رحلتي تركتيني شماته.....قصة الاغنيه

اغنية " رحلتي " .. من اجمل و اروع اغاني عبدالله رويشد ..


طبعا هي البداية و الانطلاقة لعبدالله رويشد ..


--


يقال ان لها قصة حقيقة ..


و هي ليست من تأليف الشاعر الكبير / عبداللطيف البناي !!


--


نقرا قصتها المؤثرة ..



كثير منكم سمع اغنية رحلتي للمطرب عبدالله رويشد بس كثير منكم مايعرف قصة هالاغنيه
لو دققتوا على كلمات الاغنيه راح تحسون انها وايد معبره وراح تعرفون ان كلماتها ما
انكتبت من فراغ لهالاغنيه هذي قصه واقعيه وكل حرف فيها واقع عاشه كاتب هالكلمات


انا عن نفسي لما عرفت قصتها تأثرت فيها وحطيت نفسي مكان صاحب القصه وقتها ما
ابالغ اذا قلتلكم دمعت عيوني وحسيت بضيقه بصدري حسيت شكثر هالريال تعب وشكثر عاش
بقهر وعرفت انا الوفى يضيع عند الي مايستاهلونه صعب تشوف كل اللي بنيته باحلامك
وعشته واقع وترجيته يكون ملكك ينهار جدامك ينهار وتنهار معاه ينتهي حلم السراب
بغرور وقلب قاسي من وحده ماتستاهل وحده باعت حب وتضحيه وعشرة اسنين بتراب
المظاهر


ماراح اطول عليكم انا عشان تطلع القصه بصدق مشاعر كاتب كلمات الاغنيه حطيت نفسي
مكانه وعشت كل لحظه من لحظاتها وحاولت اعيش الواقع اللي عاشه عشان اقدر اوصف لو
جزء من شعوره واوصل اللي حاول اهوا يوصله والي قدر يوصله بكلمات الاغنيه المعبره
راح افرض للكاتب اسم من اختياري ولو اني اعرف اسمه الحقيقي وراح ابدى لكم القصه
وراح اقولكم شلون كلماته وصلت للمطرب اللي غناها




تعرفت على ريم كانت اتردد على نفس النادي كنت ايي فيه مع ربعي اول يوم شفتها
اشغلت فكري صارت ظلالي مايغيب عني بتفكيري قمت اتردد على النادي بصورة مو طبيعيه
كان وقتي كله بالنادي اترجى ربعي يودوني عشان اشوفها كنت انطر بالساعات على امل
اني اشوفها كل يوم كانت اتيي وكنت كل يوم احلم اني بكلمها اليوم بس ارد البيت على
امل باجر حلمي بيتحقق واقدر اكلمها وبقيت على هالحال شهرين مره من المرات قطعت
عن النادي اسبوع ينيت وقتها افكار اتوديني وافكار اتيبني الف وسواس ايدور ابالي
يمكن بطلت اتي يمكن تزوجت يمكن سافرت ويمكن ويمكن


وانا كل يوم بالنادي ساعة مايتبطل ليما يتسكر وانا ما افارقه خفت لا يخوني الوقت
واتي بغير وقتي


لما شفتها داشه لحظتها حسيت اني مو مصدق الي اشوفه حسيت باحساس اللي فقد عزيز
اسنين وبلحظه من غير اي موعد يشوفه جدامه قمت احضن الي يمي لدرجه اني لفت انتباها
وحسيت بعيونها كأنها اتقولي ادري انك فقدتني وكأنها تقول بغرور وبفخر قدرت العب
باعصابك قدرت اخلي غيابي يحرقك


اهني قلت لازم اصارحها خفت لا يتكرر اللي صار تشجعت نطرت لما اتكون بروحها كانت
وقتها باحلى منظر كانت من اسلوبها من طريقة تعاملها من لبسها بنت راقيه احترت شلون
افاتحها بالموضوع قربت لها قبل لا ابدي قالت اسمي استغربت قالت اسمع ربعك ينادونك
وعرفتني باسمها


عرفت انها طالبه بالجامعه وعرفتها بنفسي وبشغلي ولما عرفت اني موظف حسيت
بملامحها اتغيرت حاولت اتغير الموضوع وقعدنا نسولف بمواضيع عاديه


تواعدنا بنفس المكان باجر


رديت بيتنا وانا طاير من الفرحه رديت غرفتي لمييت مخدتي حاولت انام ماقدرت قمت
افكر اباجر احلم بالايام اليايه


يا الموعد قبل الموعد رحت الصالون رحت السوق اشتري اغلى شي فيه مابي ابين لها
اني اقل منها بالذوق رحت لها نفس الموعد تاخرت علي وانا ناطرها لما شفتها يايه
واهيا تتبسم شافتني ضحكت واهيا تقول شمسوي بعمرك هني حزة بنفسي الي انكسرت من
ردة فعلها حاولت اتجاوز الموقف ببتسامه


كانت تشكي لي قصة رفيجتها الي تزوجت واحد عذبها بقسوته بفقره وكانت اتقولي الي
بتزوجه ابيه يعيشني بقصر ويخليني ملكه وكانت اتقول احلامها وانا اسمع وبداخلي صوت
مذبوح وده يصرخ ويقول ابي ابنيلج قصر ابي اعيشج اميره بس


مرت الايام علاقتنا كبرت مع الايام ويا اليوم اللي فاتحتها بشعوري وردت بغرورها
الي صار دم بوريدها قالت ادري قلت لها شدراج قالت بنفس اللهجه المغروره
لاني انا انحب


سألتها عني قالت لي حتى انا بديت ارتاح لك بديت اعزك بديت احس باكثر من جذي حسيت
هني اني ملك هالارض حسيت ان سعادة الكوون بكل افراحه ماتجاري فرحتي حاولت اتصنع
احساس اللي يتعامل مع الخبر بهدوء وبكل ثقه عشان لاتلاحظ اني ملهوف على هالكلمه
بس ماقدرت اخذتها من ايدها وقلت لها تعالي بعزمج عزمتها


طافت الايام وحبنا بدى يكبر


كانت تقولي اني اغلى مافي الكون وانها عمرها ماحبت كثر حبها لي


عودتها ما اشوفها الا معاي هديه


حسستها اني بكل مافيني ملكها


قمت اقصر بحقوق ربعي عشانها وقتي كله لها


هجرت الكون كله لعيونها


مر على حبنا ثلاث اسنين


كانت اسنين مكتوبه ايامها وكل لحظه فيها بحروف حبنا كل دقيقه اتمر فيها اقول
احب ريم كل لحظه فيها اقول اعشق الكون لعيونها


مرت لما يا وقت قالت فيه ريم يايوسف لي متى واحنا هذي حالتنا وهذي حالتك قلت لها
شفيني قالت مادري بس بصراحه لازم تفهمني ونهايتنا شلون قلت لها انتي تدرين اني
ماعرفتج الا عشان ابي اتكونين لي واتزوجج قالت لي وانته بهالحاله قلت لها شفيني
ريم قالت مافيك شي بس انته موظف قلت لها اي شفيها قالت يوسف انته تعرفني وتدري
انا شنو ابي اول ماتعرفنا قلت لها ريم بس انا عطيتج حب عطيت اخلاص قالت يوسف حبك
واخلاصك ماراح يبنون لي قصر ولا يخلوني اعيش بمستواي


قلت لها يعني حبي مله اي قيمه قالت لا تدري اني احبك بس حب من غير مستوى صدقني
مايسوي شي ولا يدوم


استغربت من كلامها قلت معقوله الحب صار يقيسونه بشكثر عندك ماده


قلت لها واذا ماقدرت ردت علي بكل برود وبكل قسوة قلب اذا ماتقدر على شي لا تبدى
فيه ولاتحاول اتفكر فيه وانا فهمتك هالشي من البدايه واذا ماتقدر كل واحد بطريج


انا انصدمت من هالرد وقتها قمت من المكان وطلعت وانا مادري وين اروح حسيت كل شي
بطريجي مسكر حسيت بمثل العطشان اللي يركض اسنين ورى الماي الي جدام عيونه امبين
وماقدر يوصله لما حس انه بيوصله اختفى تبخر عرف انه سراب


بس انا رفضت هالاحساس رحت لها قلت ريم خلاص مو تبين اعيشج بالمستوى الي تبينه انا
حاضر


شهر افكر شلون اوصل اللي كانت تتمنها حاولت افكر لما يرني الشيطان لفكره لعينه اقدر
اكسب فيها فلوس بوقت اقدر بهالوقت اتلاحق نفسي وما اخلي لريم حجه علي


زليت وزلت ريلي لطريج الغلط وبديت اتعامل وممنوع بالقانون مرت سنه بديت ايمه
بهالدرب فلوس وبدى التغير فيني لدرجه انه بين علي ولدرجة اني استغلت من وظيفتي
رحت لها قلت لها الحين اقدر اخطبج قالت بعد عمري يوسف الحين انا اقدر اقول اني
كلي لك وافتخر فيك جدام رفيجاتي واقول شوفوا منو ريلي


قبل لا اتقدم لها سمعت ابلاغ القبض علي لانهم اكتشفوني ولما عرفت انه ماكو مفر
ونهايتي قربت رحت لها وصارحتلها بالي صار وقلت لها لاتتخلين عني انا كل الي سويته
هذا عشانج وبنسجن عشانج


ردت علي باسلوبها الرخيص الحقير


انا ماقلت لك اسرق وتاجر بالحرام انا قلت لك ابي اعيش مثل الناس قلت لها وانا ؟


كل الي سويته واللي وصلني هاللي وصلني وصرت حجوة بلسان الي يسوى واللي مايسوى
وبالاخير اصفى على ولا شي


لا انا ما اقبل الخساره قالت كيفك يوسف انا بصراحه ما اتزوج واحد مثلك خلاص فارج
ولا ابي اشوفك هني لاتشبهنب واتيب لي الشبهه وانساني خلاص


وين دموعج لما كنتي اتقولين انج تحبيني ولايمكن تتنازلين عني مهما صار


معقوله كانت بهالرخص الدموع؟


معقوله ماكان احساسي وحبي لج مسموع؟


انتي مو انسانه عاديه انتي ظالمه انتي شيطان


المشاعر عندج تشترينها وتبيعينها مثل اي اكسسوار تكشخين فيه اليوم وباجر تقطينه


اللي مثلج ما يعيش


اللي مثلج الموت رحمه له وللناس


ابيج تنتهين مثلي مثل ماحبيتج وكنتي معاي ابي اروح وانتي معاي


وهني طعنتها بقلبها اللي عمري ماشفت اقسى منه


وماتت بيدي وانا


انتهيت بالسجن الي رحمه لي من عالم فيه الوفى مات


وكتبت قصتي قصيده تنقال على كل البشر


ويغنيها الناس عشان جايز يتسلون فيها وجايز بعضهم يعيشها ومايتعشم الوفى بانسان ولا
يبقى بهالدنيا صاحب وعلى الدنيا السلام


سلمتها لضابط السجن اللي وصيته يسلمها لاي مطرب يغنيها




القصه احداثها واقعيه
مرت السنين ويا الغزو وافرج عن يوسف ابعفو اميري بعد الغزو بعد ماخفف
الحكم والحين يوسف عايش بينا بس من غير لانعرفه ويمكن تزوج وعنده اولاد
ويشتغل





رحلتي وتركتيني شماته وحجوه بلسان البشر ..



وجهلتي من فدى عمره وحياته وحاشه غربال وسهر ..


أثاري كل ما قلتي كلام في كلام ..



يا ويلي ما بقى صاحب وعلى الدنيا السلام ..




صحيح اني لمست الجرح وعانيته ..


وصحيح اني بطول الصبر داويته ..


ولكن ما وطى راسي ولا إحساسي ترجى فيه ..


وأنا في عزتي وذاتي طويت بحاضري ماضيه ..


أثاري كل ما قلتي كلام في كلام ..


يا ويلي ما بقى صاحب وعلى الدنيا السلام ..



تعبت وأنا أسامح فيك في كل حزّه ..


ولي عزة مثل ما إنت لك عزة ..


عرفت الناس والدنيا نادر الوفا فيها ..


عرفت النار ما تحرق إلا ريل واطيها ..


أثاري كل ما قلتي كلام في كلام ..


يا ويلي ما بقى صاحب وعلى الدنيا السلام ..







--


بالنهاية سواء القصة حقيقية ..


او غير حقيقة ..


تظل من اروع الاغاني ..


و كلماتها حلوة و معبرة بشكل كبير ..


و كبير يا بوخالد و ليتك تعود مثل قبل

منقووووووول لعيونكم شرايكم؟؟؟؟؟؟؟؟؟؟
انا سمعت انها حقيقيه انا بصراحه كسر خاطري واعليا حرام انتو شرايكم؟؟ :71_71:

اخييييه والله عور قلبي مالت عليها موكفو والله
والله دارج بالدريه وايد من هالاشكال حب المظاهر والفسق على الطل
ماقول غير الله كريم
ويسلمو حبوبه على النقل

ههههههه حبيبتي فديتج والله انتي اللي مشكوره على المروور اللي حده حده حده حلوووووو احلى من هيفا وهبي زين
ههههههههههههههه

هههههههههههههههههههههه العفو حياتي
والله انتي وحده دمج عسل ^_^

قلبي والله انتي العسل

بنات وين ردووودكم بس تحبون تقرون او بس يعني علقو كتبو شي ..... مني مناك
معقوله في ناس مايحبون عبدالله وريشد ماصدق ق ق ق ق ق ق

اذا الصخر نطق ينطقون تكفين شوفي جم مشاهده حق القصه الي قاعده انقلها 195 وبس انتي مع الاسيره تعلقون والباجي ينطرون بارده مبرده ههههههههههههه
الله يعينج عليهم

ههههههههههههههههههههههههههههههههههههه
اي والله صاجه

يعطيج العافيه حبي ..~

الله يعافيج قلبي نورتي والله

حياتي يعطيج العافية ما قصرتي و طاب منقووولج

صج تأثرت بالقصة حيل عورتي قلبي

تسلمين و في إنتظار جديدج

الله يعافيج يا عسل نورتي

وسلامة قلبج فديتج :*

يعطيج العافيه القصه مؤثره وايد