رجيم ما حسيت فيه

السلام عليكم

بنات انا من 3 اسابيع مسوية رجيم عادي مو قاسي وكان وزني 77 والحين 70

المهم النظام لي سويته بروحي ما حد عطاني اياه حففت الحلويات والسكر لاني عارفة نفسي تيني فترة كل شوية ككاو وهو لي يمتني

ومرة كنت اتابع برنامج وسمعت انو كل وحدة فينا عندها شغلة تزيد وزنها لازم تعرفها شنو ايهيا بالضبط وفي تحليل دم يسونه عشان تعرفي شنو لي يمتن بالضبط

بس للحين اكل كاكاو خاص بالريجيم ما اقدر لازم مع القهوة التركية بعد الغداء مباشرة والقهوه من غير سكر او مع سكر الرجيم

وبالليل العشاء خفيف الاغلبية شوربة ماجي اكثر فيها الماي وتصير خفيفة مع توست اسمر يابس او اي شي خفيف

طبعا الغدا نفس ما اهو اكل لما اشبع واكثر من السلطة

وبين الوجبات عصير اناناس وبسكوت دجستيف لايت او تفاح

اصدقين انا نفسج الي امتنني هي الحلويات
وسويت نفس رجيمج بس خلال شهر نقصت
بس كيليوين

هلا حبيبتي انا ما اكل حلويات كلش بس كاكاو واستغنيت عنه بكاكاو الرجيم المر سمعت انو فيه بروتينات يعوض النقص وحتى الزوارة اخده وياي عادي


راح تنقصين انشاء الله بس وخري عن الحلويات وادا اكلتي قطعة صغيرة شربي وراها شاي اخضر من غير سكر او سكر الرجيم

وانشاء الله ترجعين مانكان