بشماغ زوجي يمكن 3ايام وعقب افجه لان انا ضعيفه مايحتاج ربط شوية اهتمام وشد عضلة البطن واكل صحي وتروج او تخف
الربط للقيصريه بيكون بكورسيه مخصص للقيصريه بعد الولاده علشان ما يضغط على الجرح, لكن بعد 2 شهرين لتلات شهور على حسب كل واحده ممكن تلبس كورسيه.
اللي أعرفة وجربنه أن ربط البطن يكون بعد الولاده بأسبوع على الاقل .....والعمليه القيصرية ممنوع عليها تربط بطنها ....والله يقوم الجميع بالسلامه ...
انا اللي اسمعه في حريم يحطون كشكول ومادري شنو طابوق وخرابيط وفي ناس يربطون شماغات وامي كانت تنصحني بالشماغ بس انا استخدمت شورت من تحت الصدر يكون لي تقريباً ركبتي بس حدهه روعة ويشد.. بس طبعا بعد 10 من ولاداتي كنت استخدمه وعلى بجري كنت ملتزمة بلبسه وكرشي اختفى بس الحين مو وايد وصار عندي كرش بسيط ( ..والقيصرية ما عندي فكرة عنها!!
اربط بشماغ ومرات بكورسيه مع كشكول احطه يخف حيل بس ما يروح بالمره جربت الندونيسي بالمره ما ضبط معاي الظاهر ماعرفت له
انا الله يخليلي الوالده ويطول بعمرها تقولي لازم تربطين بعد عشر ايام من الولاده والحمدالله عندي اثنين ومافيني الا العافيه
أنا سمعت إنه يضر وكنت متخوفه بعد ماولدت وكنت أربط بطني أرخي شوية وأنا توني طالعة من الأربعين صار لي يومين ولي كروشة صغيرونه وإن شاء الله تروح مع الوقت تحياتي
انا حاليا نفاس وكله اربط بطني بعد الولادة مباشرة وما افتحها الا وقت النوم وتروح بعد فترة بسيطة بس انا اربطه بالمشد الاندنيسي احسن من الشماغ
