رد على التشهير فيني!!(وعتب على الادارة)

يسعد صباحكم ومسائكم بكل خير,,

اشلونكم حبايبي بغيتكم شوي ودي افضفض شوي تعالوو سمعو سالفتي :smile:

انا بصراحه ماكنت بتكلم وكنت معطه الموضوع طاف بس قلت لآزم اتكلم بعد ماوصلت السالفه للتشهير وحديث العموم

اكيد سمعتو بالبنت الي شهرت فيني وتكلمت عني بكل وقاحه وبجاحه وجان زين ماتكلمت لآنها فضحت روحها بتناقضها وكلأمها اللي مايدش العقل

ودام اهيا فتحت الموضوع وتكلمت بهالطريقه عني انا راح ارد عشان ابري ذمتي جدام ربي والعضوات اللي دايما يسئلوني شلموضوع وحابين يسمعون السالفه من الطرفين واحب اشكر الاداره واعتب عليهم بعد صج ان احنا بالكويت نتمتع بالديمقراطيه وحريه الراي والراي الآخر بس انا ماتوقعت الاداره بتخلي الموضوع مفتوح وفيه تشهير ببنات خلق الله عيب انا يتلي اتصالات وايد وناس قالولي شوفي شنو مكتوب عنج بالمنتدى الفلاني انا صراحه انصدمت!!! شنو هذا وين قاعدين احنا ؟؟ وحده بيني وبينها خلأف قامت وكتبت عني موضوع وغلطت علي وشهرت فيني على سبب تافهه وسخيف!!

والمشكله انها ليلحين تطرشلي مسجات وتغلط وانا بكتب السالفه والله فوقي شاهد على كل كلمة راح اكتبها
السالفه اني كنت منسقه معرض وتعرفت على مشاركه المهم انا غلطتي ان فتحت لها بابي واحترمتها وقدرتها وصارت صديقتي اتفقنا قبل فتره من لمعرض ان البس تصاميمها في المعرض يعني كدعايه لها لأن اول مره تشارك في معرض وانا وافقت حلو الكلأم؟؟


المهم شافت اختي الصغيره واستانست عليها وقالتلي ان بخاطرها تسوي حق اختي نفنوف من تصميمها وانهااا متشوقه تسوي حق اختي تصميم وحلمانه فيه وانا ماحبيت اكسر فيها قتلها مومشكله عادي وفعلا يت وخذت اختي وسوت التصميم الي حلمانه فيه على قولتها وقتلها ولا يهمج راح اخلي اختي تلبسه وتسويلج دعايه وقبل هذا كله كانت وايد تمدح بشغلها ووصلت ورفعت بنفسها بصراحه انا قلت هذي خلأص اسكت بروفشونال من كثر مامدحت بتصميماتها!! المهم قبل المعرض يابتلي التصاميم عقب ماشفتهم دقيت عليها وقتلها رايي بصراحه وقتلها تتقبلين النقد وقبل كل شي احنا خوات وانا ابي اعطيج رايي بصراحه قالتلي اوكي قتلها بصراحه التصاميم ماعجبوني وماتوقعتهم راح يطلعون بهالصوره اسمحيلي ماقدر البس شي انا مومقتنعه فيه وللامانه قتلها بس قميص واحد الي عجبني اما الباجي موحلوين المهم عصبت علي وصكرته !!!


المهم انتهى اليوم على خير قعدت الصبح ولا مسج منها وكاتبتلي فيه ان حساب البدل الي سوتهم وحطتلي ((مبلغ)) اتصلت عليها قتلها اي مبلغ انا ماتفقت معاج على شيّ جان تصارخ علي وتقولي راح تشترينهم قتلها هذا مو اتفاقنا احنا قلنا دعايه بس امس قتلج ماراح اسوي دعايه موعاجبييني المهم عصبت وقلت ادبها وصكرت التلفون بويهي وقالتلي انا راح ادخل ريلي بالموضوع واوصل السالفه لي ابوج!! قتلها عيب حبيبتي هذا موضوع بيني وبينج عيب يوصل للريايل ونتهاوش على قميص ونفنوف كبري عقلج ردت علي رد خاايس المهم انا حسيت ان الموضوع في شي غلط وان هالانسانه قاعده تستغلني تعوذت من ابليس ورحت المصبغه وديت الملابس ورحت المعرض دشيت وسلمت عليها وردت علي بنفس خايسه وقتلها مشكوره يا فلانه انا عديتج صديقتي بس ماتوقعتج جذي بصراحه وتفضلي هذي ملابس انا طاب خاطري منهم وتتوفقين ببيعتهم ان شالله ردت علي وقالتلي كلأم ماينقال وقعدت تهددني وانا مارديت عليها مشيت!!

قامت تسوي مشاكل بالمعرض مع المشاركين وتطلع حجي وتبي تطلع المشاركين من المعرض باي طريقه لما الاداره كلموها وطلعوها من المعرض واول ماطلعت من المعرض قامت تشهر فيني بالمنتديات ان انا بقتها وان المعرض فاشل وكلأم واايد بصراحه مادري انا مصدومه ماتوقعت اني بصادف انسانه بهالمستوى وهالتفكير الله لايبلانا يارب

واللي يصدم ان انا خليت اختي تلبس تصميمها تخيلوو شسوت!! قامت تصارخ على اختي وتزفها ليش انكت ماي على النفنوف امبي حرااام عليج اختي صغيره شكو تصارخ عليها!! والله اختي كسرت خاطري تقولي قامت تزفها وتخزهاا من فوق لي تحت موعاجبها وانا بعد تخزني وتخز رفيجاتي والكل موعاجبها @@

(وعندي كلمه احب اوجهها لكل تاجره نصيحه تقبلي الانتقاد ولا تاخذونه بحساسيه زايده ترى الناس اذوااق يمكن انتي شغلج يعجب وحده والثانيه مايعجبها ولازم تعرفين ان الارزاق بيد اللله وحده انا مالي شغل اذا الله موكاتب لج رزق احنا وايد نتعب منسقات المعارض حاسين بمعاناتنا اكيد كل شي سويناه دعايه بالجرايد يوميا وبمرينا ان ام بالاذاعه مقابلات بالتلفزيون لقاءات بالمنتديات والفيس بوك ننزل اعلانات توزيع برشورات وارسال مسجات المسجات بس الي طرشناهم اكثر من اميه الف مسج !!

اذا الله موكاتبلج الرزق اليوم باجر يفتحها عليج الله يهديج يارب
وماقول غير حسبي الله ونعم الوكيل فيج على التشهير فيني والتبلي علي عيب حبيبتي انا اذا عندي شي اواجهج فيه بس انتي الي من ورا الشاشه تهددين وتتوعدين اذا عندج كلأم انا قايتلتج واجهيني فيه هذا اذا عندج كلأم وبالنهايه احب اشكر كل العضوات الي ردو على الموضوع وكل البنات الي وقفو معاي سواء يعرفوني او مايعرفوني يعطيكم العافيه والله يكثر من امثالكم يارب وشكر خاص لاختي وحبيبتي الغاليه بنكش وبنكوش والغاليه بلاك مس وحبيبة قلبي تايسي .

انا مسميه نفسي كركديه علشان كل ما شوف نكي ينزل ظقطي بس اللي صار جد يرفع الضغط كلامج على راسي وكلن يرى الناس بعين طبعه يا خيتو والزين يفرض نفسه واحترامه ,, والشين اقلل من شانه ويشين لسانه واللي صار مع فلانه شي لا تعليق صراحه وكلن يرجع حق اصله وتربيته مع احترامي للجميع وتحياتي لكلم :emoticon_U::smile:

karkadeh​

الزين يفرض نفسه

انا مسميه نفسي كركديه علشان كل ما شوف نكي ينزل ظقطي بس اللي صار جد يرفع الضغط كلامج على راسي وكلن يرى الناس بعين طبعه يا خيتو والزين يفرض نفسه واحترامه ,, والشين اقلل من شانه ويشين لسانه واللي صار مع فلانه شي لا تعليق صراحه وكلن يرجع حق اصله وتربيته مع احترامي للجميع وتحياتي لكم :emoticon_U::smile:

karkadeh​

الله يهديييكم و انا سكرت الموضوع علشان ما تكبر السالفه
ولا الموضوع يزيييد عن حده الله يهديييكم بس ...

فنوني انت نعم البنت وكل اللي اشترك بالمعرض يشهد باخلاقج الراقية لا يغرج كلام الناس اذا الرسول وهو رسول صلى الله عليه وسلم تأذى وتكلموا عنه فما بالج احنا قولي حسبي الله يعني الله كافيني وان كان لي حق ينتصرلي

ترى الرحمن ارحم فينا من نفسنا بساحنا ما نشعر​

بنات

آلمني حقيقة ان البنات يختلفون و الفلوب تتنافر عشان الفلوس ترى اخر الدنيا موت و احنا كلنا بنفى وماراح يذكرونا الا بأخلاقنا الله
يهدي الجميع

فديتج حياتي لايرتفع ضغطج ولا شي وياحلأت نكج واسلوبج والله انتي اللي على راسي[/color]

الله يهديييييييهم يارب ..

حبيبتي مشكوره بس انا حبيت ارد على الموضوع واوضح السالفه مابي اكبر الموضوع ولا اشهر فيها واغلط مثل ماسوت فيني

هلا أختي . . .

الموضوع السابق كنت أتابعه . . .

ولما وصلت الردود فيه للغلط حذفت المشاركات . . .

ولما زاد الغلط والردود الجارحة تم إغلاقه من اختي بنكية . . .

يعني كإدارة كنا متابعين الموضوع . . .

ولما أخذ منحنى آخر تم أغلاق الموضوع . . .

وأحنا ما نبي نقمع حقج في الرد على صاحبة الموضوع . . .

لكن إن وجدنا ردود بايخة أو غير لائقة بيتم حذفها وتنبيه العضوة . . .

خلونا نرتقي ويكون أسلوبنا راقي حتى لما نختلف مع بعض . . .

ام عبدالعزيز حبيبتي احب اشكرج على كلأمج انا معاج بكل كلمة قلتيها واحنا بشر ولأزم نختلف بس والله الي صار كان درس بالنسبه لي تعلمت منه ان ماصير طيبه زياده عاللزوم وما اثق بأحد واصدقه لأن الناس من طبعها الغدر وانا ما تهاوش عشان فلوس وصخ دنيا والله ياخذ حقي منها انا بالنهايه بنت وسمعتي تأثرت من هالسالفه ماقول الا حسبي الله علييها وعلى كل ظالم.

صدقيني مايضيع حق احد عند رب العالمين وربي بينصرك على عدوك

بس اذا قلتي الله يهديها وسامحتيها ربي بيبعد وجهك عن النار يوم القيامه

والله يعينك اختي تحملتي الظلم والله يهديها

ام عبدالله تدرين ليش فنوني فتحت الموضوع مره ثانيه لانه فرح عقلها كبييييير وقلبها كبير يوم درت بالسالفه ماردت عالبنت لانها ماتستاهل الواحد يحرق اعصابه عليها بس اهيا اللي الحمدلله والشكر ظلت تدز مسجات وتغلط وحتى انا اللي مالي شغل بالسالفه حاشني طشار منها اعوذ بالله شفتي شنو قالت عني بالموضوع اللي طاف ليش موحرام انا ماقليت ادبي عليها ولاغلطت عليها ليش تقول عني جذي موحرام اللي تسويه ولا بس لاني رفيجه فرح هذي اتوقع حتى ويه ظلها تتهاوش مسكينه ..

بنات لاتقولين انه احنا مكبرين السالفه انتو لو كنتو بالمعرض وشفتوها اشلون تكلم فرح جان مالمتونا عرفتو ان المفروض فنوني من زمااااان متصرفه وياها تصرف يليق بمستواها بس فرح ماشاءالله عليها بنت ناس ومحترمه ..

فروح حياتي لاتتضايقين ومشكوووره عالكلام الحلو واي شي تبينه لايردج الا لسانج وبوسيلي اختج الصغيره وقوليلها حسافه جان زين بيبسي مو ماي :wink_smile:

صج لما نقالوا جذبو الجذبه وصدقوها الحمدالله على كل حال الله يعينكم

السلام عليكم احب اوضح الموضوع انا قريت الموضوع والحين بين منوالطيب فينا الناس مايهمها الا الضاهر بس ربج اعلم بللي صار بينا لمن قلت عندي شهود ماجذبت والسنه والشرع يقولون اربع شهود بس انا عندي اكثر من اربع شهود ثاني شي انا اللي فتحت بابي وكان كل اللي يدقون عليج المشتركين كنتي تقولين لهم انا قاعده في بيتها قاعده تحط لي مكياج يعني انا اللي فتحت بابي موانتي ثالث شي حبيبتي انا قلت بعرض حلوياتي وقلتي فكره حلوه وقلت عندي تصاميم مسويتهم حقي ووريتج وقلتيلي يهبلون فدقيتي علي وقلتيلي ابيج تلبسيني من تصاميمج عشان تسويلي دعايه حق المعرض بس ماقلتيلي بلاش علما اني قلتلج ماعندي ميزانيه اني اصمملج يعني بالعربي بفلوس ولمن رحنا البلوكات عشان ناخذلج الخام عساس بدله وحده قمتي تقولين ابي هل خام وابي حق اختي صج اني بصمم حق اختج بس موحق المعرض حبيبتي وقلت مايخالف تستاهلون وقصرت على عمري وقلت الفلوس تروح وتيي والخام اللي خذيتيه ياحلوه اضن قلتلج ماينفع اسويه لان موحلو وانا وراعي الخام قلنالج ماينفع الادراعه قلتيلي ابيه عاجبني قلتلج على راحتج وبيتج انا مادخلته اشلون تقولين انا فتحت بابي لها واختج لمن يتني انا ماعصبت عليها ولا هاوشتها خافي ربج انا ضحكت وقلتلها ليش كتيتي الماي جذي راح تستمرضين لان كان يطق مطر اذا كنتي ناسيه اذكرج ولمن يبتيلي الملابس انا ماتهاوشت وياج ولاقلت ولاكلمه وضن انج يتيني المحل مع الخدامه مانسيت وانا ناديت تساهيل وقلتلها اذا بطلع من المعرض تردون لي الباجي قالتلي اي انردلج الفلوس ناخذ 30 ونعطيج 30 قلتلها ماشي وقالتلي ليش بتطلعين قلتلها صار موقف بيني وبين المنسقات وابي اطلع ماقدر اكمل قالتلي ماشي وبعدين يتني تساهيل وقالتلي في واحد بياخذ مكانج ففضي المحل اللحين والكلام صار كانوااهلي قاعدين بالمحل وقلتلها عطيني عشر دقايق اسويلي دعايه حقي لان الحلو حرام يخترب وقالتلي مايخالف فبس رحت وليلحين اذكر خمس محلات دخلتهم وقلتلهم عندي ابي ابيعه لاني بطلع من المعرض قالولي ليش قلتهم لان خايفه الحلو يخترب وشغلي مامشى بس ياخذون كروتي ويحجزون هذا اللي قلتله والله شاهد علي والبنات اللي مريتهم انا ماحرضت احد كل وحده عندها عقل تفكر فيه وهنيه البنات شروا مني الحلو وشغلي الحمدالله مشى والمحل اللي بالوي اللي تبيع بضاعه من امريكا شرت كل الحلو اللي عندي ومحل درنك مي محله كان يمي سالوهم اوقفو امعاي وساعدوني هذا الموضوع كله من الالف اللي الياء لازدت ولانقصت وانتوا وضميركم ياصدقوني ياصدقونها بس والله وربي ماهمني لان ربي شايف وعالم وانا عارفه نفسي عمري ماتبليت على احد واللي يتعاملون معاي شاهدين على اخلاقي واسفه اني طولت عليكم

مشكورين كل اللي مرو وعلقو على الموضوع ام عبدالله حبيبتي انا اعتب على الاداره لسبب واحد لمن انسانه تدخل المنتدى وتشهر وتغلط ببنات الحمايل وتقرون كلأمها اللي أوله يناقض تاليه مفروض تنبهونها أو عالاقل تحذفونه مايصير تشوفون الغلط وتغالط الاقوال وتسكتون انا كنت اقدر اوصل السالفه لي المخفر وارفع عليها قضيه تشهير واخذ حقي منها ومن الضرر الي وصلني منها بس انا قلت بهالزمن اخذ حقك بيدك وربك فووقك وانتو كاداره اكيد ماراح ترضون بالغلط وتسكتون
وبنكوشه شفتي اشلون وصلت الجراه والوقاحه لي وين!! حمدالله والشكر.!

ثانيا ردا على الي مسميه روحها الحلوه الي ماني قايله اسمها ولا راح اسوي مثل ماسوت وجذبت وشهرت فيني بس بقولج شي انا مايهموني شهودج خليهم لج وبسج جذب كاافيييييييييييي!!!
ولاتتسين يوم كنتي تمريني البيت وتفرفرين فيني انا واختي وحسافه جان زين فهمتج لما كنتي تقوليلي عن خلافاتج مع رفيجاتج انا تعاطفت معاج بس الحين عرفت ليش مالج صاحب لانج وسوري على الكلمه استغلاليه وتحبين مصلحتج بسس وحياتج كلها جذب بجذب خافي ربج ياماما عيب الي تسوينه وعيب عليج تتبلين علي وتتهميني اني مطرشه عليج شباب وين قاعدين احنا هذي موسوالفي انا متربيه احسن تربيه الحمدالله اذا عندي كلأم اوقف بويهج واقولج ياه ماراح اخاف منج ومو اناا اللي تهدديني وكيفج بتتقبلينها ماتبين تتقلبينهاا انا قلت رايي وخلأص وبعدين لاتنكرين انج سويتي مشاكل بالمعرض وانا يولي وايد مشاركات وقالولي انج قايلتلهم طلعو من المعرض وذميتي فيه وماراح ازيد أكثر من الي قلتيه رجاءا لا تطرشيلي مسجات بهالمستوى عيب ترى!!.